ಮಾರ್ಕಂಡೇಯ ಡ್ಯಾಂ ಅಭಿವೃದ್ಧಿಗೆ ಒತ್ತು

ಮಾರ್ಕಂಡೇಯ ಡ್ಯಾಂ ಅಭಿವೃದ್ಧಿಗೆ ಒತ್ತು

ನೀರಿನ ಸಂಗ್ರಹ ಮಟ್ಟ, ಡ್ಯಾಂನ ಸ್ಥಿತಿಗತಿ ಕುರಿತು ಸಣ್ಣ ನೀರಾವರಿ ಇಲಾಖೆಯ ಅಧಿಕಾರಿಗಳಿಂದ ಮಾಹಿತಿ ಪಡೆದುಕೊಂಡರು. ನೀರು ಹರಿಯುವ ಕಾಲುವೆಯಲ್ಲಿ ಗಿಡ&ಗಂಟಿ ಬೆಳೆದಿರುವುದನ್ನು ತೆರವುಗೊಳಿಸಬೇಕು, ಅಭಿವೃದ್ಧಿ ಕೆಲಸ ಕೈಗೆತ್ತಿಕೊಳ್ಳಲು ಪಟ್ಟಿ ತಯಾರಿಸಬೇಕು, ಅದಕ್ಕೆ ತಗಲುವ ವೆಚ್ಚ ಕುರಿತು ಕ್ರಿಯಾ ಯೋಜನೆ ತಯಾರಿಸಿಕೊಡಲು ಶಾಸಕ ಕೆ.ವೈ.ನಂಜೇಗೌಡ ಸೂಚಿಸಿದರು.

ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಶಾಸಕರು, ಮಹಾರಾಜರ ಕಾಲದಲ್ಲಿ ನಿರ್ಮಾಣವಾಗಿರುವ ಮಾರ್ಕಂಡೇಯ ಡ್ಯಾಂ ಮಾಲೂರು ತಾಲೂಕಿನ 186 ಹಳ್ಳಿಗಳಿಗೆ ಕುಡಿಯುವ ನೀರು ಒದಗಿಸಲು 2014ರಲ್ಲಿ ಕೃಷ್ಣಯ್ಯಶೆಟ್ಟಿ ಅವರು ಸಚಿವರಾಗಿದ್ದಾಗ, ಯೋಜನೆ ಕೈಗೆತ್ತಿಕೊಳ್ಳಲಾಗಿತ್ತು. ಕಾರಣಂತಗಳಿಂದ ನೆನೆಗುದಿಗೆ ಬಿದ್ದಿದ್ದು ಪೂರ್ಣಗೊಳಿಸಲು ಸರ್ಕಾರದ ಮೇಲೆ ಒತ್ತಡ ತರಲಾಗಿದೆ ಎಂದು ಹೇಳಿದರು.

ಟೇಕಲ್​ ಬೆಟ್ಟದ ಮೇಲೆ ಟ್ಯಾಂಕ್​ ನಿರ್ಮಿಸಲಾಗಿದೆ, ಅದಕ್ಕೆ ಇಲ್ಲಿಂದ ನೀರನ್ನು ಪಂಪ್​ ಮಾಡಿ ಗ್ರಾಮಗಳಿಗೆ ಹರಿಸಲಾಗುವುದು, ಈ ಕಾರ್ಯಕ್ರಮದಡಿ ಒಟ್ಟು 6 ಜೋನ್​ಗಳಿದ್ದು, ಒಂದು ಜೋನ್​ ವ್ಯಾಪ್ತಿಗೆ ತಲಾ 26 ಹಳ್ಳಿಗಳು ಒಳಪಡಲಿವೆ. ಡ್ಯಾಂ ಸಮೀಪದಿಂದ ಪೈಪ್​ ಲೈನ್​ ನಿರ್ಮಾಣವಾಗಿದೆ ಎಂದು ಹೇಳಲಾಗುತ್ತಿದೆ, ಆದರೆ ಅದು ಎಲ್ಲಿದೆ ಎಂಬುದು ಶಾಸಕನಾದಾಗಿನಿಂದ ಹುಡುಕಾಡಿದರೂ ಸಿಗಲಿಲ್ಲ ಎಂದರು.

ಕುಡಿಯುವ ನೀರು ಹರಿಸುವ ಟೆಂಡರ್​ನಲ್ಲಿ ಆಗಬಾರದೆಲ್ಲ ಆಗೋಗಿದೆ, ತನಿಖೆಗೂ ಒತ್ತಾಯಿಸಲಾಗಿದೆ. ಬಾಕಿ ಕಾಮಗಾರಿ ಪೂರ್ಣಗೊಳಿಸಿ ಹಳ್ಳಿಗಳಿಗೆ ನೀರು ಸರಬರಾಜು ಮಾಡಲು ಈಗಾಗಲೇ ಸಚಿವ ಪ್ರಿಯಾಂಕ್​ ರ್ಖಗೆ ಅವರ ಹಂತದಲ್ಲಿ ಅಧಿಕಾರಿಗಳ, ಜನಪ್ರತಿನಿಧಿಗಳ ಸಭೆ ನಡೆದಿದ್ದು, ಮುಂದಿನ ಸಭೆ ಮಾ.23ಕ್ಕೆ ನಡೆಯಲಿದೆ, ಅಧಿಕಾರಿಗಳು ನೀಡುವ ವರದಿ ಆಧರಿಸಿ ತೀರ್ಮಾನವಾಗಲಿದೆ ಎಂದು ಹೇಳಿದರು.

ಸಣ್ಣ ನೀರಾವರಿ ಇಲಾಖೆ ಕಾರ್ಯಪಾಲಕ ಇಂಜಿನಿಯರ್​ ಹರಿಕೃಷ್ಣ ಇತರರಿದ್ದರು.