ಅಧಿಕಾರ ದುರುಪಯೋಗ ಪಡಿಸಿಕೊಂಡ ಕಾನಿಸ್ಟೇಬಲ್​

ಕೊಪ್ಪಳ: ನಗರದ ಎಸ್ಪಿ ಕಚೇರಿ ಕಾನಿಸ್ಟೇಬಲ್​ ಮೇಲಧಿಕಾರಿಗಳ ಕಣ್ತಪ್ಪಿಸಿ ವಿವಿಧ ಮೊಬೈಲ್​ ನಂಬರ್​ಗಳ ಸಿಡಿಆರ್​ ಮತ್ತು ಟವರ್​ ಲೊಕೇಷನ್​ ಮಾಹಿತಿ ಸೋರಿಕೆ ಮಾಡಿದ್ದು ತಡವಾಗಿ ಬೆಳಕಿಗೆ ಬಂದಿದೆ.

ಅಪರಾಧ ಠಾಣೆ ವಿಭಾಗದ ಸಿಎಚ್​ಸಿ ಕೋಟೆಪ್ಪ ಕೃತ್ಯ ಎಸಗಿದಾತ. 145 ಮೋಬೈಲ್​ ಸಿಡಿಆರ್​, 9 ಟವರ್​ ಡಂಪ್​ ಮಾಹಿತಿಯನ್ನು ಅಕ್ರಮವಾಗಿ ನೀಡಿದ್ದಾನೆ. ಈ ಬಗ್ಗೆ ಪ್ರಾಥಮಿಕ ತನಿಖೆಯಲ್ಲಿ ಅಕ್ರಮವಾಗಿ ರವಾನಿಸುವುದು ದೃಢಪಟ್ಟಿದೆ. ಈ ರೀತಿ ಮಾಹಿತಿ ಹಂಚಿಕೊಳ್ಳು ಪ್ರಕರಣ ದಾಖಲಾಗಿರುವುದು, ಅಥವಾ ಮೇಲಧಿಕಾರಿ ಅನುಮತಿ ಕಡ್ಡಾಯವಾಗಿ ಪಡೆಯಬೇಕು. ಈ ಸಂಬಂಧ ಸೆನ್​ ಠಾಣೆಯಲ್ಲಿ ಆ.21ರಂದು ಪ್ರಕರಣ ದಾಖಲಾಗಿದೆ. ಪ್ರರಕಣ ದಾಖಲಾಗುತ್ತಲೇ ಆರೋಪಿ ನಾಪತ್ತೆಯಾಗಿದ್ದು, ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.