ಕೊಪ್ಪಳ ಜಿಲ್ಲೆಯ ಕುಕನೂರು ಪಟ್ಟಣದ ಅಭಿಷೇಕ ದೇಸಾಯಿ ಎಂಬುವವರು ಫೆ.21ರಂದು ಸತ್ಯನಾರಾಯಣ ಬಡಾವಣೆಯಲ್ಲಿನ ತಮ್ಮ ನೂತನ ಗೃಹ ಪ್ರವೇಶ ಮಾಡಿದ್ದಾರೆ. ಈ ವೇಳೆ ಮನೆಯವರು, ಹಿತೈಷಿಗಳು, ಪ್ರಮುಖರು ಒಂದೆರಡು ದಿನ ಮುಂಚೆಯೇ ದೊಡ್ಡ ದೊಡ್ಡ ಫ್ಲೆಕ್ಸ್ ಹಾಕಿಸಿ ಶುಭಕೋರಿದ್ದಾರೆ. ಇದನ್ನು ಕಂಡು ನಿಜವಾದ ಶ್ರಮಿಕರಿಗೆ ಗೌರವ ಸಲ್ಲಿಸಬೇಕೆಂಬ ಭಾವನೆ ಬಂದಿದೆ. ಅದಕ್ಕೆ ಮನೆಗೆ ಪಾಯ ಹಾಕಿದ ಇಂಜಿನಿಯರ್ ಸೇರಿ ಮೇಸ್ತ್ರಿ, ಪ್ಲಂಬರ್, ಎಲೆಕ್ಟ್ರಿಷಿಯನ್ ಇತರರ ಹೆಸರಿನ ಫ್ಲೆಕ್ಸ್ ಹಾಕಿಸಿದ್ದಾರೆ. ದ್ವಾರ ಭಾಗಿಲಿನಲ್ಲಿಟ್ಟು ಇವರೇ ಸುಂದರ ಮನೆ ನಿರ್ಮಿಸಿದವರೆಂದು ಬಂದ ಅತಿಥಿಗಳಿಗೆ ಪರಿಚಯಿಸಿ ಗೌರವಿಸಿದ್ದಾರೆ. ಬಂದ ಗಣ್ಯರಿಗೆ ಒಂದೊಂದು ಸಸಿ ನೀಡಿ ಪರಿಸರ ಕಾಳಜಿ ಮೆರೆದಿರುವುದು ವಿಶೇಷ.
