ವಾಸ್ತು ಪ್ರಕಾರ ಸಮುದಾಯ ಭವನ ನಿರ್ಮಾಣ

ಗುರುವಾರ ಸಂಜೆಯೇ ಪಟ್ಟಣಕ್ಕೆ ಆಗಮಿಸಿದ್ದ ಶ್ರೀಗಳು, ಎರಡು ದಿನಗಳ ಕಾಲ ಇಲ್ಲಿನ ಭಕ್ತರ ಮನೆಗಳಲ್ಲಿ ಪಾದಪೂಜೆ ಸ್ವೀಕರಿಸಿದರು. ನಂತರ ಶ್ರೀ ವೀರಭದ್ರೇಶ್ವರ ದೇವಸ್ಥಾನಕ್ಕೆ ಭೇಟಿ ನೀಡಿ ದರ್ಶನ ಪಡೆದರು. ಬಳಿಕ ಸಮುದಾಯ ಭವನಕ್ಕೆ ಭೇಟಿ ನೀಡಿ ಐದು ಮೂಲೆಯಿದ್ದ ಭವನದ ಕಟ್ಟಡದ ವಾಸ್ತು ಸರಿಪಡಿಸಬೇಕಿದ್ದರಿಂದ ಭವನಕ್ಕೆ ಹೊಂದಿಕೊಂಡಿರುವ ಗಂಗಾಧರ ಸಜ್ಜನ ಅವರಿಗೆ ಸೇರಿದ ಜಾಗವನ್ನು ಸಮುದಾಯ ಭವನಕ್ಕೆ ಹಾಗೂ ಸಮುದಾಯ ಭವನ ಜಾಗವನ್ನು ಗಂಗಾಧರ ಸಜ್ಜನ್ ಅವರಿಗೆ ನೀಡಿ ಎರಡು ಕಟ್ಟಡಗಳಿಗೆ ವಾಸ್ತು ಸರಿಪಡಿಸಲು ಮುಂದಾಗಲಾಗಿದೆ.

ಇದಕ್ಕೆ ಸಜ್ಜನ್ ಕುಟುಂಬದವರು ಒಪ್ಪಿಕೊಂಡಿದ್ದಾರೆ. ಸಜ್ಜನ್ ಅವರು ನೀಡಿದ ಜಾಗದ ಕಡೆಗೆ ಸಮುದಾಯ ಭವನಕ್ಕೆ ಕಾಂಪೌಂಡ್ ನಿರ್ಮಿಸಲಾಗುವುದು. ಮುಂಭಾಗದ ಕಾಂಪೌಂಡ್‌ನ ಗೇಟ್‌ಗೆ ಕಮಾನು ನಿರ್ಮಾಣ ಸೇರಿ ಇತರ ಸಣ್ಣ ಪುಟ್ಟ ಕೆಲಸಗಳನ್ನು ನಿರ್ವಹಿಸಿ ಭಕ್ತರ ಕಾರ್ಯಕ್ರಮಗಳಿಗೆ ಅನುಕೂಲ ಮಾಡಿಕೊಡುವುದಾಗಿ ತಿಳಿಸಿದರು.

ಮಾಜಿ ಶಾಸಕ ಪರಣ್ಣ ಮುನವಳ್ಳಿ, ಪಪಂ ಅಧ್ಯಕ್ಷೆ ತನುಶ್ರೀ ರಾಮಚಂದ್ರ ಕುಟುಂಬ ಹಾಗೂ ಉಪಾಧ್ಯಕ್ಷ ಕಂಠಿರಂಗ ನಾಯಕ ಸೇರಿ ಭಕ್ತರಿಗೆ ಆಶೀರ್ವದಿಸಿದರು. ಅಲ್ಲದೇ, ಹಲವು ದಿನಗಳಿಂದ ಸಮುದಾಯ ಭವನ ಕಟ್ಟಡ ಕಾಮಗಾರಿ ಪೂರ್ಣಗೊಳ್ಳದೇ ಪಾಳು ಬಿದ್ದಿದ್ದನ್ನು ಸ್ಥಳೀಯ ಭಕ್ತರು ಒಗ್ಗೂಡಿ ತನು ಮನ ಧನದ ಸಹಾಯದಿಂದ ಇಂದು ಅಂದವಾಗಿ ನಿರ್ಮಾಣಗೊಂಡು ಸಾರ್ವಜನಿಕರಿಗೆ ಉಪಯುಕ್ತವಾಗುವಂತೆ ಮಾಡಿರುವುದನ್ನು ಶ್ರೀಗಳು ಸ್ಮರಿಸಿದರು.

ಪಟ್ಟಣ ಪಂಚಾಯಿತಿ ಸದಸ್ಯ ಸಂಗಪ್ಪ ಸಜ್ಜನ್, ಡಾ. ಗುರುಮೂರ್ತಿ, ಪ್ರಮುಖರಾದ ಕೆ. ಚನ್ನಬಸಯ್ಯಸ್ವಾಮಿ, ಮಹಾಬಳೇಶ ಸಜ್ಜನ್, ರುದ್ರಮುನಿಯಪ್ಪ ಪ್ರಭುಶೆಟ್ಟರ್, ಗುರುಸಿದ್ದಪ್ಪ ಹಾದಿಮನಿ, ಗಂಗಾಧರಸ್ವಾಮಿ ಕೆ., ಮಹಾಂತೇಶ ಸಜ್ಜನ್, ವಾಗೇಶ ಹಿರೇಮಠ, ಮಲ್ಲಿಕಾರ್ಜುನಗೌಡ, ಬಸವರಾಜ ಸಜ್ಜನ್, ಚನ್ನಬಸವ ತೆಗ್ಗಿನಮನಿ ಇತರರಿದ್ದರು.