ವ್ಯಕ್ತಿತ್ವ ವಿಕಸನಕ್ಕೆ ಸಾಹಿತ್ಯ ಚಟುವಟಿಕೆ ಪೂರಕ

ತಾಲೂಕಿನ ಮರಳಿ ಎಸ್‌ಎಂಬಿಎಸ್ ಬಿ.ಇಡಿ ಕಾಲೇಜಿನಲ್ಲಿ ಎಂಎನ್‌ಬಿವಿ ಟ್ರಸ್ಟ್ ಮತ್ತು ಕಸಾಪ ತಾಲೂಕು ಘಟಕದಿಂದ ಸೋಮವಾರ ಹಮ್ಮಿಕೊಂಡ ಶಿವಪುತ್ರಮ್ಮ ಮಹಾದೇವಯ್ಯ ಹರಗೇರಿಮಠ ದತ್ತಿ ಉಪನ್ಯಾಸ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. ವಿದ್ಯಾರ್ಥಿಗಳ ವ್ಯಕ್ತಿತ್ವ ವಿಕಸನಕ್ಕೆ ಸಾಹಿತ್ಯ ಪರ ಚಟುವಟಿಕೆಗಳು ಸಹಕಾರಿಯಾಗಿದ್ದು, ಕಲಿಕಾಜ್ಞಾನ ಹೆಚ್ಚಿಸಲಿವೆ ಎಂದರು.

ಕಸಾಪ ಜಿಲ್ಲಾಧ್ಯಕ್ಷ ಶರಣೇಗೌಡ ಪೊ.ಪಾಟೀಲ್ ಮಾತನಾಡಿ, ವೈಚಾರಿಕ ಪ್ರಜ್ಞೆ ಮೂಡಿಸುವಲ್ಲಿ ದತ್ತಿ ಉಪನ್ಯಾಸಗಳು ಪೂರಕವಾಗಿದ್ದು, ಸಾಹಿತ್ಯ ಕಾರ್ಯಕ್ರಮಗಳ ಮೂಲಕ ಯುವ ಸಮುದಾಯಕ್ಕೆ ಜಾಗೃತಿ ಮೂಡಿಸಲಾಗುತ್ತಿದೆ ಎಂದರು.

ಎಸ್‌ಕೆಎನ್‌ಜಿ ಸರ್ಕಾರಿ ಪದವಿ ಕಾಲೇಜಿನ ಸಹ ಪ್ರಾಧ್ಯಾಪಕಿ ಡಾ.ಮುಮ್ತಾಜ್ ಬೇಗಂ ‘ಭಾರತ ಸ್ವಾತಂತ್ರೃದಲ್ಲಿ ಮಹಿಳೆಯರ ಪಾತ್ರ ಮತ್ತು ಭ್ರಷ್ಟಾಚಾರ ತಡೆಗಟ್ಟುವಲ್ಲಿ ಮಹಿಳೆಯರ ಪಾತ್ರ’ ಕುರಿತು ಮಾತನಾಡಿದರು.

ದತ್ತಿದಾನಿಗಳಾದ ಕುಮಾರಸ್ವಾಮಿ ಹರಗೇರಿಮಠ, ಕೀರ್ತಿ ಹರಗೇರಿಮಠ, ಸಮೂಹ ಶಿಕ್ಷಣ ಸಂಸ್ಥೆ ಆಡಳಿತಾಧಿಕಾರಿಗಳಾದ ಎಚ್.ಎಂ.ವಿರೂಪಾಕ್ಷಯ್ಯ ಸ್ವಾಮಿ, ಎಚ್.ಎಂ.ಬಸವರಾಜ ಸ್ವಾಮಿ, ಪ್ರಾಂಶುಪಾಲ ಹುಸೇನ್ ಪೀರಾ, ಉಪನ್ಯಾಸಕರಾದ ಶಿಲ್ಪಾ ಜಿ.ಬಿರಾದಾರ್, ಅಬ್ದುಲ್ ಖಾದರ್ ಜಿಲಾನಿ, ವಿಶಾಲಾಕ್ಷಿ, ಕಸಾಪ ತಾಲೂಕು ಅಧ್ಯಕ್ಷ ಎಂ.ರುದ್ರೇಶ ಆರಾಳ್, ಜಿಲ್ಲಾ ಕೋಶಾಧ್ಯಕ್ಷ ರಮೇಶ ಕುಲ್ಕರ್ಣಿ, ಸಹ ಕಾರ್ಯದರ್ಶಿ ಪ್ರಸನ್ನ ದೇಸಾಯಿ, ಸದಸ್ಯರಾದ ಶರಣಪ್ಪ ಮಟ್ಟಿ, ಕೆ.ಕಾಂತರಾವ್, ಮರಳಿ ಹೋಬಳಿ ಘಟಕದ ಅಧ್ಯಕ್ಷ ಯಮನೂರಪ್ಪ, ಪ್ರಶಿಕ್ಷಣಾರ್ಥಿಗಳಾದ ಈಶಮ್ಮ, ಮೌನೇಶ ಬಡಿಗೇರ್ ಇತರರಿದ್ದರು.