ಮಕ್ಕಳ ಮೇಲೆ ನಾಯಿ ದಾಳಿ

ಕೊಪ್ಪಳ: ನಗರದಲ್ಲಿ ಬೀದಿ ನಾಯಿಗಳ ಹಾವಳಿ ಜಾಸ್ತಿಯಾಗಿದೆ. ಕಳೆದ ಎರಡು ದಿನದಲ್ಲಿ ಮಕ್ಕಳು ಸೇರಿ ಆರು ಜನರ ಮೇಲೆ ಗಂಭೀರ ದಾಳಿ ಮಾಡಿವೆ.

10 ಮತ್ತು 11ನೇ ವಾರ್ಡ್​ನ ಕನಕಗಿರಿ ಓಣಿ, ದಿನ್ಯಾರ ಓಣಿಯಲ್ಲಿ ಮೂವರು ಶಾಲಾ ಮಕ್ಕಳ ಮೇಲೆ ದಾಳಿ ನಡೆಸಿವೆ. ತಲೆ, ಕೈ ಸೇರಿ ದೇಹದ ಇತರ ಭಾಗಗಳಲ್ಲಿ ಕಚ್ಚಿದ್ದು ಮಕ್ಕಳನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ. ಮಂಗಳವಾರವೂ ಶಾಲೆಗೆ ತೆರಳುತ್ತಿದ್ದ ರ್ಹಾನ್​, ಮಂಜು, ಅಬ್ರಹಾರ ಎಂಬ ಮಕ್ಕಳ ಮೇಲೆ ನಾಯಿ ಗುಂಪಾಗಿ ದಾಳಿ ಮಾಡಿವೆ. ಏಕ ಕಾಲಕ್ಕೆ 5&6 ನಾಯಿಗಳು ಕಚ್ಚುತ್ತಿದ್ದು ಜನರು ಓಣಿಯಲ್ಲಿ ಓಡಾಡಲು ಭಯಪಡುತ್ತಿದ್ದಾರೆ.

ಈ ಬಗ್ಗೆ ನಗರಸಭೆ ಅಧಿಕಾರಿಗಳಿಗೆ ದೂರು ನೀಡಿದರೂ ಸ್ಪಂದಿಸಿಲ್ಲ. ಬೀದಿ ನಾಯಿಗಳ ಸಂಖ್ಯೆ ಹೆಚ್ಚಿದ್ದು, ನಿಯಂತ್ರಣ ಮಾಡಬೇಕಿದೆ. ಮನವಿ ಸಲ್ಲಿಸಿದರೂ ಸಂಬಂಧಿಸಿದವರು ಕ್ರಮ ಕೈಗೊಳ್ಳುತತಿಲ್ಲವೆಂದು ನಿವಾಸಿ ಸಲೀಂ ಖಾದ್ರಿ ಆಕ್ರೋಶ ವ್ಯಕ್ತಪಡಿಸಿದರು.