ಹೊಯ್ಸಳ ಸಾಮ್ರಾಜ್ಯ ಕುರುಹಿಗೆ ಕಾಯಕಲ್ಪ ಕೊರತೆ

ಮಾಲೂರು ತಾಲೂಕು ಟೇಕಲ್‌ನ ಮಧ್ಯದಲ್ಲಿ ನೆಲೆಸಿರುವ ಇತಿಹಾಸ ಪ್ರಸಿದ್ಧ ಶ್ರೀ ವರದರಾಯಸ್ವಾಮಿ ಮತ್ತು ಸೋಮೇಶ್ವರ ದೇವಾಲಯಗಳ ಸಂರಕ್ಷಣೆ ಹಾಗೂ ಅಭಿವೃದ್ಧಿ ಕೊರತೆಯಿಂದ ಇಲ್ಲಿರುವ ಶಾಸನಗಳು ಇತರೆ ಕುರುಹುಗಳು ದಿನದಿಂದ ದಿನಕ್ಕೆ ಕಣ್ಮರೆಯಾಗುತ್ತಿವೆ.

ಟೇಕಲ್‌ ಶ್ರೀ ಈ ಶಾಸನದ ಬಗ್ಗೆ ಇನ್ನೂ ಸೋಮೇಶ್ವರ, ಸರ್ಕಾರಿ ದಾಖಲೆಗಳಲ್ಲೂ ವರದರಾಯಸ್ವಾಮಿ ಈ ಶಾಸನದ ಸಂಪೂರ್ಣ ದೇಗುಲದಲ್ಲಿ ವಿವರಗಳು ಇಲ್ಲದಿರುವುದು ಸವೆಯುತ್ತಿದೆ ಶಾಸನ ವಿಪರ್ಯಾಸ.

ಹೊಯ್ಸಳರ ಕಾಲದ ಈ ದೇವಾಲಯ ನಮ್ಮ ಹೆಮ್ಮೆ. ಧಾರ್ಮಿಕ ದತ್ತಿ ಇಲಾಖೆ ಕೂಡಲೆ ದೇಗುಲಕ್ಕೆ ಕಾಯಕಲ್ಪ ಕಾರ್ಯ ಕೈಗೊಂಡು, ಶಾಸನಗಳನ್ನು ಸಂರಕ್ಷಿಸಿಸಬೇಕು ಎಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.

ಅಳ್ಳಾಳನಾಥನಿಗೆ ಪ್ರತಿ ನಾಮವಾದ ವರದರಾಜಸ್ವಾಮಿ ದೇವರ ಆರಾಧನೆಗೆ ಪ್ರಸಿದ್ಧವಾದ ಸ್ಥಳವೇ ಟೇಕಲ್ ಗ್ರಾಮ. ಮನೋಹರವಾದ ಬೆಟ್ಟಗುಡ್ಡಗಳ ಹಿನ್ನೆಲೆ ಹೊಂದಿರುವ ಈ ಗ್ರಾಮ ಬೆಂಗಳೂರು-ಚೆನ್ನೈ ರೈಲು ಮಾರ್ಗದಲ್ಲಿ ಸುಂದರ ನೋಟ ಕಾಣಸಿಗುತ್ತದೆ. ಋಷಿಮುನಿಗಳು ನೆಲೆಸಿದ್ದ ಈ ಗ್ರಾಮವನ್ನು ತೇಕಲ್, ಉತ್ತಮ ಕಂಚಿ, ಉತ್ತನೂರು ಕಂಚಿ ಎಂಬ ಹೆಸರುಗಳಿಂದ ಕರೆಯಲಾಗುತ್ತಿತ್ತು. ಕಾಲಕ್ರಮೇಣ ಇದು ಟೇಕಲ್ ಎಂಬ ಹೆಸರು ಶಾಶ್ವತವಾಯಿತು.

ಶ್ರೀ ವರದರಾಯಸ್ವಾಮಿ ದೇವಾಲಯ ಆವರಣದಲ್ಲಿರುವ ಸೇದು ಬಾವಿಯಿಂದ ನೀರನ್ನು ಮೇಲೆತ್ತಿ ಸ್ನಾನ ಮಾಡಿದರೆ ಹರಕೆ ತೀರುತ್ತದೆ ಎಂಬ ನಂಬಿಕೆ ಭಕ್ತರಲ್ಲಿದೆ. ಗ್ರಾಮದಲ್ಲಿ ಚೇಳರ ಕಾಲದಿಂದಲೂ 101 ವಿಗ್ರಹಗಳನ್ನು ಹೊಂದಿರುವ ದೇವಾಲಯಗಳಿವೆ ಎಂದು ಇತಿಹಾಸ ಹೇಳುತ್ತದೆ. ಬೆಂಗಳೂರು, ಆಂಧ್ರಪ್ರದೇಶ ಮತ್ತು ತಮಿಳುನಾಡಿನಿಂದಲೂ ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ. ಆದರೆ ಅಸಮರ್ಪಕ ನಿರ್ವಹಣೆ ಕೊರತೆಯಿಂದಾಗಿ ಭಕ್ತರ ಆಗಮನ ದಿನದಿಂದ ದಿನಕ್ಕೆ ಕ್ಷೀಣವಾಗಿದೆ.

ಧಾರ್ಮಿಕ ದತ್ತಿ ಇಲಾಖೆಯಿಂದ ಪ್ರತಿ ವರ್ಷ ವರದರಾಯಸ್ವಾಮಿ ಬ್ರಹ್ಮ ರಥೋತ್ಸವ ನಡೆಸಲಾಗುತ್ತಿದೆ. ದೇವಾಲಯವನ್ನು ವೈಜ್ಞಾನಿಕವಾಗಿ ದುರಸ್ತಿ ಮಾಡಿ, ಪ್ರವಾಸಿ ಮತ್ತು ಪುಣ್ಯಕ್ಷೇತ್ರವಾಗಿ ಅಭಿವೃದ್ಧಿಪಡಿಸಿದರೆ ಹೆಚ್ಚಿನ ಭಕ್ತರು ಆಕರ್ಷಿತರಾಗುತ್ತಾರೆ.