ನಗರದ ಉಪವಿಭಾಗ ಪೊಲೀಸ್ ಠಾಣೆ ಆವರಣದಲ್ಲಿ ಸೋಮವಾರ ಸುದ್ದಿಗಾರರೊಂದಿಗೆ ಮಾತನಾಡಿದರು. ಬಂಧಿತರಿಂದ 41ಲಕ್ಷ ರೂ. ಮೌಲ್ಯದ 250 ಗ್ರಾಂ ಚಿನ್ನ ಮತ್ತು 1630 ಗ್ರಾಮ ಬೆಳ್ಳಿ ಒಡವೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ನಗರದ ಗುಂಡಮ್ಮಕ್ಯಾಂಪ್‌ನಲ್ಲಿ ಕಳವಾದ 6 ಗಂಟೆಯಲ್ಲಿ ಆರೋಪಿಗಳಾದ ಗುಂಡಮ್ಮಕ್ಯಾಂಪ್‌ನ ಸಾಹಿಲ್ ಜಿಲಾನಿಪಾಷಾ, ಛಲವಾದಿ ಓಣಿಯ ವೀರೇಶ ನಿಂಗಪ್ಪ ಮತ್ತು ಕಾನೂನು ಸಂಘರ್ಷಕ್ಕೊಳಗಾದ ಬಾಲಕನನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ತಿಳಿಸಿದರು.

ಇದರಂತೆ ಕುಷ್ಟಗಿ ಪ್ರಕರಣದಲ್ಲಿ ರಾಜಮೊಹ್ಮದ್ ಅಬ್ದುಲ್ ರಹೆಮಾನ್, ಬಸವರಾಜ ಮಾರ್ಕಂಡೆಪ್ಪ ತರಲಕಟ್ಟಿ, ನವೀನ್ ಕುಮಾರ ಕಲಾಲ್ ಮತ್ತು ಬಸವರಾಜ ಅಂಗಡಿ ಬಂಧಿಸಿದ್ದು, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ. ಕುಷ್ಟಗಿ ಪ್ರಕರಣದಲ್ಲಿ ಬಂಧಿತರಾದ ಆರೋಪಿಗಳು ಅಪ್ರಾಪ್ತ ಬಾಲಕನಿಗೆ ಮದ್ಯ, ಸಿಗರೇಟ್ ಸೇವಿಸುವಂತ ವಿಡಿಯೋ ಮಾಡಿ, ಬಹಿರಂಗ ಪಡಿಸುವ ಬಗ್ಗೆ ಬೆದರಿಕೆ ಹಾಕಿ ಮನೆಯಲ್ಲಿ ಆಭರಣಗಳನ್ನು ದೋಚುವಂತೆ ಮಾಡಿದ್ದಾರೆ. ಸನ್ಮಿತ್ರ ಯೋಜನೆ ಮೂಲಕ ಗಾಂಜಾ ಸೇವನೆಗಾರರನ್ನು ಸರಿದಾರಿಗೆ ತರಲಾಗುತ್ತಿದ್ದು, ಬಹುತೇಕ ನಿಯಂತ್ರಿಸಲಾಗಿದೆ. ಮನೆ ಕಳವು ಪ್ರಕರಣ ನಿಯಂತ್ರಣಕ್ಕೆ ಲಾಕಡ್ ಹೌಸ್ ಬೀಟ್ ಸಿಸ್ಟಮ್ ಜಾರಿಗೆ ತಂದಿದ್ದು, ಮನೆಗೆ ಬೀಗ ಹಾಕಿ ಹೋಗುವವರು ಪೊಲೀಸ್ ಗಮನಕ್ಕೆ ತಂದರೆ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಗುವುದು. ಜೀವ ಉಳಿಸಲು ಹೆಲ್ಮೆಟ್ ಕಡ್ಡಾಯವಾಗಿದ್ದು, ಶೀಘ್ರವೇ ಅಭಿಯಾನ ಶುರು ಮಾಡಲಾಗುವುದು. ಅಪ್ರಾಪ್ತರ ಕೈಯಲ್ಲಿ ಬೈಕ್ ನೀಡುವುದು ಅಪರಾಧವಾಗಿದ್ದು, ಪಾಲಕರ ಮೇಲೆ ಪ್ರಕರಣ ದಾಖಲಿಸಲಾಗುವುದು ಎಂದು ಎಚ್ಚರಿಸಿದರು.

ಪಿಐಗಳಾದ ಪ್ರಕಾಶ ಆರ್. ಯಾತನೂರ್, ವಿಶ್ವನಾಥ ಹಿರೇಗೌಡರ್, ಪಿಎಸೈಗಳಾದ ಹನುಮಂತಪ್ಪ ತಳವಾರ, ಜಿ.ನಾಗರಾಜ್ ಹಾಗೂ ಪೇದೆಗಳಿದ್ದರು.

ನಗರದ ಬಸ್ ನಿಲ್ದಾಣದಲ್ಲಿ ಹೆಚ್ಚುತ್ತಿರುವ ಮೊಬೈಲ್ ಇತರ ವಸ್ತುಗಳ ಕಳವು ಪ್ರಕರಣ ಹಿನ್ನೆಲೆಯಲ್ಲಿ ಡಿವೈಎಸ್ಪಿ ಜೆ.ಎಸ್.ನ್ಯಾಮಗೌಡರ್ ಭೇಟಿ ನೀಡಿ ಪರಿಶೀಲಿಸಿದರು. ನಿಲ್ದಾಣದಲ್ಲಿರುವ ಸಿಸಿ ಕ್ಯಾಮರಾಗಳ ಸ್ಥಿತಿ ವೀಕ್ಷಿಸಿದರಲ್ಲದೇ, ಭದ್ರತಾ ಸಿಬ್ಬಂದಿ ಬಗ್ಗೆಯೂ ಕೆಕೆಆರ್‌ಟಿಸಿ ಘಟಕ ವ್ಯವಸ್ಥಾಪಕ ಪ್ರವೀಣ ಯರನಾಳ್‌ರನ್ನು ವಿಚಾರಿಸಿದರು. ಬೈಕ್ ಇತರ ವಾಹನಗಳ ಪಾರ್ಕಿಂಗ್, ಶೌಚಗೃಹ, ಪ್ರಯಾಣಿಕರ ಸುರಕ್ಷತೆ ಮತ್ತು ವಿಶ್ರಾಂತಿ ಕೊಠಡಿ ಕುರಿತು ಮಾಹಿತಿ ಪಡೆದುಕೊಂಡರು. ಕಳವು ಪ್ರಕರಣ ನಿಯಂತ್ರಣಕ್ಕೆ ಸಿಸಿ ಕ್ಯಾಮರಾಗಳ ಸಂಖ್ಯೆ ಹೆಚ್ಚಿಸುವುದರ ಜತೆಗೆ ಗುಣಮಟ್ಟದ ಕ್ಯಾಮರಾ ಅಳವಡಿಸಲು ಸೂಚಿಸಲಾಯಿತು. ನಗರ ಪಿಐ ಪ್ರಕಾಶ ಆರ್. ಯಾತನೂರ್ ಇತರರಿದ್ದರು.