ಮಳೆ ಆಗದ ಕಾರಣ ಜಲಾಶಯಕ್ಕೆ ನಿರೀತ ನೀರು ಹರಿದು ಬಂದಿಲ್ಲ. 27 ಟಿಎಂಸಿ ಸಂಗ್ರಹವಾಗಿದ್ದು ಸರ್ಕಾರ ಕುಡಿಯಲು ಮಾತ್ರ ಬಳಸುವಂತೆ ಆದೇಶಿಸಿದೆ. ವಿಜಯನಗರ ಕಾಲುವೆ ವ್ಯಾಪ್ತಿ ರೈತರು ಬೆಳೆಗಳಿಗೆ ನೀರು ಬಿಡುವಂತೆ ಮನವಿ ಸಲ್ಲಿಸಿದ್ದಾರೆ. ಸರ್ಕಾರದ ಸ್ಪಂದಿಸದಿದ್ದಕ್ಕೆ ಕಳೆದ ಮೂರು ದಿನದಿಂದ ನೀರಾವರಿ ನಿಗಮ ಕಚೇರಿ ಎದುರು ಅಹೋರಾತ್ರಿ ಧರಣಿ ನಡೆಸುತ್ತಿದ್ದಾರೆ. ನೀರು ಬಿಡುವುದಿಲ್ಲವೆಂದು ಅಧಿಕಾರಿಗಳು ಹೇಳಿದ್ದಕ್ಕೆ ಬೇಸತ್ತ ಎಸ್.ಖಾದ್ರಿ ನೀರಿಲ್ಲದಿದ್ದರೆ ನಾವು ಇದ್ದು ಏನು ಮಾಡೋಣ ಎಂದು ಹೇಳಿ ಜಲಾಶಯದಲ್ಲಿ ಧುಮುಕಲು ಓಡಿದರು. ತಕ್ಷಣ ಎಚ್ಚೆತ್ತ ಪೊಲೀಸರು ಓಡಿಬಂದು ಹಿಡಿದು ನಿಲ್ಲಿಸಿದರು. ಮಹಿಳೆಯೊಬ್ಬರು ಉದ್ರೇಕಗೊಂಡು ತಲೆ ಸುತ್ತು ಬಂದು ಬಿದ್ದರು. ಬಳಿಕ ಚೇತರಿಸಿಕೊಂಡರು. ಪ್ರತಿಭಟನೆ ಉಗ್ರರೂಪ ಪಡೆದಿದ್ದು ಪೊಲೀಸ್ ಬಿಗಿ ಭದ್ರತೆ ಕಲ್ಪಿಸಲಾಗಿದೆ.
