ಆರೋಗ್ಯಕರ ತೀರ್ಮಾನದಿಂದ ಒಕ್ಕೂಟಕ್ಕೆ ಲಾಭ

ಕೋಲಾರ: ಹಾಲು ಒಕ್ಕೂಟದಿಂದ ಆರೋಗ್ಯಕರ ತೀರ್ಮಾನಗಳನ್ನು ಕೈಗೊಳ್ಳುವ ಮೂಲ ಲಾಭದಾಯಕದತ್ತ ಆಡಳಿತ ಮಂಡಳಿಯೂ ಕೊಂಡೊಯುತ್ತಿದೆ. ಆ ಮೂಲಕ ಉತ್ಪಾದಕರಿಗೆ ಅನುಕೂಲ ಕಲ್ಪಿಸುವಲ್ಲಿ ಮುಂದಿದೆ ಎಂದು ಒಕ್ಕೂಟದ ಅಧ್ಯಕ್ಷರೂ ಹಾಗೂ ಶಾಸಕ ಕೆ.ವೈ.ನಂಜೇಗೌಡ ಹೇಳಿದರು.

ನಗರ ಹೊರವಲಯದ ಒಕ್ಕೂಟದ ಕಚೇರಿಯಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಆಡಳಿತ ಮಂಡಳಿಯಲ್ಲಿ ಆದ ತೀರ್ಮಾನಗಳು ಹೊರಗಡೆ ಗೊತ್ತಾಗುತ್ತಿರಲಿಲ್ಲ, ಇದೀಗ ಕೆಲವರು ಹೊರ ಹಾಕುತ್ತಿರುವುದು ಬೇಸರ ತಂದಿದೆ ಎಂದರು.

ಶಾಸಕ ಎಸ್​.ಎನ್​.ನಾರಾಯಣಸ್ವಾಮಿ ಅವರು ಸಹ ಒಕ್ಕೂಟದ ನಿರ್ದೇಶಕರಾಗಿದ್ದು, ಒಕ್ಕೂಟದ ಪರವಾಗಿ ಸಲಹೆ ಸೂಚನೆ ನೀಡುತ್ತಿದ್ದಾರೆ. ಜಿಲ್ಲಾಡಳಿತ ಕಚೇರಿ ಆವರಣದಲ್ಲಿ ಡಾ.ಬಿ.ಆರ್​.ಅಂಬೇಡ್ಕರ್​ ಅವರ ಪುತ್ಥಳಿ ನಿರ್ಮಾಣಕ್ಕಾಗಿ 15 ಲಕ್ಷ ರೂ. ಬೇಡಿಕೆ ಇಟ್ಟಿರು, ಆಗ 10 ಲಕ್ಷ ನೀಡುವುದು ಹೇಳಲಾಯಿತು, ಇದಕ್ಕೆ ಚರ್ಚೆಯಾಗಿ ನಿರ್ದೇಶಕರೆಲ್ಲ ಒಮ್ಮತದಿಂದ ತೀರ್ಮಾನ ಕೈಗೊಂಡು 15 ಲಕ್ಷ ಕೊಡಲು ಒಪ್ಪಿಗೆ ನೀಡಿದರು, ಅಷ್ಟರೊಳಗೆ ಸಭೆಯಿಂದ ಹೊರ ಹೋಗಿದ್ದು ಸರಿಯಲ್ಲ ಎಂದು ವಿಷಾದ ವ್ಯಕ್ತಪಡಿಸಿದರು.

ಎಸ್​.ಎನ್​.ನಾರಾಯಣಸ್ವಾಮಿ ಅವರು ಮೂರು ಭಾರಿ ಶಾಸಕರಾಗಿರುವ ಹಿರಿಯ ರಾಜಕಾರಣಿ. ಬೋರ್ಡ್​ನಲ್ಲಿ ಆಗಿರುವ ತೀರ್ಮಾನವನ್ನು ಹೊರಗಡೆ ಮಾದ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ. ಸಭೆಯಲ್ಲಿ ಚರ್ಚಿಸಬೇಕಿದ್ದನ್ನು ಹೊರಗಡೆ ಹೇಳಿಕೆ ನೀಡುವುದು ಎಷ್ಟು ಮಾತ್ರ ಸರಿ...?, ಅವರು ಹಿರಿಯರಿದ್ದು ಮುಂದೆ ಒಳ್ಳೆಒಳ್ಳೆ ಅವಕಾಶಗಳು ಸಿಗೋದಿದೆ ಎಂದು ಅಸಮಾಧಾನವ್ಯಕ್ತಪಡಿಸಿದರು.

ಚುನಾವಣೆಯಲ್ಲಿ ಯಾರಿಗೆ ಟಿಕೆಟ್​ ನೀಡುತ್ತಾರೆ ಎಂಬುದು ಹೈಕಮಾಂಡ್​ಗೆ ಬಿಟ್ಟಿದ್ದು, ಉಪ ಚುನಾವಣೆಯ ವಿಚಾರದಲ್ಲೂ ಹೈಕಮಾಂಡ್​ ತೀರ್ಮಾನ ಆಗಿದೆ. ಕಾಂಗ್ರೆಸ್​ ಅಧಿಕಾರಕ್ಕೆ ಬರಬೇಕಾದರೆ ಮುಸ್ಲಿಮರ ಪಾತ್ರ ಪ್ರಮುಖವಾಗಿದೆ. ಬಂಡಾಯ ಮುಖಂಡರಲ್ಲಿ ಭಿನ್ನಭಿಪ್ರಾಯಗನ್ನು ರಾಜ್ಯ ಉಸ್ತುವಾರಿ ಸುಜ್ರೇವಾಲ ಶಮನ ಮಾಡಿ ಗೆಲುವಿಗಾಗಿ ಮುಖಂಡರಿಗೆ ಜವಾಬ್ದಾರಿ ನೀಡಿದ್ದಾರೆ, ನನಗೂ ಪ್ರಚಾರಕ್ಕೆ ಹೋಗಲು ಸೂಚಿಸಿದ್ದು, ಹೋಗಲಾಗುವುದು, ಚುನಾವಣೆಯಲ್ಲಿ ಕಾಂಗ್ರೆಸ್​ ಅಭ್ಯರ್ಥಿಗಳ ಗೆಲುವು ಖಚಿತ ಎಂದು ವಿಶ್ವಾಸವ್ಯಕ್ತಪಡಿಸಿದರು.

ಎಲ್ಲಾ ಜಾತಿ, ಧರ್ಮದವರನ್ನು ಜತೆಗೆ ತೆಗೆದುಕೊಂಡು ಹೋಗುವ ಪದ್ಧತಿ ಇರುವುದು ಕಾಂಗ್ರೆಸ್​ನಲ್ಲಿ ಮಾತ್ರ. ಬಿಜೆಪಿ, ಆರ್​ಎಸ್​ಎಸ್​ನವರು ಸ್ವಾತಂತ್ರ$್ಯ ಹೋರಾಟದಲ್ಲಿ ಯಾರು ಇದ್ದರು. ಮುಂದಿನ ದಿನಗಳಲ್ಲಿ ದೇಶ ಕಾಂಗ್ರೆಸ್​ ಮಯವಾಗುತ್ತದೆ ಎಂದು ತಿಳಿಸಿದರು.

ಐಪಿಎಲ್​ ಟಿಕೆಟ್​ ವಿಚಾರವಾಗಿ ಮಾತನಾಡಿ, ಸರ್ಕಾರಕ್ಕೆ ಶಾಸಕರೆಲ್ಲ ಸಹಕಾರ ಕೊಡುತ್ತಾರೆ, ಶಾಸನ ರೂಪಿಸುವವರೆ ನಾವೆ ಅಲ್ಲವೇ. ಐಪಿಎಲ್​ ಟಿಕೆಟ್​ ಬೇಕು ಎಂದು ಎಲ್ಲಾ ಶಾಸಕರು ಪಾತೀತವಾಗಿ ಕೇಳಿದ್ದಾರೆ. ಹೋಗಿ ಪಂದ್ಯ ನೋಡುವುದರಲ್ಲಿ ತಪ್ಪೇನಿದೆ, ಒಳಗಡೆ ಟಿಕೇಟ್​ ಬೇಕು ಎಂದು ಹೇಳಿ, ಹೊರಗಡೆ ರಾಜಕೀಯಕ್ಕಾಗಿ ಬಿಜೆಪಿಯವರು ಮಾತನಾಡಿದ್ದಾರೆ ಎಂದು ಆರೋಪಿಸಿದರು.