ಕೊಪ್ಪಳಕ್ಕೆ ಬಂದ ರಸಗೊಬ್ಬರ

ದಿನ ಕಳೆದಂತೆ ಬೇಡಿಕೆ ಹೆಚ್ಚಿದ್ದು ರೈತರು ಅಂಗಡಿಗಳ ಮುಂದೆ ಸರತಿ ನಿಲ್ಲುವುದು, ದಾಖಲೆ, ಚಪ್ಪಲಿ, ಕಲ್ಲು ಇಟ್ಟು ಕಾಯುವುದು ನಡೆಯುತ್ತಿದೆ. ಬೇಡಿಕೆಯಂತೆ ಸಕಾಲಕ್ಕೆ ಗೊಬ್ಬರ ಪೂರೈಕೆ ಆಗದಿರುವುದು ಸಮಸ್ಯೆ ಹೆಚ್ಚಿಸುತ್ತಿದೆ. ರಾಷ್ಟ್ರೀಯ ಕೆಮಿಕಲ್​ ಫರ್ಟಿಲೈಸರ್​ ನಿಂದ ಗುರುವಾರ 1260 ಟನ್​ ಗೊಬ್ಬರ ಬಂದಿತು. ಎಲ್ಲ ಸೊಸೈಟಿಗಳಿಗೆ ಕಳಿಸಲಾಯಿತು. ಕೊಪ್ಪಳ ತಾಲೂಕಿನಲ್ಲಿ 1500 ಟನ್​ ಹಾಗೂ ಗಂಗಾವತಿಯಲ್ಲಿ 1000 ಟನ್​ ಯೂರಿಯಾ ಇದೆ. ಈವರೆಗೆ 60 ಸೊಸೈಟಿಗಳಿಗೆ 22 ಸಾವಿರ ಟನ್​ ಗೊಬ್ಬರ ಜಿಲ್ಲೆಗೆ ಪೂರೈಕೆಯಾಗಿದೆ. ಜೂ.15ಕ್ಕೆ ಒಂದು ಸಾವಿರ ಟನ್​ ಯೂರಿಯಾ ಬರಲಿದೆ ಎಂದ ಕೃಷಿ ಅಧಿಕಾರಿಗಳು ಮಾಹಿತಿ ನೀಡಿದರು.