ಇದನ್ನು ಗಮನಿಸಿದ ಹಳೇ ಹಂಪಾಪುರ ಗ್ರಾಮದ ಕೆ.ಬಿ.ಉಮೇಶ್ ಕೆಲ ತಿಂಗಳಿನಿಂದ ಈ ವ್ಯಕ್ತಿಗೆ ಬೆಳಗ್ಗೆ ತಿಂಡಿ, ರಾತ್ರಿ ಊಟ ತಂದು ನೀಡುತ್ತಿದ್ದರು. ಇತ್ತೀಚೆಗೆ ಬುದ್ಧಿಮಾಂದ್ಯನ ಬಲಗೈ ಬೆರಳು ಗಾಯಗೊಂಡು ಹುಳುಗಳು ಬರುತ್ತಿದ್ದವು. ಇದನ್ನು ಗಮನಿಸಿದ ಉಮೇಶ್ ಹಾಗೂ ಸ್ನೇಹಿತರಾದ ಚಂದ್ರಶೇಖರ್, ಅಭಿಷೇಕ್ ಬುದ್ಧಿಮಾಂದ್ಯನನ್ನು ಕರೆದೊಯ್ದು ಕೇಶ ಮುಂಡನ ಮಾಡಿ, ಸ್ನಾನ ಮಾಡಿಸಿ ಚಿಕಿತ್ಸೆಗಾಗಿ ಕೊಳ್ಳೇಗಾಲ ಪಟ್ಟಣದ ಸರ್ಕಾರಿ ಆಸ್ಪತ್ರೆಗೆ ಕರೆತಂದು ದಾಖಲಿಸಿದ್ದರು. ವೈದ್ಯ ಡಾ.ಬಸವರಾಜು ಅವರಿಂದ ಪ್ರಥಮ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ ಚಾಮರಾಜನಗರ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ. ಈ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.
