ಮನೆ ನಿರ್ಮಾಣಕ್ಕೆ ಅನುದಾನ

ದುರ್ಗಾದೇವಿ ಜಾತ್ರಾಮಹೋತ್ಸವ ನಿಮಿತ್ತ ಗಂಗಾವತಿಗೆ ಆಗಮಿಸಿದ್ದ ಶಿವರಾಜ ತಂಗಡಗಿ, ಜಯನಗರದ ಬಿಜೆಪಿ ಮುಖಂಡ ಜೋಗದ ನಾರಾಯಣಪ್ಪ ನಾಯಕ ಅವರ ನಿವಾಸದಲ್ಲಿ ಬಿಜೆಪಿ ಮುಖಂಡರ ಕುಶಲೋಪರಿ ವಿಚಾರಿಸಿದರಲ್ಲದೆ, ಸಹಭೋಜನ ನಡೆಸಿದರು. ಹಿರಿಯ ಮುಖಂಡ ಎಚ್.ಎಸ್. ಗಿರೇಗೌಡ, ಯುವ ಮುಖಂಡ ಸಾಗರ ಮುನವಳ್ಳಿ ಅವರನ್ನು ನಾನ್‌ವೆಜ್ ತಿನ್ನುವ ವಿಚಾರದಲ್ಲಿ ಛೇಡಿಸಿದರಲ್ಲದೆ, ಹಾಸ್ಯ ಚಟಾಕಿ ಹಾರಿಸಿದರು. ಪಕ್ಷಭೇದ ಮರೆತು ಕೆಲಕಾಲ ನಗೆಗಡಲಲ್ಲಿ ತೇಲಿಸಿದರು. ನಗರಸಭೆ ಮಾಜಿ ಸದಸ್ಯರಾದ ಶಾಮೀದ್ ಮನಿಯಾರ್, ಮನೋಹರಸ್ವಾಮಿ ಹಿರೇಮಠ, ಡಿಸಿಸಿ ಉಪಾಧ್ಯಕ್ಷ ಅಜಗರ್ ಅಲಿ ಸಾಕ್ಷಿಯಾದರು.