ಗ್ರಾಮದ ಪುಟ್ಟಸಿದ್ದಮ್ಮ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಪುಟ್ಟಸಿದ್ದಮ್ಮ ಪುತ್ರನಿಗೆ 1 ತಿಂಗಳಿನಿಂದ ಅನಾರೋಗ್ಯವಿದ್ದ ಕಾರಣ ಮನೆಗೆ ಬೀಗ ಹಾಕಿಕೊಂಡು ಪಕ್ಕದ ಮನೆಯವರಿಗೆ ಹೇಳಿ ಬೆಂಗಳೂರಿನ ನಿಮ್ಹಾನ್ಸ್ಗೆ ತೆರಳಿದ್ದರು. ಜೂ.23ರಂದು ಬೆಳಗ್ಗೆ ಪಕ್ಕದ ಮನೆಯ ರಾಜಮ್ಮ ಮನೆ ಬಾಗಿಲು ಸ್ವಲ್ಪ ತೆರೆದಿದ್ದನ್ನು ಗಮನಿಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಬೀರುವಿನಲ್ಲಿದ್ದ 20 ಗ್ರಾಂ 2 ಚಿನ್ನದ ಸರ, 20 ಗ್ರಾಂ 1 ನೆಕ್ಲೇಸ್, 12 ಗ್ರಾಂ 1 ಜುಮುಕಿ, 7 ಗ್ರಾಂ ಮಾಟಿ, 7 ಗ್ರಾಂ ಓಲೆ, 4 ಗ್ರಾಂ ಹ್ಯಾಂಗಿಂಗ್ಸ್, 9 ಗ್ರಾಂ ಉಂಗುರ ಸೇರಿ ಒಟ್ಟು 104 ಗ್ರಾಂ ಚಿನ್ನಾಭರಣ ಹಾಗೂ 100 ಗ್ರಾಂ ಬೆಳ್ಳಿ ಪದಾರ್ಥ ಕಳವಾಗಿದೆ. ಈ ಬಗ್ಗೆ ಪುಟ್ಟಸಿದ್ದಮ ಪುತ್ರಿ ಸೌಮ್ಯಾ ಪೊಲೀಸರಿಗೆ ದೂರು ನೀಡಿದ್ದು, ಗ್ರಾಮಾಂತರ ಪೊಲೀಸ್ ಠಾಣೆಯ ಪಿಎಸ್ಐ ಗಣೇಶ್ ಹಾಗೂ ತಂಡ ಸ್ಥಳಕ್ಕೆ ತೆರಳಿ ಪರಿಶೀಲಿಸಿದ್ದಾರೆ.
