ಕಾಮಿಡಿ ಶೋ, ಗಾಯನ, ನಾಟಕ, ನೃತ್ಯ ಸೇರಿದಂತೆ ಕಲಾವಿದರನ್ನು ಪ್ರೋತ್ಸಾಹಿಸುವಂತ ಕಾರ್ಯಕ್ರಮಗಳಿಗೆ ಆದ್ಯತೆ ನೀಡಿ. ಸ್ಥಳೀಯ, ರಾಜ್ಯ ಮತ್ತು ಅಂತರಾಷ್ಟ್ರೀಯ ಕಲಾವಿದರನ್ನು ಆಹ್ವಾನಿಸಿ, ಮನೆ ಮಂದಿಯೆಲ್ಲ ನೋಡುವ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಿ. ಎಲ್ಲ ಗಣೇಶ ಮೂರ್ತಿಗಳು 11ನೇ ದಿನಕ್ಕೆ ಹೋಗುವ ವ್ಯವಸ್ಥೆಯಾಗಬೇಕು. ಜೋಕುಮಾರಸ್ವಾಮಿ ಬರುವಷ್ಟರಲ್ಲಿ ಗಣೇಶ ಮೂರ್ತಿಗಳು ವಿಸರ್ಜನೆಯಾದರೆ ಹಬ್ಬಕ್ಕೂ ಅರ್ಥ ಬರಲಿದೆ. ಈ ಹಿಂದೆ ಏನಾಗಿತ್ತೂ ಎಂಬುವುದರ ಬಗ್ಗೆ ಯೋಚಿಸುವುದರ ಬದಲೂ ಬದಲಾಗೋಣ.ಹಬ್ಬಕ್ಕೆ ಐತಿಹಾಸಿಕ ಮೆರಗು ನೀಡುವ ಜವಾಬ್ದಾರಿ ಸಮಿತಿಗಳ ಮೇಲಿದೆ. ಪಿಒಪಿ ಗಣೇಶ ಮತ್ತು ಡಿಜೆಗೆ ಲಕ್ಷಗಟ್ಟಲೇ ಮುಂಗಡ ಹಣ ನೀಡುವ ಸಮಿತಿಯವರ ಗಮನಕ್ಕಾಗಿ ಸಭೆ ಆಯೋಜಿಸಿದ್ದು, ಯೋಚಿಸಿ ಉತ್ತಮ ನಿರ್ಧಾರಕ್ಕೆ ಬರುವುದು ಸೂಕ್ತ ಎಂದರು.
