ಸ್ವಚ್ಛ ಕೋಲಾರ ಕನಸಿಗೆ ಧಕ್ಕೆ!

ಕೋಲಾರ ನಗರವನ್ನು ಸ್ವಚ್ಚ ನಗರವನ್ನಾಗಿ ನಿರ್ಮಾಣ ಮಾಡಲು ಅಧಿಕಾರಿಗಳು ಪಣ ತೊಟ್ಟಿದ್ದು, ಇದರ ನಡುವೆ ಕೆಲ ಗ್ಯಾರೇಜ್​, ಮಾಂಸದ ಅಂಗಡಿಗಳ ಮಾಲೀಕರು ಕಸವನ್ನು ಎಲ್ಲಂದರಲ್ಲಿ ಹಾಕುವ ಮೂಲಕ ಸೌಂದಕ್ಕೆರ್ಯ ಧಕ್ಕೆ ಯುಂಟು ಮಾಡುತ್ತಿರುವ ಆರೋಪ ಕೇಳಿ ಬಂದಿದೆ.

ಸ್ವಚ್ಛ ನಗರ ನಿರ್ಮಾಣದ ಪರಿಕಲ್ಪನೆಯಿಟ್ಟುಕೊಂಡು ಜಿಲ್ಲಾಧಿಕಾರಿ ಡಾ.ಎಂ.ಆರ್​.ರವಿ ಅವರು ಕಳೆದ ಡಿಸೆಂಬರ್​ ತಿಂಗಳಲ್ಲಿ ಬೃಹತ್​ ಸ್ವಚ್ಚತಾ ಅಂದೋಲನಾ ನಡೆಸಿದರು. ಕಸದ ರಾಶಿಗಳನ್ನು ತೆರವುಗೊಳಿಸಿ, ಅದನ್ನು ಬ್ಲಾಕ್​ ಸ್ಪಟ್​ಗಳಾಗಿ ಗುರುತಿಸಿ, ಎಲ್ಲಂದರಲ್ಲಿ ಕಸದ ರಾಶಿ ಹಾಕುವುದನ್ನು ತಡೆಯಲಾಯಿತು. ಆಗ ಸಾರ್ವಜನಿಕರಲ್ಲಿ ನಂಬಿಕೆ ಬಂದು ಮನೆಗಳಲ್ಲಿ ಉತ್ಪತ್ತಿಯಾಗುವ ಕಸವನ್ನು ನೇರವಾಗಿ ನಗರಸಭೆ ವಾಹನಕ್ಕೆ ಕೊಡುವ ವಾಡಿಕೆ ರೂಢಿಸಿಕೊಂಡರು.

ಬೃಹತ್​ ಸ್ವಚ್ಚತಾ ಅಂದೋಲನೆ ನಡೆಸಿದ ಬೆನ್ನಲೇ, ರಸ್ತೆ ಬದಿ, ಖಾಲಿ ನಿವೇಶನಗಳಲ್ಲಿ ಇದ್ದ ಕಸ ವಿಲೇವಾರಿ ಸಹ ಮಾಡಿಸಲಾಯಿತು. ಆನಂತರ ಆ ಜಾಗದಲ್ಲಿ ಹಳೆ ಟೈರು, ಮೇಶನ್ನು ಹಾಕಲಾಯಿತು, ಸಸಿಗಳನ್ನು ನೆಟ್ಟು ಇಲ್ಲಿ ಕಸವನ್ನು ಹಾಕಿದರೆ ದಂಡ ವಿಧಿಸಲಾಗುವುದು ಎಂದು ಎಚ್ಚರಿಕೆಯ ಲಕಗಳನ್ನು ಅಳವಡಿಸಲಾಯಿತು. ಇದಕ್ಕೂ ಮೊದಲು ನಗರದಲ್ಲಿ 170ಕ್ಕೂ ಹೆಚ್ಚು ಬ್ಲಾಕ್​ ಸ್ಪಾಟ್​ಗಳಿದ್ದವು, ಇದೀಗ 40ಕ್ಕೆ ಇಳಿಕೆಯಾಗಿವೆ.

ನಗರ ವ್ಯಾಪ್ತಿಯಲ್ಲಿ ವಾಸದ ಮನೆಗಳು ಸೇರಿದಂತೆ, ಗ್ಯಾರೇಜ್​, ಬಾರ್​, ಬೇಕರಿ, ಹೋಟೆಲ್​, ಮಾಂಸದ ಅಂಗಡಿಗಳು, ಬಟ್ಟೆ ಅಂಗಡಿಗಳು, ಬೀದಿ ಬದಿ ವ್ಯಾಪಾರ ಚಟುವಟಿಕೆಗಳು ನಡೆಯುತ್ತಿದೆ. ಇಲ್ಲಿನ ಉತ್ಪತ್ತಿಯಾಗುವ ಕಸವನ್ನು ವೈಜ್ಞಾನಿಕವಾಗಿ ವಿಲೇವಾರಿ ಮಾಡಲು ನಗರಸಭೆಯಿಂದ ಜಾಗೃತಿ ಮೂಡಿಸಲಾಗಿದೆ. ನಿವಾಸಿಗಳು ಅಂದಾಜು ಶೇ.70ರಷ್ಟು ಕಸವನ್ನು ವಿಂಗಡಿಸಿ ಪೌರಕಾರ್ಮಿಕರ ವಾಹನಕ್ಕೆ ನೀಡುತ್ತಿದ್ದಾರೆ. ಇನ್ನು ಗ್ಯಾರೇಜ್​, ಹೋಟೆಲ್​, ಮಾಂಸದ ಅಂಗಡಿಗಳವರು ಕೋಡಿಕಣ್ಣೂರು ಕೆರೆ, ಹೆದ್ದಾರಿಯ ರಸ್ತೆ ಬದಿಗೆ ತಂದು ಹಾಕಿಹೋಗುತ್ತಿದ್ದಾರೆ.

ನಗರದ ಕೋಡಿಕಣ್ಣೂರು ಕೆರೆ, ಬೆಂಗಳೂರು&ಚೆನ್ನೆ$ ರಾಷ್ಟ್ರೀಯ ಹೆದ್ದಾರಿ ಸರ್ವೀಸ್​ ರಸ್ತೆ ಪಕ್ಕ, ರೈಲ್ವೆ ಮಾರ್ಗದ ಪಕ್ಕ, ಡಾ.ಬಿ.ಆರ್​.ಅಂಬೇಡ್ಕರ್​ ಮಕ್ಕಳ ಉದ್ಯಾನವನದ ಪಕ್ಕ, ಟಮಕ ಹೀಗೆ ಹಲವಾರು ಕಡೆ ಎಲ್ಲಿ ನೋಡಿದರು ಕಸದ ರಾಶಿ ಕಣ್ಣಿಗೆ ರಾಚುತ್ತದೆ. ಇದು ನಗರಸಭೆಯ ಪೌರ ಕಾರ್ಮಿಕರಿಗೆ ಕಸ ವಿಲೇವಾರಿ ಬಹುದೊಡ್ಡ ಸವಾಲಾಗಿ ಪರಿಣಮಿಸಿದೆ.

ಕಸದ ವಾಹನವು ಅಂಗಡಿ, ಮನೆ, ಹೋಟೆಲ್​ ಸಮೀಪಕ್ಕೆ ಬಂದರೆ ನೀಡಬೇಕು ಎಂಬುದು ನಗರಸಭೆಯಿಂದ ಹಲವಾರು ಬಾರಿ ಜಾಗೃತಿ ಮೂಡಿಸಲಾಗಿದೆ. ಆದರೆ ಮಾಂಸದ ಅಂಗಡಿಗಳವರು ರಾತ್ರೋರಾತ್ರಿ ತ್ಯಾಜ್ಯವನ್ನು ತಂದು ಕೆರೆ ಅಂಗಳ, ಕಾಲುವೆ, ರಸ್ತೆ ಬದಿಗೆ ತಂದು ರಾಶಿ ಹಾಕುತ್ತಿದ್ದಾರೆ.

ಅವರು ನೇರವಾಗಿ ವಾಹನಕ್ಕೆ ನೀಡುತ್ತಿಲ್ಲ ಎಂಬುದು ನಗರಸಭೆಯ ಆರೋಗ್ಯ ನಿರೀಕ್ಷರ ಗಮನಕ್ಕೆ ಇದ್ದರು ಸಹ ದಂಡ ವಿಧಿಸಿ, ಕ್ರಮಕೈಗೊಳ್ಳುವಲ್ಲಿ ವಿಲರಾಗಿದ್ದಾರೆ. ಯಾವುದಾದರು ಅಂಗಡಿಗೆ ಭೇಟಿ ನೀಡಿ ತ್ಯಾಜ್ಯವನ್ನು ಹೇಗೆ ವಿಲೇ ಮಾಡುತ್ತಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ಪಡೆದುಕೊಂಡರೆ, ಅರ್ಥವಾಗುತ್ತದೆ.

ಎಲ್ಲಂದರಲ್ಲಿ ಕೆಸವನ್ನು ಹಾಕುವುದನ್ನು ತಡೆಯುವ ಉದ್ದೇಶದಿಂದ ಜಿಲ್ಲಾಡಳಿತವು ಕೋಲಾರ ನಗರಸಭೆಯಲ್ಲಿ ಕೋಲಾರಮ್ಮ ಸ್ವಚ್ಚತಾ ಪಡೆಯನ್ನು ರಚಿಸಿದೆ. ಪೊಲೀಸ್​, ನಗರಸಭೆ ಸಿಬ್ಬಂದಿ, ಆರೋಗ್ಯ ನಿರೀಕ್ಷಕ, ವಾಹನ ಚಾಲಕ, ಹೋಂ ಗಾರ್ಡ್​ ಒಳಗೊಂಡ ತಂಡ ರಚನೆ ಮಾಡಲಾಗಿದೆ.

ತ್ಯಜ್ಯ ಉತ್ಪತ್ತಿಯಾಗುವ ಮಾಂಸದ ಅಂಗಡಿ, ಹೋಟೆಲ್​ಗಳಿಗೆ ಭೇಟಿ ನೀಡಿ ಕಸ ವಿಲೇವಾರಿ ಕುರಿತು ಪರಿಶೀಲಿಸಬೇಕು, ಆದರೆ ಅವರು ಕೆಲವೇ ಅಂಗಡಿಗಳಿಗೆ ಸಿಮೀತವಾಗಿದ್ದು, ದೊಡ್ಡದೊಡ್ಡ ಅಂಗಡಿ, ಹೋಟೆಲ್​ಗಳಿಗೆ ಹೋಗಿ ಪರಿಶೀಲಿಸುವುದಿಲ್ಲ. ಸೈರನ್​ ಹಾಕಿಕೊಂಡು ನಗರದಲ್ಲಿ ಸಂಚರಿಸುವುದಕ್ಕೆ ಸಿಮೀತವಾಗಿರುವುದು ಬಿಟ್ಟರೆ, ಕಸ ನಿರ್ವಹಣೆ ಕಡೆ ಗಮನ ಹರಿಸದೆ ಇರುವುದು ವಿಷಾದಕರ ಸಂಗತಿಯಾಗಿದೆ.

ಕೋಟ್​...

ಮಾಂಸದ ಅಂಗಡಿ ಮಾಲೀಕರ ಸಭೆ ಕರೆದು, ಕಸವನ್ನು ಕಡ್ಡಾಯವಾಗಿ ನಗರಸಭೆ ವಾಹನಕ್ಕೆ ಕೊಡಲು ಸೂಚನೆ ನೀಡಲಾಗುವುದು. ಇನ್ನು ಬ್ಲಾಕ್​ ಸ್ಪಾಟ್​ಗಳಲ್ಲಿ ಸಿಸಿ ಕ್ಯಾಮೆರ ಅಳವಡಿಸಲಾಗಿದ್ದು, ಕಸ ಹಾಕುವುದು ಕಂಡುಬಂದರೆ ಅಂತಹವರ ವಿರುದ್ಧ ಕ್ರಮವಹಿಸಲಾಗುತ್ತಿದೆ.

ಕೋಟ್​...

ಬೃಹತ್​ ಸ್ವಚ್ಚತಾ ಅಂದೋಲನ ಹಮ್ಮಿಕೊಂಡು ಕಸದ ರಾಶಿಗಳನ್ನು ಖಾಲಿ ಮಾಡಲಾಗಿದೆ. ಆದರೆ ಬಹುತೇಕರು ಮತ್ತೆ ಕಸವನ್ನು ತಂದು ಅದೇ ಜಾಗದಲ್ಲಿ ತುಂಬುತ್ತಿದ್ದಾರೆ. ಇದರಿಂದ ನಗರದ ಸೌಂದರ್ಯಕ್ಕೆ ಧಕ್ಕೆಯಾಗುತ್ತಿದೆ.