ಹಾರ, ತುರಾಯಿಗೆ ಸೀಮಿತವಾದ ಕೋಲಾರ ಸಂಸದರು!

ಬಂಗಾರಪೇಟೆ: ಸಂಸದ ಮಲ್ಲೇಶ್ ಬಾಬು ಅವರ ಕಾರ್ಯವೈಖರಿ ಕುರಿತು ಅವರದೇ ಪಕ್ಷದ ಕಾರ್ಯ ಕರ್ತರು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ ಮಾಡುತ್ತಿರುವುದು ರಾಜಕೀಯ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಲೋಕಸಭಾ ಚುನಾವಣೆಯಲ್ಲಿ ಜೆಡಿಎಸ್, ಬಿಜೆಪಿ ಮೈತ್ರಿ ಹಿನ್ನೆಲೆಯಲ್ಲಿ ಕೋಲಾರವನ್ನು ಜೆಡಿಎಸ್‌ಗೆ ನೀಡಲಾಗಿತ್ತು. ಸಂಸದರಾಗಿದ್ದ ಎಸ್. ಮುನಿಸ್ವಾಮಿ ಬದಲು ಮಲ್ಲೇಶ್‌ಬಾಬುಗೆ ಅವಕಾಶ ನೀಡಲಾಗಿತ್ತು. ಆದರೂ ಎಸ್.ಮುನಿಸ್ವಾಮಿ ಪಕ್ಷದ ಅಭ್ಯರ್ಥಿಯಂತೆ ಕೆಲಸ ಮಾಡಿ ಮಲ್ಲೇಶ್ ಬಾಬು ಗೆಲುವಿಗೆ ಕಾರಣರಾದರು. ಆದರೆ, ಸಂಸದರು 'ಮದುವೆ, ಸಮಾರಂಭಗಳಿಗೆ ಹೋಗಿಹಾರ ಹಾಕಿಸಿಕೊಳ್ಳುವುದಕ್ಕೆ ಸೀಮಿತರಾಗಿದ್ದಾರೆ' ಎಂಬ ಟೀಕೆ ಕೇಳಿಬರುತ್ತಿವೆ.

ಈ ವೈರಲ್ ಬರಹ ರಾಜಕೀಯ ವಲಯದಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಜೆಡಿಎಸ್ ಕಾರ್ಯಕರ್ತರಲ್ಲೇ ಅಸಮಾಧಾನ ಹೆಚ್ಚಾಗಿದೆಯೇ?, ಕೋಲಾರದಲ್ಲಿ ಮಾಜಿ ಸಂಸದ ಮುನಿಸ್ವಾಮಿ ಅವರ ಪ್ರಭಾವ ಇನ್ನೂ ಮುಂದುವರಿದಿದೆಯೇ?, ಹಾಲಿ ಸಂಸದರ ಕಾರ್ಯವೈಖರಿ ಬಗ್ಗೆ ಮೈತ್ರಿಯಲ್ಲೇ ಅಸಮಾಧಾನ ವ್ಯಕ್ತವಾಗುತ್ತಿರುವುದೇ? ಎಂಬ ಚರ್ಚೆಗಳು ಆರಂಭವಾಗಿವೆ.