ಸಮಾನಾಂತರ ಜಲಾಶಯ ಅನುಷ್ಠಾನಕ್ಕೆ ಯತ್ನ

ಮುನಿರಾಬಾದ್​ ಟಿಬಿ ಡ್ಯಾಂಗೆ ಶುಕ್ರವಾರ ಭೇಟಿ ನೀಡಿ ಗೇಟ್​ ಅಳವಡಿಕೆ ಪರಿಶೀಲಿಸಿ ಮಾತನಾಡಿದರು.

ನವಲಿ ಯೋಜನೆ ಪ್ರಸ್ತಾವನೆಯನ್ನು ಮಂಡಳಿ ಮತ್ತು ನೆರೆ ರಾಜ್ಯ ಸರ್ಕಾರಗಳಿಗೆ ಕಳುಹಿಸಲಾಗಿದೆ. ಆಂಧ್ರ ಸಿಎಂ ಚಂದ್ರಬಾಬು ನಾಯ್ಡು ಅವರಿಗೆ ಪತ್ರ ವ್ಯವಹಾರ ನಡೆಸಲಾಗಿದೆ. ಉನ್ನತ ಅಧಿಕಾರಿಗಳ ಮಟ್ಟದಲ್ಲಿ ಮಾತುಕತೆ ನಡೆಯುತ್ತಿದೆ. ತೆಲಂಗಾಣ ಸರ್ಕಾರದೊಂದಿಗೂ ಸಮನ್ವಯ ಸಾಧಿಸಲು ಪ್ರಯತ್ನಿಸಲಾಗುತ್ತಿದೆ. ತಾಂತ್ರಿಕ ಕಾರಣಗಳಿಂದ ವಿಳಂಬವಾಗುತ್ತಿದೆ. ಪರಿಹರಿಸಿದ ಬಳಿಕ ಪೂರ್ಣ ಸಹಕಾರ ಸಿಗುವ ನಿರೀಕ್ಷೆಯಿದೆ. ಜನಪ್ರತಿನಿಧಿಗಳ ನಿಯೋಗ ಕೇಂದ್ರ ಜಲಶಕ್ತಿ ಸಚಿವಾಲಯದ ಅಧಿಕಾರಿಗಳು ಮತ್ತು ವಿವಿಧ ರಾಜ್ಯಗಳ ಸಂಸದರೊಂದಿಗೆ ಮಹತ್ವದ ಚರ್ಚೆ ನಡೆಸಿದೆ. ಕೇಂದ್ರ ಸಚಿವರು ಮತ್ತು ಅಧಿಕಾರಿಗಳು ಕರ್ನಾಟಕದ ನೀರಾವರಿ ಯೋಜನೆಗಳ ಬಗ್ಗೆ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆಂದು ಹೇಳಿದರು.

ಜಲಾಶಯದ 18 ಗೇಟ್​ ಅಳವಡಿಕೆಯಾಗಿದೆ. ಈ ತಿಂಗಳೊಳಗೆ ಇನ್ನು 5 ಗೇಟ್​ ಕೂಡಲಿವೆ. ಮೇ ಮಾಸಾಂತ್ಯಕ್ಕೆ 33 ಗೇಟ್​ ಅಳವಡಿಕೆ ಯಶಸ್ವಿಯಾಗಲಿದೆ. ನಿರೀೆಗಿಂತ ವೇಗವಾಗಿ ಕಾಮಗಾರಿ ನಡೆದಿದೆ. ಜಲಾಶಯಕ್ಕೆ ಧಕ್ಕೆಯಾಗಿಲ್ಲ. ಮೊದಲು ಗೇಟ್​ ಚೈನ್​ ಲಿಂಕ್​ ಬದಲಾವಣೆ ಇರಲಿಲ್ಲ. ಸದ್ಯ 5.6 ಕೋಟಿ ರೂ. ಮೊತ್ತದಲ್ಲಿ 66 ಚೈನ್​ ಲಿಂಕ್​ ಹೊಸದಾಗಿ ಅಳವಡಿಸಲಾಗುತ್ತಿದೆ. ನಿತ್ಯ ಒಂದು ಗೇಟ್​ಗೆ ಅಳವಡಿಕೆ ಆಗಲಿದೆ. ಐದಾರು ತಂಡ ನಿರ್ಮಿಸಿ ಆದಷ್ಟು ಬೇಗ ಅಳವಡಿಸಲು ಗುತ್ತಿಗೆ ಕಂಪನಿಗೆ ಸೂಚಿಸಲಾಗಿದೆ. ಜೂನ್​ ಮೊದಲ ವಾರದಲ್ಲೇ ಜಲಾಶಯಕ್ಕೆ ನೀರು ಬಂದರೂ ನಿರ್ವಹಣೆ ಮಾಡುತ್ತೇವೆಂದು ಭರವಸೆ ನೀಡಿದರು.

ರಾಜ್ಯ ಖಾದಿ ಮತ್ತು ಗ್ರಾಮೋದ್ಯೋಗ ಮಂಡಳಿ ಅಧ್ಯಕ್ಷ ಬಸವನಗೌಡ ತುರ್ವಿಹಾಳ, ಎಸಿ ಕ್ಯಾ.ಮಹೇಶ ಮಾಲಗಿತ್ತಿ, ಎಎಸ್ಪಿ ಆರ್​.ಹೇಮಂತ್​ ಕುಮಾರ್​, ಸಿಇ ಶ್ರೀನಿವಾಸ ರಡ್ಡಿ ಮಲ್ಲಿಗೆವಾಡ, ಎಇಇಗಳಾದ ಧರ್ಮರಾಜ್​ ಹಾಗೂ ಜ್ಞಾನೇಶ್ವರ, ಸೆಕ್ಷನ್​ ಅಧಿಕಾರಿಗಳಾದ ಜಿ. ಕಿರಣ, ಪಂಪಾಪತಿ ಡಿ.ಕೆ. ಮತ್ತು ಹುಲಿರಾಜ್​ ಇತರರಿದ್ದರು.