ಬಿಎಸ್​ಪಿಎಲ್​ ಗೇಟ್​ ಕಿತ್ತೆಸೆದ ರೈತರು

54 ಸಾವಿರ ಕೋಟಿ ರೂ.ನಲ್ಲಿ ಕಾರ್ಖಾನೆ ಸ್ಥಾಪನೆಗೆ ಮುಂದಾಗಿದ್ದನ್ನು ಖಂಡಿಸಿ ಕಳೆದ 300 ದಿನಗಳಿಂದ ಹೋರಾಟ ನಡೆಯುತ್ತಿದೆ. ಕಂಪನಿ ವಶಕ್ಕೆ ಪಡೆದಿರುವ ಬಸಾಪುರ ಕೆರೆ ಸಾರ್ವಜನಿಕ ಬಳಕೆಗೆ ನೀಡಲು ಕಾರ್ಖಾನೆ ಮುಂದೆಯೇ ನಿತರಂತರ ಧರಣಿ ನಡೆಸಿದ ಅನ್ನದಾತರು, ರೈತ ಹುತಾತ್ಮ ದಿನ ಆಚರಿಸಿದರು. ರಾಜ್ಯ ರೈತ ಸಂದ ಅಧ್ಯಕ್ಷ ಬಡಗಲಪುರ ನಾಗೇಂದ್ರ ಸೇರಿ ಪ್ರಮುಖರೆಲ್ಲರ ಸಮ್ಮುಖದಲ್ಲಿ 21 ಪ್ರಮುಖ ರ್ನಿಣಯ ಮಂಡಿಸಿದರು.

ಇಟಗಿಯ ಭೂಕೈಲಾಸ ಮೇಲು ಗದ್ದುಗೆ ಹಿರೇಮಠದ ಗುರುಶಾಂತವೀರ ಸ್ವಾಮೀಜಿ ಸಮ್ಮುಖದಲ್ಲಿ ಪೊಲೀಸರನ್ನು ಲೆಕ್ಕಿಸದೆ ಬಿಎಸ್​ಪಿಲ್​ ಮುಖ್ಯ ದ್ವಾರ ಹಾಗೂ ತಡೆಗೋಡೆ ಮುರಿದು ಒಳ ಪ್ರವೇಶಿಸಿದರು. ಕೆರೆ ಬಳಿ ತೆರಳಿ ನಮ್ಮ ಕೆರೆ ನಮ್ಮ ಹಕ್ಕು ಎಂದು ಘೋಷಣೆ ಹಾಕಿದರು. ಬಳ್ಳಾರಿ ಐಜಿಪಿ ಡಾ.ಪಿ.ಎಸ್​.ಹರ್ಷ, ಎಸ್ಪಿಗಳಾದ ಜಾಹ್ನವಿ, ಡಾ.ರಾಮ್​ ಎಲ್​.ಅರಸಿದ್ದಿ ಸೇರಿ ಇತರ ಪೊಲೀಸರು ತಡೆಯಲೆತ್ನಿಸಿದರೂ ರೈತರು ಜಗ್ಗಲಿಲ್ಲ. ಸ್ಥಳದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗಿದ್ದು ಪೊಲೀಸ್​ ಭದ್ರತೆ ಹೆಚ್ಚಿಸಲಾಗಿದೆ.