ಕಾರ್ಮಿಕರ ಹಕ್ಕುಗಳಿಗೆ ಒತ್ತಾಯ

ಅಸಂಘಟಿತ ಕಾರ್ಮಿಕರಿಗೆ ಕನಿಷ್ಠ 41 ಸಾವಿರ ರೂ. ವೇತನ, ಪಿಂಚಣಿ, ಸಾಮಾಜಿಕ ಭದ್ರತೆ ಸೇರಿದಂತೆ ವಿವಿಧ ಸೌಲಭ್ಯಗಳನ್ನು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಒದಗಿಸಬೇಕು ಎಂದು ಒತ್ತಾಯಿಸಲಾಯಿತು. ಕಾರ್ಮಿಕ ವರ್ಗದ ಹಕ್ಕುಗಳ ರಕ್ಷಣೆ, ಬದುಕಲು ಯೋಗ್ಯ ಕೂಲಿ, ಗುತ್ತಿಗೆ ಕಾರ್ಮಿಕರ ಉದ್ಯೋಗ ಭದ್ರತೆ, ಮಹಿಳಾ ನೌಕರರನ್ನು ಕಾರ್ಮಿಕರೆಂದು ಪರಿಗಣಿಸುವುದು, ನಾಲ್ಕು ಕಾರ್ಮಿಕ ಸಂಹಿತೆಗಳನ್ನು ರದ್ದುಪಡಿಸುವುದು ಹಾಗೂ ಕಾರ್ಮಿಕ ವಿರೋಧಿ ನೀತಿಗಳನ್ನು ಹಿಂಪಡೆಯಬೇಕು ಎಂದು ಆಗ್ರಹಿಸಲಾಯಿತು.

ಸಿಐಟಿಯು ಜಿಲ್ಲಾ ಅಧ್ಯಕ್ಷ ಹನುಮೇಶ ಕಲ್ಮಂಗಿ, ಅಂಗನವಾಡಿ ಸಂಘದ ಅನ್ನಪೂರ್ಣಮ್ಮ ಬೃಹನ್ಮಠ, ಬಿಸಿಯೂಟ ಸಂಘದ ಶಂಕ್ರಮ್ಮ ಕಿನ್ನಾಳ, ಪಂಚಾಯತ ನೌಕರರ ಸಂಘದ ಅಮರೇಶ ಡಾಣಿ, ಕೊಟ್ರೇಶ್​ ಕೊಪ್ಪಳ, ಕೃಷಿ ಕೂಲಿಕಾರರ ಸಂಘದ ಸುಂಕಪ್ಪ ಗದಗ, ಕಿಲೋರ್ಸ್ಕರ್​ ಕಾರ್ಮಿಕ ಸಂಘದ ಬಸವರಾಜ, ಶರಣಪ್ಪ, ರವಿ ಜೋಶಿ, ರಾಮಕೃಷ್ಣ, ಎಪಿಎಂಸಿ ಹಮಾಲಿ ಕಾರ್ಮಿಕರ ಸಂಘದ ಗಾಳೆಪ್ಪ ಟಪಾಲ್​, ಮಂಜುನಾಥ ಬಂಗಾಳಿ, ರಾಮಣ್ಣ, ಬಸವರಾಜ ಪೂಜಾರ ಇತರರಿದ್ದರು.