ಕೊಪ್ಪಳ ವಿವಿಯಲ್ಲಿ ಆಹಾರ ಮೇಳ

ಆಹಾರ ಮೇಳದಲ್ಲಿ ವಿದ್ಯಾರ್ಥಿಗಳು 15 ಅಂಗಡಿಗಳನ್ನು ತೆರದು ಆಕರ್ಫಿಕ ಹೆಸರುಗಳನ್ನು ಇಟ್ಟು ರುಚಿ ಮತ್ತು ಶುಚಿಯಾದ ತಿಂಡಿ ತಿನಿಸುಗಳನ್ನು ತಯಾರು ಮಾಡಿ ಮಾರಾಟ ಮಾಡಿದರು.

ಅಕ್ಕಿರೊಟ್ಟಿ, ರಾಗಿರೊಟ್ಟಿ, ಜೋಳದ ರೊಟ್ಟಿ, ಎಣ್ಣೆಗಾಯಿ, ವೆಜ್​ ಬಿರಿಯಾನಿ, ವೆಜ್​ ಕಬಾಬ್​, ಒತ್ತು ಶಾವಿಗೆ, ವಿವಿಧ ಬಗೆಯ ಕಾಯಿ, ಕಡ್ಲೆ ಬೀಜ, ಬೇಳೆ ಒಬ್ಬಟ್ಟು, ರೆವೆ ಉಂಡೆ, ಗುಲಾಬ್​ ಜಾಮೂನ್​, ಟಿ-ಕಾಫಿ, ಮಜ್ಜಿಗೆ, ಪಾನಕ, ವಿವಿಧ ಬಗೆಯ ಹಣ್ಣಿನ ಜ್ಯೂಸ್​ಗಳನ್ನು ಸ್ಥಳದಲ್ಲಿಯೇ ತಯಾರಿಸಿ ಸ್ಪರ್ಧಾತ್ಮಕ ಬೆಲೆಯಲ್ಲಿ ಮಾರಾಟ ಮಾಡಲಾಯಿತು.

ವಾಣಿಜ್ಯ ವಿಭಾಗದ ಉಪನ್ಯಾಸಕರಾದ ಅಲ್ತಾಪ್​ ಹುಸೇನ್​ ಮಾತನಾಡಿ, ಯುವ ಸಮೂಹ ಸರ್ಕಾರಿ ಕೆಲಸಕ್ಕಾಗಿ ಕಾಯದೆ ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳಬೇಕು ಹಾಗೂ ವಿರ್ದ್ಯಾರ್ಥಿಗಳಿಗೆ ಮಾರುಕಟ್ಟೆ ನಿರ್ವಹಣೆ, ನಾಯಕತ್ವ ಗುಣ, ಗುಂಪಿನಲ್ಲಿ ಕಾರ್ಯಾಚರಣೆ, ಹಣಕಾಸು ನಿರ್ವಹಣೆ, ವ್ಯವಹಾರ ಅನುಭವ, ಔದ್ಯೋಗಿಕ ಕೌಶಲ, ಪಾಲುದಾರಿಕೆ, ಕೊಳ್ಳುವಿಕೆ-ಮಾರುವಿಕೆ, ಲಾಭ-ನಫ್ಟಿ ಅಂಶಗಳನ್ನು ಕಲಿಸುವ ಪ್ರಾಥಮಿಕ ಉದ್ದೇಶದಿಂದ ಆಹಾರ ಮೇಳ ಆಯೋಜಿಸಲಾಗಿದೆ ಎಂದರು.

ವಿದ್ಯಾರ್ಥಿಗಳು, ಉಪನ್ಯಾಸಕರು ಸೇರಿದಂತೆ ಬೋಧಕೇತರ ಸಿಬ್ಬಂದಿಗಳು ಭಾಗವಹಿಸಿದರು.