ಹೋಟೆಲ್ ಉದ್ಯಮ ನಲುಗಿಸಿದ ಯುದ್ಧ

ಕೊಲ್ಲಿ ರಾಷ್ಟ್ರಗಳ ಯುದ್ಧದ ಪರಿಣಾಮ ವಾಣಿಜ್ಯ ಸಿಲಿಂಡರ್ ಸಮಸ್ಯೆ ಮುಂದುವರಿದಿದ್ದು, ಪರಿಣಾಮ ಸಣ್ಣ ಮತ್ತು ಮಧ್ಯಮ ಹೋಟೆಲ್‌ಗಳನ್ನು ಮುಚ್ಚುವ ಪರಿಸ್ಥಿತಿ ಬಂದಿದೆ.

ಸ್ಟಾರ್ ಹೋಟೆಲ್, ಬಾರ್ ಅಂಡ್ ರೆಸ್ಟೋರೆಂಟ್. ಡಾಬಾಗಳು, ಬೇಕರಿ, ಸಸ್ಯಾಹಾರಿ, ಮಾಂಸಾಹಾರಿ ಸೇರಿ ನಗರದಲ್ಲಿ 240ಕ್ಕೂ ಹೆಚ್ಚು ಜಿಲ್ಲೆಯಾದ್ಯಂತ 1,500ಕ್ಕೂ ಹೆಚ್ಚು ಹೋಟೆಲ್‌ಗಳಿದ್ದು, ಅದರಲ್ಲೂ ರಸ್ತೆ ಬದಿ ಹೋಟೆಲ್ ಗಳೇ ಹೆಚ್ಚಿವೆ.

ಇರಾನ್ ಮತ್ತು ಇರಾಕ್ ಯುದ್ಧ ಶುರುವಾದ ನಾಲೈದು ದಿನದಿಂದಲೇ ವಾಣಿಜ್ಯ ಸಿಲಿಂಡರ್‌ಗಳ ಸಮಸ್ಯೆ ತೀವ್ರಗೊಂಡಿದೆ. ದೋಸೆ, ಇಡ್ಲಿ, ಪೂರಿ, ವಡೆ ತಯಾರಿಕೆಗೆ ಗ್ಯಾಸ್ ಬೇಕೆಬೇಕು. ಇನ್ನು ಕೆಲವರು ಸಿಲಿಂಡ‌ರ್ ಲಭ್ಯತೆ ನೋಡಿಕೊಂಡು ಹೋಟೆಲ್ ತೆರೆಯುತ್ತಿದ್ದಾರೆ. ಹಲವು ಕಡೆ ಗ್ಯಾಸ್‌ ಸಮಸ್ಯೆಯಿಂದಾಗಿ ಹೋಟೆಲ್ ಮುಚ್ಚಲಾಗಿದೆ ಎಂದು ಬೋರ್ಡ್ ಹಾಕಿದ್ದರೆ, ಇನ್ನು ಗ್ರಾಮೀಣ ಪ್ರದೇಶದಲ್ಲಿ ಹೋಟೆಲ್ ಮಾಲೀಕರು ಸೌದೆ ಒಲೆ ಮೊರೆ ಹೋಗಿದ್ದಾರೆ.

ಗೃಹಬಳಕೆ ಸಿಲಿಂಡರ್‌ಗಿಂತಲೂ, ವಾಣಿಜ್ಯ ಸಿಲಿಂಡರ್‌ಗೆ ಹೆಚ್ಚು ಬೇಡಿಕೆಯಿದೆ. ಯುದ್ಧವನ್ನೇ ಬಂಡವಾಳ ಮಾಡಿಕೊಂಡಿರುವ ಕೆಲ ವಿತರಕರು ಗೃಹ ಬಳಕೆ ಸಿಲಿಂಡರ್‌ನಿಂದ ವಾಣಿಜ್ಯ ಸಿಲಿಂಡರ್‌ಗೆ ಗ್ಯಾಸ್ ತುಂಬಿಸಿ ಹೋಟೆಲ್‌ಗಳಿಗೆ ಹೆಚ್ಚಿನ ದರಕ್ಕೆ ಮಾರಾಟ ಮಾಡುತ್ತಿರುವ ಆರೋಪ ಕೇಳಿ ಬಂದಿದೆ. ಈ ಮೊದಲು ವಾಣಿಜ್ಯ ಸಿಲಿಂಡರ್ 1,890ರೂ ಗೆ ಮಾರಾಟ ಮಾಡಲಾಗುತ್ತಿತ್ತು. ಆದರೆ ಇದೀವ 2,500ಯಿಂದ 3,000 ರೂ.ಗೆ ಮಾರಾಟ ಮಾಡುತ್ತಿದ್ದಾರೆ ಎಂಬ ಅಪಾದನೆಯಿದೆ.

ಗೃಹ ಬಳಕೆದಾರರು ನೋಂದಣಿ ಮಾಡಿದ ನಂತರ 25ರಿಂದ 30 ದಿನಕ್ಕೆ ನಿಗದಿಪಡಿಸಲಾಗಿದೆ. ಇದರ ನಡುವೆ ಕೆಲ ಗ್ರಾಹಕರು ಬುಕ್ ಮಾಡುವುದು ತಡವಾಗುವುದನ್ನು ಅರಿತಿರುವ ವಿತರಕರೇ ಗ್ರಾಹಕರ ಹೆಸರಿನಲ್ಲಿ ಬುಕ್ ಮಾಡಿ ನಂತರ ಆ ಸಿಲಿಂಡರ್‌ನಿಂದ ವಾಣಿಜ್ಯ ಉದ್ದೇಶಿತ ಸಿಲಿಂಡರ್ ಗೆ ತುಂಬಿಸಿಕೊಂಡು ಬೇಡಿಕೆ ಇಡುವ ಹೋಟೆಲ್ಗಳಿಗೆ ಸರಬರಾಜು ಮಾಡುತ್ತಿದ್ದಾರೆ ಎಂಬ ಮಾತುಗಳೂ ಇವೆ.

ಮಾಲೂರು, ನರಸಾಪುರ, ವೇಮಗಲ್ ಕೈಗಾರಿಕೆಗಳಿಗೆ ಹೋಗುವ ಕಾರ್ಮಿಕರು ಕೋಲಾರ ನಗರ ಸೇರಿ ವಿವಿಧೆಡೆ ರೂಂ, ಮನೆಗಳಲ್ಲಿ ವಾಸವಿದ್ದರೆ. ಅವರಲ್ಲಿ ಬಹುತೇಕರು 3 ಕೆಜಿ, 5 ಕೆಜಿ ಸಿಲಿಂಡರ್‌ಗಳನ್ನು ಇಟ್ಟುಕೊಂಡಿದ್ದು, ರಿ ಫಿಲ್ಲಿಂಗ್ ಸ್ಥಳಗಳಲ್ಲಿ ಗ್ಯಾಸ್ ಖರೀದಿ ಮಾಡುತ್ತಿದ್ದರು. ಯುದ್ದಕ್ಕೂ ಮುಂಚೆ ಕಾಳಸಂತೆಯಲ್ಲಿ 1 ಕೆಜಿ ಗ್ಯಾಸ್ ಗೆ 100 ರೂ.ಗೆ ದೊರೆಯುತ್ತಿತ್ತು, ಈಗ 200ರಿಂದ 250ಕ್ಕೆ ದರ ಏರಿಕೆ ಮಾಡಿದ್ದು, ಕಾರ್ಮಿಕರು ಅಡುಗೆ ಮಾಡಿಕೊಳ್ಳಲು ಸಮಸ್ಯೆ ಎದುರಿಸುವಂತಾಗಿದೆ.

ಹೋಟೆಲ್‌ಗಳವರು ಗೃಹ ಬಳಕೆ ಸಿಲಿಂಡ‌ರ್ ಬಳಕೆ ಮಾಡುತ್ತಿದ್ದಾರೆ ಎಂದು ಅಧಿಕಾರಿಗಳು ದಾಳಿ ಮಾಡುವುದನ್ನು ಒಂದೇ ದಿನಕ್ಕೆ ನಿಲ್ಲಿಸಿದ್ದಾರೆ. ಗ್ಯಾಸ್ ವಿತರಕರು ಏನೆಲ್ಲ ಮಾಡುತ್ತಿದ್ದಾರೆ ಎಂಬುದರ ಬಗ್ಗೆ ಆಹಾರ ಇಲಾಖೆಯ ಅಧಿಕಾರಿಗಳಿಗೆ ಗೊತ್ತಿದ್ದರೂ ಸಹ ಯಾವುದೇ ಕ್ರಮಕ್ಕೆ ಮುಂದಾಗುತ್ತಿಲ್ಲ.

ಕಳೆದ 5 ವರ್ಷಗಳಿಂದ ಸೌದೆ ಒಲೆಯಲ್ಲೆ ತಿಂಡಿ, ಊಟ ಸಿದ್ಧಪಡಿಸಿ ಗ್ರಾಹಕರಿಗೆ ಉಣಬಡಿಸಲಾಗುತ್ತಿದೆ. ಹೋಟೆಲ್‌ನಲ್ಲಿ ಸಿಗುವ ಮೆನುವಿನಲ್ಲಿ ಯಾವುದೇ ಬದಲಾವಣೆ ಇಲ್ಲ. ವಾಣಿಜ್ಯ ಗ್ಯಾಸ್ ಸಿಗದೆ ಇರುವುದರಿಂದ ನಿಲ್ಲಿಸಲಾಗಿದೆ. ದೋಸೆ ಮಾಡುವುದನ್ನು