ಆರೋಗ್ಯ ತಪಾಸಣೆ ಉಚಿತ ಶಿಬಿರ ಜೂ.10ಕ್ಕೆ

ತಾಲೂಕಿನ ವಡ್ಡರಹಟ್ಟಿಯ ಕೆಎಲ್‌ಇ ಸಮೂಹ ಶಿಕ್ಷಣ ಸಂಸ್ಥೆಯ ಆವರಣದಲ್ಲಿ ಶಿಬಿರ ಕುರಿತು ಬುಧವಾರ ಆಯೋಜಿಸಿದ್ದ ಸಭೆಯಲ್ಲಿ ಮಾತನಾಡಿದರು. ಶಿಕ್ಷಣ ಕ್ಷೇತ್ರವನ್ನು ಈಗಾಗಲೇ ಗ್ರಾಮೀಣ ಭಾಗದಲ್ಲಿ ವಿಸ್ತರಿಸಿರುವ ಸಂಸ್ಥೆ, ಆರೋಗ್ಯ ಕ್ಷೇತ್ರ ಬಲಪಡಿಸಲು ಶಿಬಿರಗಳನ್ನು ಆಯೋಜಿಸುತ್ತಿದೆ.

ವಡ್ಡರಹಟ್ಟಿ ಕೆಎಲ್‌ಇ ಶಿಕ್ಷಣ ಸಂಸ್ಥೆ ಆವರಣದಲ್ಲಿ ಶಿಬಿರ ಆಯೋಜಿಸಿದ್ದು, ನಗರದ ಪ್ರಮುಖ ಭಾಗದಿಂದ ಉಚಿತ ಬಸ್ ಸೌಲಭ್ಯ ಕಲ್ಪಿಸಲಾಗುವುದು. ತಪಾಸಣೆಗಾಗಿ ಬರುವರಿಗೆ ಊಟದ ವ್ಯವಸ್ಥೆ ಮಾಡಲಾಗಿದೆ. ಬೆಳಗಾವಿ ಮತ್ತು ಹುಬ್ಬಳ್ಳಿಯ ಕೆಎಲ್‌ಇ ಸಂಸ್ಥೆಯ ಆರೋಗ್ಯ ಕೇಂದ್ರಗಳ ಸಹಯೋಗದಲ್ಲಿ ತಪಾಸಣೆ, ಚಿಕಿತ್ಸೆ ಮತ್ತು ಔಷಧ ಉಚಿತವಾಗಿ ವಿತರಿಸಲಾಗುವುದು. ಶಸಚಿಕಿತ್ಸೆ ಆಗತ್ಯವಿದ್ದರೆ ಹುಬ್ಬಳ್ಳಿ ಮತ್ತು ಬೆಳಗಾವಿ ಕೆಎಲ್‌ಇ ಆರೋಗ್ಯ ಘಟಕದಲ್ಲಿ ಚಿಕಿತ್ಸೆ ಕೊಡಿಸಲಾಗುವುದು ಎಂದರು.

ಶಿಬಿರದ ಸಂಯೋಜಕ ಡಾ.ಅಲ್ಲಮಪ್ರಭು ಮಾತನಾಡಿ, ಹೃದಯ, ಮೂತ್ರಕೋಶ, ನರ, ಎಲುಬು ಮತ್ತು ಕೀಲು, ಚರ್ಮ, ದಂತ, ನೇತ್ರ, ಶ್ವಾಸಕೋಶ, ಕ್ಯಾನ್ಸರ್ ಸೇರಿ 18ಕ್ಕೂ ಹೆಚ್ಚು ಪ್ರಮುಖ ರೋಗಗಳಿಗೆ ತಪಾಸಣೆ ನೀಡಲಾಗುತಿದ್ದು, ಕೆಎಲ್‌ಇ ಸಮೂಹ ಸಂಸ್ಥೆಯ ಅನುಭವಿ ತಜ್ಞರ ತಂಡ ಆಗಮಿಸಲಿದೆ. ಮಧುಮೇಹ, ಇಸಿಜಿ ಸೇರಿ ಇತರ ಪರೀಕ್ಷೆ ನಡೆಸಲಾಗುವುದು ಎಂದು ತಿಳಿಸಿದರು.

ಮಾಜಿ ಸಂಸದ ಎಸ್.ಶಿವರಾಮನಗೌಡ, ಮಾಜಿ ಶಾಸಕ ಜಿ.ವೀರಪ್ಪ, ಕೆಎಲ್‌ಇ ಸ್ಥಾನಿಕ ಆಡಳಿತ ಮಂಡಳಿ ಅಧ್ಯಕ್ಷ ಗಿರಿಯಪ್ಪ ಹೊಸ್ಕೇರಾ, ಸದಸ್ಯ ಪ್ರಭಾಕರ ಹೊಸ್ಕೇರಾ, ಶ್ರೀ ಕೊಟ್ಟೂರೇಶ್ವರ ವಿದ್ಯಾ ವರ್ಧಕ ಸಂಘದ ಉಪಾಧ್ಯಕ್ಷ ಕೆ.ಚನ್ನಬಸಯ್ಯಸ್ವಾಮಿ, ಪ್ರಾಚಾರ್ಯೆ ಡಾ.ಡಿ.ಎ.ಮಾನಸಾ ಇತರರಿದ್ದರು.