ಎಡದಂಡೆ ಕಾಲುವೆಗಳಿಗೂ ನೀರು ಹರಿಸಲಿ

1974ರ ಕೃಷ್ಣಾ ಜಲ ವಿವಾದ (ಬಚಾವತ್ ಆಯೋಗದ ತೀರ್ಪು) ಕೋಟಾದಡಿ ತಮಗೆ ಸಿಗಬೇಕಾದ ನ್ಯಾಯಸಮ್ಮತ ನೀರನ್ನು ಬಿಡುಗಡೆ ಮಾಡಬೇಕು. ಈಗಾಗಲೇ ಬಲದಂಡೆ ರಾಯಬಸವ ಕಾಲುವೆಗಳಿಗೆ ದಿನಕ್ಕೆ 150 ಕ್ಯೂಸೆಕ್ ನೀರು ಬಿಡಲಾಗುತ್ತಿದೆ. ಅದರಂತೆ ವಿಜಯನಗರ ಎಡದಂಡೆ ಕಾಲುವೆಗಳಿಗೂ 150 ಕ್ಯೂಸೆಕ್ ನೀರು ಹರಿಸಬೇಕು. ಅಣೆಕಟ್ಟಿನಲ್ಲಿ ಮುಳುಗಡೆಯಾಗಿರುವ ಕೊರಗಲ್ ಕಾಲುವೆಗಳ ಹಕ್ಕಿನ ಅನ್ವಯ ನಮಗೆ ವರ್ಷದ 11 ತಿಂಗಳು ನೀರು ಪಡೆಯುವ ಆದೇಶವಿದೆ. ಆದರೆ, ಅಧಿಕಾರಿಗಳು ಈ ಭಾಗದ ರೈತರನ್ನು ಕಡೆಗಣಿಸಿ, ಮಲತಾಯಿ ಧೋರಣೆ ಅನುಸರಿಸುತ್ತಿದ್ದಾರೆ.

ವರ್ಷಕ್ಕೆ 11ಎ ವಿತರಣೆ ವರೆಗಿನ 18 ಕಾಲುವೆಗಳಿಗೆ 12.5 ಟಿಎಂಸಿ ನೀರು ಬಿಡಲು ಆದ್ಯತೆ ನೀಡಬೇಕಾಗಿದೆ. ಜಲಾಶಯದಲ್ಲಿ ಒಳಹರಿವು ಹೆಚ್ಚಾಗಿದ್ದು, 25 ಟಿಎಂಸಿ ನೀರು ಸಂಗ್ರಹವಾಗಿದೆ. ತಕ್ಷಣ ನೀರು ಬಿಡದಿದ್ದರೆ ಬೆಳೆದು ನಿಂತಿರುವ ತೆಂಗು, ಮಾವು, ಕಬ್ಬು, ಭತ್ತದ ಬೆಳೆಗಳು ಒಣಗಲಿವೆ. ಜನ-ಜಾನುವಾರುಗಳಿಗೆ ಕುಡಿವ ನೀರಿಗೂ ತತ್ವಾರ ಎದುರಾಗಲಿದೆ. ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಳ್ಳದಿದ್ದರೆ ಮುಂದಿನ ದಿನಗಳಲ್ಲಿ ಉಗ್ರ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿದರು.

ಮುಖ್ಯ ಅಭಿಯಂತರರಾದ ಪ್ರೀತಿ ಪತ್ತಾರ್ ಮಾತನಾಡಿ, ಕುಡಿವ ನೀರಿನ ಲಭ್ಯತೆ ಆಧಾರದ ಮೇಲೆ ನೀರು ಬಿಡುವ ಕುರಿತು ಮೇಲಧಿಕಾರಿಗಳ ಗಮನಕ್ಕೆ ತರಲಾಗುವುದು. ತುಂಗಭದ್ರಾ ಮಂಡಳಿ ಚೇರ್ಮನ್, ಸರ್ಕಾರದ ಮುಖ್ಯ ಅಭಿಯಂತರರು ಹಾಗೂ ಉನ್ನತ ಅಧಿಕಾರಿಗಳ ಗಮನಕ್ಕೆ ತಂದು ಸೂಕ್ತ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು.

ಪ್ರಮುಖರಾದ ಯಂಕಪ್ಪ ಹೊಸಳ್ಳಿ, ಧರ್ಮರಾಜ, ರಾಮರಾವ್, ಶಿವಣ್ಣ ಚಲಸಾನಿ, ಹುಲುಗಪ್ಪ ಗಡಾದ, ಪ್ರಭುರಾಜ ಪಾಟೇಲ, ವೆಂಕಟಯ್ಯ ಸತ್ಯನಾರಾಯಣ ರೆಡ್ಡಿ, ವೀರಭದ್ರಪ್ಪ ಭೂಸನೂರಮಠ, ಯಮನೂರಪ್ಪ ವಡ್ಡರ್, ಯೇಸು ರಮೇಶ್, ಹನುಮಂತಪ್ಪ ಕರಡಿ, ಕೃಷ್ಣಾ ಗಡಾದ, ಮಂಗಳೇಶ, ಖಾಜಸಾಬ್ ಹೊಸಳ್ಳಿ, ವಿಶ್ವನಾಥ ರಾಜು, ಪಾಲಕ್ಷಪ್ಪ ಗುಂಗಾಡಿ ಇತರರಿದ್ದರು.