ಅರಣ್ಯ ರಕ್ಷಣೆಗೆ ಕ್ರಮ ಕೈಗೊಳ್ಳಿ: ನಲಿನ್​ ಅತುಲ್​

ಕೊಪ್ಪಳ: ಜಿಲ್ಲೆಯ ಅರಣ್ಯ ಪ್ರದೇಶಗಳನ್ನು ರಸಿ. ಇದಕ್ಕೆ ಬೇಕಾದ ಕ್ರಮಗಳನ್ನು ಕೈಗೊಳ್ಳುವಂತೆ ಜಿಲ್ಲಾಧಿಕಾರಿ ನಲಿನ್​ ಅತುಲ್​ ಅಧಿಕಾರಿಗಳಿಗೆ ಸೂಚಿಸಿದರು.

ಜಿಲ್ಲೆಯ ಪರಿಭಾವಿತ ಅರಣ್ಯ ಪ್ರದೇಶ ಸಂಬಂಧ ನಗರದ ಡಿಸಿ ಕಚೇರಿ ಸಭಾಂಗಣದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಅಧಿಕಾರಿಗಳ ಸಭೆ ಉದ್ದೇಶಿಸಿ ಮಾತನಾಡಿದರು.

ಅಕ್ರಮಿತ ಅರಣ್ಯ ಪ್ರದೇಶ ತೆರವುಗೊಳಿಸಬೇಕಿದೆ. ಜಿಲ್ಲೆಯಲ್ಲಿನ ಒಟ್ಟು ಅರಣ್ಯ ಪ್ರದೇಶ ಗುರುತಿಸಿ. ತಹಸೀಲ್ದಾರ್​ಗಳು, ಭೂದಾಖಲೆಗಳ ನಿರ್ದೇಶಕರು, ಅರಣ್ಯಾಧಿಕಾರಿಗಳು ತಾಲೂಕುವಾರು ಜಂಟಿ ಸರ್ವೇ ನಡೆಸಿ. ಅರಣ್ಯ ಪ್ರದೇಶ ಗುರುತಿಸಿ ವರದಿ ಸಲ್ಲಿಸಿ. ಯಾವುದೇ ಅತಿಕ್ರಮ ಕಂಡುಬಂದಲ್ಲಿ ನಿಯಮಾನುಸಾರ ತೆರವುಗೊಳಿಸಿ. ಗ್ರಾಪಂ ವ್ಯಾಪ್ತಿಯಲ್ಲಿ ಬರುವ ಪರಿಭಾವಿತ ಅರಣ್ಯ ಪ್ರದೇಶ ಬಗ್ಗೆ ಗಮನಹರಿಸಿ. ಸರ್ವೇ ನಂಬರ್​ ಸಂಪೂರ್ಣ ಅರಣ್ಯ ಪ್ರದೇಶವಾಗಿದ್ದಲ್ಲಿ ಅಥವಾ ಯಾವುದೇ ವಿವಾದಗಳಿಲ್ಲದಿದ್ದಲ್ಲಿ ತಾಲೂಕು ಮಟ್ಟದಲ್ಲಿ ಸ್ಥಳಿಯ ಜನಪ್ರತಿನಿಧಿಗಳೊಂದಿಗೆ ಸಮಾಲೋಚಿಸಿ ಕ್ರಮ ಕೈಗೊಳ್ಳಿ. ಕಂದಾಯ ದಾಖಲೆಗಳಲ್ಲಿ ಇಂಡೀಕರಣ ಮಾಡುವಂತೆ ಸಂಬಂಧಿಸಿದ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು.

ಉಪ ಅರಣ್ಯ ಸಂರಕ್ಷಣಾಧಿಕಾರಿ ಅರ್​ಸಲಾನ್​ ಮಾತನಾಡಿ, ಗ್ರಾಪಂ ವ್ಯಾಪ್ತಿಯಲ್ಲಿ ಬರುವ ಪರಿಭಾವಿತ ಅರಣ್ಯ ಪ್ರದೇಶ ಮಾಹಿತಿಯನ್ನು ವೆಬ್​ಸೈಟ್​ https://aranya.gov.in/aranyacms ನಲ್ಲಿ ಲಭ್ಯವಿದೆ. ಈ ಮಾಹಿತಿಯಲ್ಲಿರುವ ಸರ್ವೇ ನಂಬರ್​ಗಳ ಮೂಲಕ ಆಯಾ ತಾಲೂಕು ತಹಸೀಲ್ದಾರ್​ಗಳು, ಭೂ ದಾಖಲೆಗಳ ನಿರ್ದೇಶಕರು, ಅರಣ್ಯಾಧಿಕಾರಿಗಳು ಗಡಿ ಗುರುತಿಸಬೇಕೆಂದು ಸೂಚಿಸಿದರು. ಭೂ ದಾಖಲೆಗಳ ಇಲಾಖೆ ಹಾಗೂ ಅರಣ್ಯಾಧಿಕಾರಿಗಳಿದ್ದರು.