ಸಹಸ್ರಾರ್ಜುನನಂತೆ ಧೈರ್ಯವಂತರಾಗಿ

ಶ್ರೀ ಅಂಬಾಭವಾನಿ ದೇವಸ್ಥಾನದಲ್ಲಿ ದೇವಿಯ ಮೂರ್ತಿ ಪ್ರತಿಷ್ಠಾಪನೆಯ 89ನೇ ವಾರ್ಷಿಕೋತ್ಸವ ನಿಮಿತ್ತ ಮಂಗಳವಾರ ಹಮ್ಮಿಕೊಂಡಿದ್ದ ಸಾಮೂಹಿಕ ಉಪನಯನ, ಸಾಮೂಹಿಕ ವಿವಾಹ ಮತ್ತು ಅಂಬಾಭವಾನಿ ಯಾತ್ರಿ ನಿವಾಸ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದರು.

ಸಮುದಾಯ ಆರ್ಥಿಕ, ಸಾಮಾಜಿಕವಾಗಿ ಮುಂದೆ ಬರಲು ಶಿಕ್ಷಣ ಪ್ರಮುಖ ಅಸ್ತ್ರವಾಗಿದ್ದು, ಎಲ್ಲರೂ ಶಿಕ್ಷಣಕ್ಕೆ ಹೆಚ್ಚಿನ ಆದ್ಯತೆ ನೀಡಬೇಕು. ಎಸ್‌ಎಸ್‌ಕೆ ಸಮುದಾಯ ಚಂದ್ರನಂತೆ ಶಾಂತ ಸ್ವಭಾವ ಹೊಂದಿದ್ದು, ಅಗತ್ಯ ಬಂದಾಗ ಸಹಸ್ರಾರ್ಜುನನಂತೆ ಧೈರ್ಯವಂತರಾಗಿ ಮುನ್ನಡೆಯುತ್ತಾರೆ. ಎಲ್ಲೇ ಇದ್ದರು ಸಮುದಾಯದವರು ಒಗ್ಗಟ್ಟಿನಿಂದ ಇರಬೇಕು ಎಂದರು.

ರಾಜ್ಯಸಭಾ ಸದಸ್ಯ ನಾರಾಯಣಸಾ ಭಾಂಡಗೆ ಮಾತನಾಡಿ, ಸಾಮೂಹಿಕ ವಿವಾಹ ಮತ್ತು ಉಪನಯನದಂತಹ ಕಾರ್ಯಕ್ರಮಗಳಿಂದ ಗುರುಗಳು ಹಾಗೂ ಹಿರಿಯರ ಆಶೀರ್ವಾದ ದೊರೆಯುತ್ತದೆ. ಮಕ್ಕಳಿಗೆ ಸಮಯಕ್ಕೆ ಉಪನಯನ ಸಂಸ್ಕಾರ ನೆರವೇರಿಸಿ ಧಾರ್ಮಿಕ ಸಂಸ್ಕಾರ ಬೆಳೆಸಬೇಕು. ಸಮಾಜದ ಅಭಿವೃದ್ಧಿಗೆ ಅಗತ್ಯ ಸಹಕಾರ ಹಾಗೂ ಅನುದಾನ ತರುತ್ತೇನೆ ಎಂದರು.

ದಿಶಾ ಸಮಿತಿ ಸದಸ್ಯ ದೊಡ್ಡಬಸನಗೌಡ ಪಾಟೀಲ್ ಬಯ್ಯಪುರ ಮಾತನಾಡಿ, ವರದಕ್ಷಿಣೆ ಕೊಡುವುದು ಹಾಗೂ ಪಡೆವುದು ಎಸ್‌ಎಸ್‌ಕೆ ಸಮುದಾಯದಲ್ಲಿ ಇಲ್ಲದಿರುವುದು ಸಮಾಜಕ್ಕೆ ಮಾದರಿಯಾಗಿದ್ದು, ಈ ಆದರ್ಶವನ್ನು ಇತರ ಸಮುದಾಯದವರು ಅನುಸರಿಸಬೇಕು ಎಂದರು.

120 ವಟುಗಳಿಗೆ ಸಾಮೂಹಿಕ ಉಪನಯನ ಹಾಗೂ 6 ಜೊಡಿಗಳ ಸಾಮೂಹಿಕ ವಿವಾಹ ಜರುಗಿತು. ಉಡುಪಿಯ ಪುತ್ತಿಗೆ ಮಠದ ಪಂಡಿತ ಡಾ.ಬಿ. ಗೋಪಾಲಾಚಾರ್ಯ ಆಶೀರ್ವಚನ ನೀಡಿದರು.

ಎಸ್‌ಎಸ್‌ಕೆ ಸಮುದಾಯದ ರಾಜ್ಯಾಧ್ಯಕ್ಷ ಶಶಿಕುಮಾರ ಮೇಹರವಾಡೆ, ಯುವ ಘಟಕದ ರಾಜ್ಯಾಧ್ಯಕ್ಷ ವೆಂಕಟೇಶ ಕಾಟವಾ, ಸ್ಥಳೀಯ ಅಧ್ಯಕ್ಷ ಭಗೀರಥಸಾ ಪಾಟೀಲ, ಮುಖಂಡರಾದ ಸತೀಶ ಮೇಹರವಾಡೆ, ವೆಂಕಟೇಶ ಕಾಟವಾ, ವಿಠಲಸಾ ನಗರಿ, ಗೋಪಿನಾಥಸಾ ಮಲಜಿ, ಮೋಹನ್ ಮಂತ್ರಿ, ಕವಿತಾಬಾಯಿ ದಾನಿ, ನಿವೃತ್ತ ಪ್ರಾಚಾರ್ಯ ರಾಜೇಂದ್ರ ಪಂಥ, ಮೋಹನಸಾ ಬಸ್ವಾ, ವಿಠಲಸಾ ಪವಾರ, ಶಮಖರಸಾ ಬದಿ, ಹನುಂತಸಾ ರಾಯಬಾಗಿ, ವಿಠಲಸಾ ಶಿಂಗ್ರಿ, ಸುರೇಶ ರಾಯಬಾಗಿ, ಅಂಬಾಸಾ ರಂಗ್ರೇಜ್, ಮಾರುತಿಸಾ ರಂಗ್ರೇಜ್ ಇತರರಿದ್ದರು.