ಯುವಪೀಳಿಗೆ ಸಂವಿಧಾನದ ಆಳ ಅರಿವು ಪಡೆಯಲಿ

ಗಂಗಾವತಿ: ಸಂವಿಧಾನದ ಮಹತ್ವವನ್ನು ಶಾಲಾ-ಕಾಲೇಜುಗಳಲ್ಲಿ ಪ್ರಚುರಪಡಿಸುವುದರ ಜತೆಗೆ ಬುದ್ಧ, ಬಸವ ಮತ್ತು ಅಂಬೇಡ್ಕರ್ ಚಿಂತನೆಗಳನ್ನು ವಿದ್ಯಾರ್ಥಿಗಳಿಗೆ ತಿಳಿಸಲಾಗುತ್ತಿದೆ ಎಂದು ಬಹುಮುಖಿ ಸಾಂಸ್ಕೃತಿಕ ವೇದಿಕೆ ಸಂಚಾಲಕಿ ಡಾ.ಮುಮ್ತಾಜ್ ಬೇಗಂ ಹೇಳಿದರು.

ನಗರದ ಎಸ್‌ಕೆಎನ್‌ಜಿ ಸರ್ಕಾರಿ ಪದವಿ ಕಾಲೇಜಿನಲ್ಲಿ ಐಕ್ಯೂಎಸಿ, ಬಹುಮುಖಿ ಸಾಂಸ್ಕೃತಿಕ ವೇದಿಕೆಯಿಂದ ಹಮ್ಮಿಕೊಂಡಿದ್ದ ನಮ್ಮ ಸಂವಿಧಾನ ಸಂಗೀತಯಾನದಲ್ಲಿ ಮಾತನಾಡಿ, ಯುವಪೀಳಿಗೆಗೆ ಸಂವಿಧಾನ ತಿಳಿಸುವ ಉದ್ದೇಶದಿಂದ ವಿನೂತನ ಅಭಿಯಾನ ಕಾಲೇಜು ಶಿಕ್ಷಣ ಇಲಾಖೆ ಹಮ್ಮಿಕೊಂಡಿದ್ದು, ಸಂವಿಧಾನ ಮತ್ತು ಅಂಬೇಡ್ಕರ್ ಕುರಿತು ಆಳವಾದ ಅರಿವು ಪಡೆಯಬೇಕಿದೆ ಎಂದರು.

ಸಂವಿಧಾನದ ಪ್ರಸ್ತಾವನೆಯನ್ನು ಹೊಸಪೇಟೆ ಸಂಗೀತಗಾರ ಯಲ್ಲಪ್ಪ ಬಂಡಾರಗಾರ ಸಂಗೀತದ ಮೂಲಕ ವಿಭಿನ್ನ ರೀತಿಯಲ್ಲಿ ವಿದ್ಯಾರ್ಥಿಗಳಿಂದಲೇ ಹಾಡಿಸಿದರು. ಖ್ಯಾತ ಸಾಹಿತಿಗಳಾದ ಕುವೆಂಪು, ಜಿ.ಎಸ್.ಶಿವರುದ್ರಪ್ಪ ಅವರ ಭಾವಗೀತೆಗಳ ಜತೆಗೆ ಜನಪದಗಳು, ವಚನ ಮತ್ತು ಕೀರ್ತನೆಗಳನ್ನು ಹಾಡಿ ರಂಜಿಸಿದರು.

ಅಧ್ಯಕ್ಷತೆವಹಿಸಿದ್ದ ಪ್ರಾಚಾರ್ಯ ಡಾ.ಶಿವರಾಜ ಗುರಿಕಾರ್, ‘ನಿನ್ನಂತಾಗಬೇಕು ಕನಕ’ ಹಾಡನ್ನು ಹಾಡಿ ಅಧ್ಯಕ್ಷೀಯ ಭಾಷಣ ಮಾಡಿದರು. ಐಕ್ಯೂಎಸಿ ಸಂಚಾಲಕ ಕೆ.ಎಸ್.ಮಂಜುನಾಥ್, ಪ್ರಾಧ್ಯಾಪಕರಾದ ಡಾ.ಜೆ.ಕಷ್ಣ, ಇಬ್ರಾಹಿಂಸಾಬ್, ಶೋಭಾ, ಡಾ.ಅಣ್ಣೋಜಿರೆಡ್ಡಿ, ಡಾ.ದೊರೆಬಾಬು, ಭೂಮಿಕಾ, ಅತಿಥಿ ಉಪನ್ಯಾಸಕರಾದ ಡಾ.ಮಣಿಕಂಠ, ಡಾ.ಮುದುಕನಗೌಡ, ಸೋಮಶೇಖರ ಜೇಕಿನ್, ಡಾ.ಬಸವರಾಜ ಗೌಡನಬಾವಿ, ಡಾ.ಪಾಗುಂಡಪ್ಪ, ಡಾ.ಉಷಾರಾಣಿ, ಡಾ.ಲಕ್ಷ್ಮೀಬಾಯಿ, ಬಾಲಪ್ಪ ಬಡಿಗೇರ್, ಡಾ.ಮಂಜಣ್ಣ ಪೂಜಾರ್, ರವಿ ಹಾದಿಮನಿ, ಪವಿತ್ರಾ, ಡಾ.ಪದ್ಮಶ್ರೀ ಇತರರಿದ್ದರು.