ವಿದ್ಯುತ್ ಕ್ಷೇತ್ರ ಖಾಸಗೀಕರಣ ಕೈಬಿಡಲಿ

ವಿಭಾಗೀಯ ಮತ್ತು ಉಪವಿಭಾಗದ ನೌಕರರೊಂದಿಗೆ ಸಭೆ ನಡೆಸಿದ ಅಧಿಕಾರಿಗಳು ಮತ್ತು ಪವರ್‌ಮನ್‌ಗಳು, ಖಾಸಗೀಕರಣ ನೀತಿಯನ್ನು ಖಂಡಿಸಿದರು. ಎಇಇ ಎಸ್.ಐ. ಹಿರೇಮನಿ ಮಾತನಾಡಿ, ಸಂಘಟನಾತ್ಮಕವಾಗಿ ಖಾಸಗೀಕರಣ ನೀತಿ ವಿರೋಧಿಸಬೇಕಿದ್ದು, ಹೋರಾಟದ ಮೂಲಕ ತಡೆಯಬೇಕಿದೆ. ನೌಕರರಲ್ಲೂ ಬದಲಾವಣೆ ಅಗತ್ಯವಿದ್ದು, ಕಾಟಾಚಾರಕ್ಕೆ ಕರ್ತವ್ಯ ನಿರ್ವಹಿಸುವುದು ಸರಿಯಲ್ಲ. ಕೊಟ್ಟ ಕೆಲಸ ಸಮರ್ಪಕ ರೀತಿಯಲ್ಲಿ ನಿಭಾಯಿಸಿದಾಗ ಮಾತ್ರ ಇಂತಹ ಸಮಸ್ಯೆಗಳು ಎದುರಾಗಲ್ಲ ಎಂದರು.

ಖಾಸಗೀಕರಣ ನೀತಿ ಕುರಿತು ಇಇ ಎಂ.ವೀರೇಶ, ವಿದ್ಯುತ್ ಗುತ್ತಿಗೆದಾರರ ಸಂಘದ ತಾಲೂಕಾಧ್ಯಕ್ಷ ಅನಿಲ್ ದೇಸಾಯಿ ಮಾತನಾಡಿದರು.

ವಿವಿಧ ಸಂಘಟನೆ ಪದಾಧಿಕಾರಿಗಳಾದ ವಿ.ಮಂಜುನಾಥ, ಖಾಜಾಮೊಹಿದ್ದೀನ್,ಎಂ.ಜ್ಯೋತಿ, ರಫಿಕ್ ಅಹ್ಮದ್, ನಂದಕಿಶೋರ, ಅಬ್ದುಲ್ ರಫಿಕ್, ಬಸವರಾಜ, ಹನುಮೇಶ ಜೋಶಿ, ಶ್ರೀಧರ್, ಕಲ್ಲಪ್ಪ, ಅಜರುದ್ದೀನ್, ಮಹೆಬೂಬ್‌ಸಾಬ್ ದಾಲಾಯತ್, ಶರಣಬಸಪ್ಪ, ಶಂಕರ, ಎಲ್ಲ ಶಾಖೆ ಸಿಬ್ಬಂದಿ ಮತ್ತು ಪವರ್‌ಮನ್‌ಗಳಿದ್ದರು.