ಕಲ್ಲು ಕ್ವಾರಿ, ಗಣಿಯಲ್ಲಿ ನಿಯಮ ಉಲ್ಲಂಟನೆ

ಕೋಲಾರ: ಜಿಲ್ಲೆಯ ಶ್ರೀನಿವಾಸಪುರ ವ್ಯಾಪ್ತಿಯಲ್ಲಿ ಕಾನೂನು ಬಾಹಿರವಾಗಿ ಕಲ್ಲು ಗಣಿ ನಡೆಸುತ್ತಿದ್ದವರ ವಿರುದ್ಧ ಹಾಗೂ ಇದಕ್ಕೆ ಕುಮ್ಮಕ್ಕು ನೀಡಿರುವ ಅಧಿಕಾರಿ, ಸಿಬ್ಬಂದಿ ವಿರುದ್ಧ ಉಪ ಲೋಕಾಯುಕ್ತ ಬಿ.ವೀರಪ್ಪ ಅವರು ಸ್ವಯಂ ದೂರು ದಾಖಲಿಸಿಸಿದ್ದಾರೆ.

ಕಾನೂನು ಬಾಹಿರವಾಗಿ ಕಲ್ಲು ಗಣಿ ನಡೆಸುತ್ತಿರುವ ಬಗ್ಗೆ ಶ್ರೀನಿವಾಸಪುರ ತಾಲೂಕಿನ ಗೌನಿಪಲ್ಲಿ ಗಾಂಧಿನಗರ ನಿವಾಸಿ ಶಶಿಕಲಾ ಅವರು 2025ರ ಸೆ.15ರಂದು, ಲೋಕಾಯುಕ್ತ ಪೊಲೀಸರಿಗೆ ದೂರು ಸಲ್ಲಿಸಿದ್ದರು.

ಕೋಡಿಪಲ್ಲಿ ಗ್ರಾಮದ ಸರ್ವೇ ನಂಬರ್​ 108, 133, 134, 135, 180, 181, ಕೊಂಡಮಾರಿ ಸರ್ವೇ ನಂಬರ್​ 101 ಪೈಕಿ ಜಮೀನು ಪೈಕಿ ಜೆ.ಎನ್​.ಸ್ಟೋನ್​ ಪ್ರಾಡಕ್ಸ್ಟ್​ ಹಾಗೂ ತಾಡಿಗೋಲ್​ ಸವೇ ನಂಬರ್​ 415/1, 415/2ರಲ್ಲಿ ಜೆಎನ್​ಎಸ್​ ಕಾಂಕ್ರೀಟ್​ ಬ್ರಿಕ್ಸ್​ ಮಾಲೀಕರು ನಿಯಮಗಳನ್ನು ಉಲ್ಲಂಘಿಸಿ ಗಣಿ ನಡೆಸುತ್ತಿರುವ ಆರೋಪದಡಿ ದೂರು ದಾಖಲಾಗಿತ್ತು.

ಅಕ್ರಮವಾಗಿ ಕಲ್ಲು ಕ್ವಾರಿ, ಸ್ಟೋನ್​ ಕ್ರಷರ್​ ಹಾಗೂ ಗಣಿಗಾರಿಕೆ ನಡೆಸಿ, ಭೋಗ್ಯದ ನಿಯಮಗಳನ್ನು ಹಾಗೂ ಮೈನರ್​ ಮಿನರಲ್​ ಕನ್ಸಿಸನ್​ ನಿಯಮಗಳನ್ನು 1994ನ್ನು ಉಲ್ಲಂಟಿಸಿ, ನೈಸರ್ಗಿಕ ಸಂಪನ್ಮೂಲಗಳ ಶೋಷಣೆಯನ್ನುಂಟು ಮಾಡಿ ರಾಜ್ಯದ ಬೊಕ್ಕಸಕ್ಕೆ ಆರ್ಥಿಕ ನಷ್ಟವುಂಟು ಮಾಡಿದ್ದಾರೆ ಸೇರಿದಂತೆ ಹಲವು ವಿಚಾರಗಳನ್ನು ದೂರಿನಲ್ಲಿ ಗಮನ ಸೆಳೆದಿದ್ದರು.

ಸದರಿ ರ್ನಿಲಕ್ಷತೆಗಳಿಗೆ ಕಾರಣಕರ್ತರಾದ ಅಧಿಕಾರಿ, ಸಿಬ್ಬಂದಿ ವರ್ತನೆಯ ವಿರುದ್ಧ ಕರ್ನಾಟಕ ಲೋಕಾಯುಕ್ತ ಕಾಯ್ದೆ 1984ರ ಕಲಂ 2(2)(ಸಿ)ರ ಸಾರ್ವಜನಿಕ ಸೇವಕನಾಗಿ ತನ್ನ ಸಾಮರ್ಥ್ಯದಲ್ಲಿ ಸಮಗ್ರತೆಯ ಕೊರತೆ, ಕರ್ನಾಟಕ ಲೋಕಾಯುಕ್ತ ಕಾಯ್ದೆ 1948ರ ಕಲಂ2(5)ರ ಪರಿಭಾಷೆ ಭ್ರಷ್ಟಾಚಾರ ಎಂದರೆ ಭಾರತೀಯ ದಂಡ ಸಂಹಿತೆಯ ಅಧ್ಯಾಯ 9 ಅಥವಾ ಭ್ರಷ್ಟಾಚಾರ ತಡೆ ಕಾಯ್ದೆ 1947ರ ಅಡಿಯಲ್ಲಿ ಶಿಾರ್ಹವೆಂದು ಪರಿಗಣಿಸಲಾಗಿ, ಲೋಕಾಯುಕ್ತ ಕಾಯ್ದೆ 1948ರ ಕಲಂ 2(10), ಸಹವಾಚಕ ಕಲಂ 9(3)ರಡಿಯಲ್ಲಿ ಗಣಿ ಮಾಲೀಕರು ಸೇರಿದಂತೆ ವಿವಿಧ ಇಲಾಖಾಧಿಖಾರಿಗಳ ವಿರುದ್ಧ ಸ್ವಯಂ ದೂರು ದಾಖಲಿಸಿದ್ದಾರೆ.

ಜತೆಗೆ ರಾಯಲ್ಟಿಗಳ ಬಗ್ಗೆ ಮಾಹಿತಿ ಹಕ್ಕು ಅಧಿನಿಯಮದಡಿಯಲ್ಲಿ ಮಾಹಿತಿ ಕೇಳಲಾಗಿದ್ದು, ಇದಕ್ಕೆ ಗಣಿ ಮತ್ತು ಭೂ ವಿಜ್ಞಾನಿ ಇಲಾಖೆ ಉಪ ನಿರ್ದೇಶಕರು ಬಿಲ್ಡಿಂಗ್​ ಸ್ಟೋನ್​ ಕ್ವಾರಿಯವರು 2009&10ರಿಂದ 2021-22ರವರೆಗೆ 1,58,053 ಮೆಟ್ರಿಕ್​ ಟನ್​ಗಳ ಉತ್ಪಾದನೆ ಮಾಡಿ, 1,08,063 ಮೆಟ್ರಿಕ್​ ಟನ್​ಗಳನ್ನು ವಿತರಿಸಿದ್ದಾರೆ, ಇದಕ್ಕೆ 27,58,708 ರೂ. ರಾಯಲ್ಟಿಯಾಗಿ ಸ್ವೀಕರಿಸುವುದಾಗಿ ಮಾಹಿತಿಯಲ್ಲಿ ನಮೂದಿಸಿದ್ದಾರೆ.

ಕ್ವಾರಿ ಲೈಸನ್ಸ್​ ಸಂಖ್ಯೆ 916ರಕ್ಕೆ ಸಂಬಂಧಿಸಿದಂತೆ 2017 ಅಗಸ್ಟ್​ 8ರಿಂದ 2022 ಮಾರ್ಚ್​ 30ರವರೆಗೆ ಸುಮಾರು 47,47,46,068.11 ಪ್ರಮಾಣ ಉತ್ಪಾದಕರಗಳನ್ನು ವಿವಿಧ ಮಾರಾಟಗಾರರಿಗೆ ಸರಬರಾಜು ಮಾಡಿದ್ದಾರೆ. ಇದರಿಂದಾಗಿ ಜೆಎನ್​ ಸ್ಟೋನ್​ ಪ್ರಾಡಕ್ಟ್​ ್ಸ ಮಾಲೀಕರು ಹಾಗೂ ಗಣಿ ಇಲಾಖೆಯವರು ಒಂದಾಗಿ ತಪು$್ಪ ಮಾಹಿತಿಗಳನ್ನು ನೀಡುರುವುದು ಸ್ಪಷ್ಟವಾಗಿದೆ ಎಂದು ಆಪಾದಿಸಿದ್ದರು.

ದೂರಿನ ಮೇರೆಗೆ ತನಿಖೆ ಮಾಡಿ ವರದಿ ಸಲ್ಲಿಸುವಂತೆ ಉಪ ಲೋಕಾಯುಕ್ತ ಬಿ.ವೀರಪ್ಪ ಅವರು, ಲೋಕಾಯುಕ್ತ ಪೊಲೀಸ್​ ಉಪಾಧೀಕ್ಷಕ ಬಿ.ಸುನಿಲ್​ ಕುಮಾರ್​ ಅವರಿಗೆ ಸೂಚಿಸಿದ್ದು, ಅದರಂತೆ 2025ರ ಡಿ.16ರಂದು ಸ್ಥಳಕ್ಕ ಭೇಟಿ ನೀಡಿ ವರದಿಯನ್ನು ಸಲ್ಲಿಸಿದ್ದರು.

- ಕೊಂಡಮರಿ ಸರ್ವೇ ನಂ 104ರ ಪೈಕಿ 4.35 ಎಕರೆ, ಕೋಡಿಹಳ್ಳಿ 134ರಲ್ಲಿ 1.34 ಎಕರೆ ಜಮೀನಿನಲ್ಲಿ ಜೆಎನ್​ ಸ್ಟೋನ್​ ಪ್ರಾಡೆ ಕ್ಟ್ಟ್​ ಹೆಸರಿನಲ್ಲಿ ಕಲ್ಲುಕ್ವಾರಿ ಮತ್ತು ಕ್ರಷನ್​ ಗಲ್ಲುಗಣಿಯನ್ನು 2025 ಫೆ..19ರಂದು ನಿಷ್ಕ್ರಿಯ ಕಲ್ಲು ಗಣಿ ಗುತ್ತಿಗೆ ಎಂದು ಘೋಷಿಸಿರುವುದಾಗಿ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ಅಧಿಕಾರಿಗಳು ಮಾಹಿತಿ ನೀಡಿದ್ದು, ಆದರೆ ಸದರಿ ಗಣಿ ಕ್ವಾರಿ ಮತ್ತು ಕ್ರಷನ್​ ಸ್ಥಳಗಳಲ್ಲಿ ಕೂಲಂಕುಶವಾಗಿ ಪರಿಶೀಲಿಸಿದಾಗ 15&20 ದಿನಗಳಿಂದ ಕಾರ್ಯನಿ ನಿರ್ವಹಿಸಿರುವುದು ಎಂ&ಸ್ಯಾಂಡ್​ ಉತ್ಪಾದಿಸಿರುವುದು ಕಂಡು ಬಂದಿದೆ.

- 15-20 ದಿನಗಳಿಂದ ಕಾರ್ಯನಿರ್ವಹಿಸುತ್ತಿರುವ ಬಗ್ಗೆ ಕಾರ್ಮಿಕರಿಂದ ಮಾಹಿತಿ ಲಭ್ಯ.

- ರಾಯಲ್ಟಿ ಪಾವತಿಸದೆ ಅಕ್ರಮ ಎಸಗಿರುವುದು ಸೇರಿದಂತೆ ಗಣಿ ಗುತ್ತಿಗೆಯ ಇತರೆ ನಿಯಮಗಳ ಉಲ್ಲಂನೆ.

- ಪಡೆದುಕೊಂಡಿರುವ ಪರವಾನಿಗೆ ವಿಸ್ತಿರ್ಣಕ್ಕಿಂತ ಹೆಚ್ಚು ಜಾಗದಲ್ಲಿ ಕ್ವಾರಿ ನಡೆಸಿರುವುದು.

- ಕಾರ್ಮಿಕ ಕಾಯ್ದೆಯಡಿ ಕಾರ್ಮಿಕರಿಗೆ ವೇತನ, ಸುರಕ್ಷತಾ ಕ್ರಮಗಳನ್ನು ಅಳವಡಿಸದೆ ಇರುವುದು.

- ಟಿಪ್ಪರ್​ ವಾಹನಗಳಿಗೆ ಜಿಪಿಎಸ್​ ಅಳವಡಿಸದೆ ಇರುವುದು, ಆರ್​ಸಿ, ವಿಮೆ ದಾಖಲೆಗಳನ್ನು ನಿರ್ವಹಣೆ ಮಾಡದೆ ಇರುವುದು.

- ಕಾನೂನು ಬಾಹಿರವಾಗಿ ವಿದ್ಯುತ್​ ಸಂಪರ್ಕ ಪಡೆದುಕೊಂಡಿದ್ದರು ಸಹ ಬೆಸ್ಕಾಂ ಅಧಿಕಾರಿಗಳ ನಿರ್ಲಕ್ಷ್ಯ .

- ಪರಿಸರ ಮಾಲೀನ್ಯ.

- ಸ್ಥಳದಲ್ಲಿ ತೂಕದ ಯಂತ್ರಗಳನ್ನು ಅಳವಡಿಸದೆ ಇರುವುದು.

- ಅನಧಿಕೃತವಾಗಿ ಎಂ&ಸ್ಯಾಂಡ್​ ಸಾಗಾಣಿಕೆ ಮಾಡುತ್ತಿರುವ ಬಗ್ಗೆ ಮಾಹಿತಿ ಇಲ್ಲ, ಈ ಬಗ್ಗೆ ಪೊಲೀಸ್​ ಮತ್ತು ಪ್ರಾದೇಶಿಕ ಸಾರಿಗೆ ಇಲಾಖೆ ಅಧಿಕಾರಿಗಳು ಪರಿಶೀಸಿ ಸದರಿ ವಾಹನಗಳ ವಿರುದ್ಧ ಕ್ರಮಕೈಗೊಳ್ಳದೆ ಇರುವುದು.

- ಸ್ಥಳದಲ್ಲಿ ಪ್ರಾಣ ಹಾನಿ ಸಂಭವಿಸಿರುವ ಶಂಕೆ.

ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಉಪ ನಿರ್ದೇಶಕ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಭೂ ವಿಜ್ಞಾನಿ, ಶ್ರೀನಿವಾಸಪುರ ತಹಶೀಲ್ದಾರ್, ಶ್ರೀನಿವಾಸಪುರ ತಾಲೂಕು ಕಚೇರಿಯ ಕಂದಾಯ ನಿರೀಕ್ಷಕ, ಗ್ರಾಮ ಆಡಳಿತಾಧಿಕಾರಿ, ಶ್ರೀನಿವಾಸಪುರ ಸರ್ವೇಯರ್, ಪ್ರಾದೇಶಿಕ ಸಾರಿಗೆ ಅಧಿಕಾರಿ, ಸಹಾಯ ಪ್ರಾದೇಶಿಕ ಸಾರಿಗೆ ಅಧಿಕಾರಿ, ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ ಪರಿಸರ ಅಧಿಕಾರಿ, ಶ್ರೀನಿವಾಸಪುರ ಬೆಸ್ಕಾಂ ಸಹಾಯಕ ಕಾರ್ಯಪಾಲಕ ಅಭಿಯಂತರ, ಕೆಜಿಎ್​ ಬೆಸ್ಕಾಂ ಕಾರ್ಯಪಾಲ ಅಭಿಯಂತರ, ಕೋಲಾರ ಜಿಲ್ಲಾ ಕಾನೂನು ಮಾಪನ ಶಾಸ್ತ್ರ ಇಲಾಖೆ ಸಹಾಯ ನಿಯಂತ್ರಕ, ಕೋಲಾರ ಜಿಲ್ಲಾ ಕಾನೂನು ಮಾಪನ ಶಾಸ್ತ್ರ ಇಲಾಖೆಯ ನಿರೀಕ್ಷಕ,

ಭೂ ದಾಖಲೆಗಳ ಇಲಾಖೆ ಸಹಾಯಕ ನಿರ್ದೇಶಕ, ಕೋಡಿಪಲ್ಲಿ ಗ್ರಾಮ ಪಂಚಾಯಿತಿ ಪಿಡಿಒ, ತಾಲೂಕು ಪಂಚಾಯಿತಿ ಇಒ, ಸಾಮಾಜಿಕ ಅರಣ್ಯ ಇಲಾಖೆಯ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ, ಕೋಲಾರ ವಿಭಾಗದ ಪ್ರಾದೇಶಿಕ ಅರಣ್ಯ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ, ಶ್ರೀನಿವಾಸಪುರ ಸಾಮಾಜಿಕ ಅರಣ್ಯ ಇಲಾಖೆಯ ವಲಯ ಅರಣ್ಯ ಅಧಿಕಾರಿ, ಶ್ರೀನಿವಾಸಪುರ ಉಪ ವಿಭಾಗದ ಪ್ರಾದೇಶಿಕ ವಲಯ ಅರಣ್ಯಾಧಿಕಾರಿ, ಸ್ಥಳಿಯ ಸರಕು ಮತ್ತು ಸೇವಾ ತೆರಿಗೆ ಕಚೇರಿಯ ವಾಣಿಜ್ಯ ತೆರಿಗೆ ಸಹಾಯ ಆಯುಕ್ತ, ವಾಣಿಜ್ಯ ತೆರಿಗೆ ಸಹಾಯಕ ಆಯುಕ್ತ, ಜಿಲ್ಲಾ ಕಾರ್ಮಿಕ ಅಧಿಕಾರಿ, ಕಾರ್ಮಿಕ ನಿರೀಕ್ಷಕ, ಬಾಯ್ಲರುಗಳು, ಕೈಗಾರಿಕಾ ಸುರಕ್ಷತೆ ಮತ್ತು ಸ್ವಾಸ್ಥ್ಯ ಇಲಾಖೆ ಉಪ ನಿರ್ದೇಶಕ.