ಸೈಕಲ್​ ಯಾತ್ರೆ ಶ್ಲಾಘನೀಯ

ಕೊಪ್ಪಳ: ಯುವಕರು ಮಹಾತ್ಮರ ಜನ್ಮಸ್ಥಳಗಳಿಗೆ ಸೈಕಲ್​ ಯಾತ್ರೆ ಮೂಲಕ ತೆರಳುತ್ತಿರುವುದು ಇತರರಿಗೆ ಮಾದರಿ ಎಂದು ವಿಧಾನ ಪರಿಷತ್​ ಸದಸ್ಯೆ ಹೇಮಲತಾ ನಾಯಕ ಅಭಿಪ್ರಾಯಪಟ್ಟರು.

ಆರೋಗ್ಯ ಇಲಾಖೆ ನೌಕರ ಶಿವರಾಯಪ್ಪ ಹಾಗೂ ರಂಗ ಕಲಾವಿದ ನವೀನ್​ ಅವರು ಕೊಪ್ಪಳದಿಂದ ಭಗತ್​ ಸಿಂಗ್​ ಜನ್ಮ ಸ್ಥಳವಾದ ಪಂಜಾಬಿನ ಬಾಗ ಗ್ರಾಮಕ್ಕೆ ಸೈಕಲ್​ನಲ್ಲಿ ತೆರಳುತ್ತಿದ್ದು ಗುರುವಾರ ಅವರ ಪ್ರಯಾಣಕ್ಕೆ ಶುಭಕೋರಿ ಮಾತನಾಡಿದರು.

ಮಹಾತ್ಮರ ಜನ್ಮ ಸ್ಥಳಗಳಿಗೆ ಸೈಕಲ್​ ಯಾತ್ರೆಯ ಮೂಲಕ ಸ್ವಚ್ಛ ಭಾರತ- ಸ್ವಸ್ಥ ಭಾರತ ಹಾಗೂ ಪರಿಸರ ಉಳಿಸಿ ಜೀವಸಂಕಲ ಬೆಳಸಿ ಎಂಬ ಘೋಷವಾಕ್ಯದಡಿ ದೇಶ ಪರ್ಯಟನೆ ಮಾಡುತ್ತಿರುವುದು ಶ್ಲಾನೀಯ. ಇಂದಿನ ಯುವಕರು ದುಶ್ಚಟಗಳಿಗೆ ಬಲಿಯಾಗುತ್ತಿದ್ದಾರೆ. ಈ ಯುವಕರು ಸೈಕಲ್​ ಮೂಲಕ ಮಹಾತ್ಮರ ಜನ್ಮ ಸ್ಥಳಕ್ಕೆ ತೆರಳುತ್ತಿರುವುದು ಇತರರಿಗೆ ಮಾದರಿ. 2500 ಕಿ.ಮೀ. ದೂರದ ಊರಿಗೆ ಸೈಕಲ್​ ಮೂಲಕ ತೆರಳುತ್ತಿದ್ದು ಶುಭವಾಗಲಿ ಎಂದರು.

ರಾಜ್ಯ ಸರ್ಕಾರಿ ನೌಕರರ ಸಂದ ಜಿಲ್ಲಾಧ್ಯಕ್ಷ ನಾಗರಾಜ ಜುಮ್ಮಣ್ಣವರ ಮಾತನಾಡಿ, ಸರ್ಕಾರಿ ನೌಕರರಾಗಿದ್ದರೂ ವೃತ್ತಿ ಜತೆಗೆ ಸಾಹಸ ಪ್ರವೃತ್ತಿ ಬೆಳೆಸಿಕೊಂಡಿರುವುದು ಹೆಮ್ಮೆಯ ಸಂಗತಿ. ಯುವಕರು ಈಗಾಗಲೇ ಕಟಕ್​ ಹಾಗೂ ಪೋರಬಂದರಿನ ಸೈಕಲ್​ ಯಾತ್ರೆ ಯಶಸ್ವಿಯಾಗಿ ಮುಗಿಸಿದ್ದಾರೆ. ಇಲಾಖೆಯಿಂದ ಅಗತ್ಯ ಬೆಂಬಲ ನೀಡಲಾಗುವುದೆಂದರು.

ಪ್ರಾಥಮಿಕ ಶಾಲಾ ಶಿಕ್ಷಕರ ಸಂದ ಜಿಲ್ಲಾಧ್ಯಕ್ಷ ಶರಣಬಸವನಗೌಡ ಪಾಟೀಲ್​, ಆನಂದತಿರ್ಥ ಪ್ಯಾಟಿ ಮಾತನಾಡಿದರು. ನೌಕರರ ಸಂದ ಕಾರ್ಯಾಧ್ಯಕ್ಷ ಬೀರಪ್ಪ ಅಂಡಗಿ, ಕ್ರೀಡಾ ಕಾರ್ಯದರ್ಶಿ ಶರಣಪ್ಪ ರಡ್ಡೇರ, ನಿರ್ದೇಶಕರಾದ ಪ್ರಾಣೇಶ ಪೂಜಾರ, ನಾಗರಾಜ ನಾಯಕ ಡೊಳ್ಳಿನ, ಸಾಹಿತಿ ಶರಣಪ್ಪ ಬಿಳಿಎಲಿ, ಹನುಮಂತಪ್ಪ ಕುರಿ, ಮಲ್ಲಪ್ಪ ಗುಡದನ್ನವರ ಇತರರಿದ್ದರು.