ಕಳೆದ ವರ್ಷ ಉತ್ಸವ ಆಚರಣೆಗೆ ಮುಂದಾಗಿ ಸಾರ್ವಜನಿಕರೊಂದಿಗೆ ಪೂರ್ವಭಾವಿ ಸಭೆ, ಜಿಲ್ಲಾಡಳಿತ ಭವನದಲ್ಲಿ ಅಧಿಕಾರಿಗಳ ಸಭೆ ಜತೆಗೆ ಲೋಗೊ ಸಹ ಬಿಡುಗಡೆಗೊಳಿಸಿದ್ದರು. ಆದರೆ, ಸ್ಥಳೀಯವಾಗಿ ಕೆಲವರು ಜಾತ್ರೆ ವೇಳೆ ಉತ್ಸವ ಆಚರಿಸುವುದು ಬೇಡವೆಂದು ವಿರೋಧ ವ್ಯಕ್ತಪಡಿಸಿದ್ದರು. ಇದರಿಂದ ಈಗಾಗಲೇ ಅಧಿಕಾರಿಗಳಿಗೆ ಉತ್ಸವದ ಸಿದ್ಧತೆಯ ಹಂಚಿಕೆ ವಹಿಸಿದ್ದ ಸಚಿವ ತಂಗಡಗಿ ಉತ್ಸವದ ಕುರಿತು ಅಂತಿಮ ನಿರ್ಣಯದ ಸಭೆಗೆ ಆಗಮಿಸಿ ಸಾರ್ವಜನಿಕರ ವಿರೋಧ ಕಟ್ಟಿಕೊಂಡು ಉತ್ಸವ ಆಚರಿಸುವುದಿಲ್ಲ. ನೀವಾಗಿ ಬಂದು ಉತ್ಸವ ಆಚರಿಸಿ ಎಂದು ಕೇಳಿದಾಗ ಆಚರಣೆ ಬಗ್ಗೆ ನಿರ್ಧರಿಸುವುದಾಗಿ ತಿಳಿಸಿ ಭಾರದ ಮನಸ್ಸಿನಿಂದ ತಿಳಿಸಿ ಸಭೆಯಿಂದ ತೆರಳಿದ್ದು, ಚರ್ಚೆಗೆ ಗ್ರಾಸವಾಗಿತ್ತು. ಆ ಬಳಿಕ ಉತ್ಸವದ ಮಾತನ್ನೇ ಸಚಿವರು ತೆಗೆದಿರಲಿಲ್ಲ. ಮಾಧ್ಯಮದವರ ಪ್ರಶ್ನೆಗೂ ಗೋಡೆ ಮೇಲೆ ದೀಪವಿಟ್ಟಂತೆ ಮಾತನಾಡುತ್ತಾ ಬಂದಿದ್ದರು.
