ಕೆಜಿಎಫ್ Protestತಾಲೂಕು ಅಲ್ಲಿಕಲ್ಲು ಗ್ರಾಮದ ಕೆರೆಯ ನೀರನ್ನು ಖಾಸಗಿ ವ್ಯಕ್ತಿಯೊಬ್ಬರು ಅಕ್ರಮವಾಗಿ ಜಮೀನುಗಳಿಗೆ ಹರಿಸುತ್ತಿದ್ದಾರೆ ಎಂದು ಆರೋಪಿಸಿ ಗ್ರಾಮಸ್ಥರು ಶಿರಸ್ತೇದಾರ್ ಮಂಜುನಾಥ್ಗೆ ಮನವಿ ಸಲ್ಲಿಸಿದರು. ಸಂಪಂಗಿ, ಶಿವಕುಮಾರ್, ಸುರೇಶ್, ಕೃಷ್ಣಮೂರ್ತಿ, ಗಣೇಶ್, ಸುಬ್ರಹ್ಮಣ್ಯಂ, ಎಸ್.ಕೃಷ್ಣಪ್ಪ, ಬಾಬುರೆಡ್ಡಿ, ಬೈರಪ್ಪ, ಚಂದ್ರಪ್ಪ, ಚಿನ್ನಯಪ್ಪ ಇದ್ದರು.
ಕೆಜಿಎಫ್- ತಾಲೂಕು ಆಡಳಿತಸೌಧ ಎದುರು ಅಲ್ಲಿಕಲ್ಲು ಗ್ರಾಮಸ್ಥರ ಪ್ರತಿಭಟನೆ
ಕೆಜಿಎಫ್- ತಾಲೂಕಿನ ಅಲ್ಲಿಕಲ್ಲು ಗ್ರಾಮದ ಕೆಂಜಾಗುಂಟೆ ಕೆರೆಯಲ್ಲಿ Protest ಆಂಧ್ರಪ್ರದೇಶದ ವ್ಯಕ್ತಿಯೊಬ್ಬರು ಮೋಟಾರ್ ಅಳವಡಿಸಿ ಅಕ್ರಮವಾಗಿ ನೀರು ತೆಗೆಯುತ್ತಿರುವುದನ್ನು ತಡೆಯುವಂತೆ ಒತ್ತಾಯಿಸಿ ನಗರದ ತಾಲೂಕು ಆಡಳಿತಸೌಧ ಎದುರು ಗ್ರಾಮಸ್ಥರು ಪ್ರತಿಭಟನೆ ನಡೆಸಿದರು.
ಗ್ರಾಮದ ಕೆಂಜಾಗುಂಟೆ ಕೆರೆಯ ನೀರನ್ನು ಗ್ರಾಮಸ್ಥರು ದೈನಂದಿನ ಅವಶ್ಯಕತೆಗಳಿಗಾಗಿ ಅವಲಂಬಿಸಿದ್ದಾರೆ. ಆದರೆ, ಅಕ್ರಮವಾಗಿ ಕೆರೆಯಲ್ಲಿ ಮೋಟಾರ್ ಅಳವಡಿಸಿಕೊಂಡು ನೀರನ್ನು ಜಮೀನಿಗೆ ಹರಿಸುತ್ತಿದ್ದಾರೆ. ಈ ಬಗ್ಗೆ ಪ್ರಶ್ನಿಸಲು ಹೋದರೆ ಅವಾಚ್ಯವಾಗಿ ನಿಂದಿಸಿ, ದೌರ್ಜನ್ಯವೆಸಗುತ್ತಿದ್ದಾರೆ. ಅಲ್ಲದೆ ಕೆರೆಯ ಕಾಲುವೆಯನ್ನು ಮುಚ್ಚಿದ್ದಾರೆ ಎಂದು ಗ್ರಾಮಸ್ಥರು ದೂರಿದರು.
ಕೂಡಲೇ ತಹಸೀಲ್ದಾರ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಕಾನೂನು ಕ್ರಮ ಕೈಗೊಂಡು ನ್ಯಾಯ ಒದಗಿಸಿಕೊಡಬೇಕು ಎಂದು ಆಗ್ರಹಿಸಿದರು.
