ಪ್ರವಾಸೋದ್ಯಮ ಪುನರಾವಲೋಕನ ಸಂದೇಶದಡಿ ಜಿಲ್ಲಾಡಳಿತ ಭವನದಿಂದ ಗದಗ ರಸ್ತೆಯ ಮಳೆಮಲ್ಲೇಶ್ವರ ದೇವಸ್ಥಾನದವರೆಗೆ ಜಾಥಾ ನಡೆಸಲಾಯಿತು. ಎಡಿಸಿ ಸಾವಿತ್ರಿ ಬಿ.ಕಡಿ, ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕಿ ಕಾವ್ಯಾರಾಣಿ ಕೆ.ವಿ., ಕೊಪ್ಪಳ ತಹಸೀಲ್ದಾರ್ ವಿಠ್ಠಲ ಚೌಗಲಾ, ಪ್ರವಾಸೋದ್ಯಮ ಇಲಾಖೆಯ ಸಹಾಯಕ ನಿರ್ದೇಶಕ ನಾಗರಾಜ ಸೈಕಲ್ ಚಲಾಯಿಸಿ ಗಮನ ಸೆಳೆದರು. ಪ್ರವಾಸ ಮಾಡಿ ಆರೋಗ್ಯವಾಗಿರಿ, ಪ್ರವಾಸ ಮಾಡಿ ಸಂತೋಷ ಪಡಿ, ಪ್ರವಾಸದಿಂದ ಅನುಭವ ಪಡಿ, ಪಂಪಾ ಸರೋವರ ಸಂದೇಶ ಫಲಕಗಳು ಜಾಥದಲ್ಲಿ ಕಂಡುಬಂದವು. ಪ್ರವಾಸಿ ಮಿತ್ರರು, ವಿವಿಧ ಶಾಲೆಗಳ ಹಾಗೂ ಎನ್.ಸಿ.ಸಿ ವಿದ್ಯಾರ್ಥಿಗಳು, ದೈಹಿಕ ಶಿಕ್ಷಣ ಶಿಕ್ಷಕರು ಸೇರಿದಂತೆ ಮತ್ತಿತರರು ಭಾಗವಹಿಸಿದ್ದರು.
