ಜಿಲ್ಲಾ ವೈದ್ಯಕೀಯ ಕಾಲೇಜು ನಿರ್ಮಾಣ ಸನ್ನಿಹಿತ

ಕೋಲಾರ: ಜಿಲ್ಲೆಯ ಬಹುದಿನಗಳ ಬೇಡಿಕೆಯಾಗಿದ್ದ ಸರ್ಕಾರಿ ಮೆಡಿಕಲ್ ಕಾಲೇಜು ನಿರ್ಮಾಣಕ್ಕೆ ಬರದ ಸಿದ್ಧತೆಗಳು ನಡೆಯುತ್ತಿದ್ದು, ನಿರ್ಮಾಣದ ಕನಸು ನನಸಾಗುವ ಸಮಯ ಸನ್ನಿಹಿತವಾಗಿದೆ.

ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದ ಸರ್ಕಾರಗಳು ಸಮಯ ಮುಂದೂಡಿಕೊಂಡು ಬಂದವು ಹೊರೆತು ಘೋಷಣೆ ಮಾಡಲಿಲ್ಲ. ಮಾರ್ಚ್‌ನಲ್ಲಿ ಘೋಷಣೆಯಾದ ಬಜೆಟ್‌ನಲ್ಲಿ ಸಿದ್ದರಾಮಯ್ಯ ಅವರು ಜಿಲ್ಲೆಗೆ ವೈದ್ಯಕೀಯ ಕಾಲೇಜು ಘೋಷಣೆ ಮಾಡಿ ಸುಮಾರು 500 ಕೋಟಿ ರೂ. ಮೀಸಲಿರಿಸಿದರು. ಇದಕ್ಕೆ ಪೂರಕವಾಗಿ ಮಹಾವಿದ್ಯಾಲಯದ ನೀಲಿನಕ್ಷೆ ಸಹ ಸಿದ್ಧವಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ವೈದ್ಯಕೀಯ ಕಾಲೇಜು ನಿರ್ಮಾಣಕ್ಕಾಗಿ ಅಗತ್ಯವಾಗಿ ಜಾಗವನ್ನು ಸ್ಯಾನಿಟೋರಿಯಂ ಸಮೀಪ 22.36 ಎಕರೆ ಜಾಗವನ್ನು ಗುರುತಿಸಲಾಗಿದೆ. ವೈದ್ಯಕೀಯ ಮಹಾವಿದ್ಯಾಲಯಕ್ಕೆ ಅಗತ್ಯವಾಗಿ ಬೇಕಾಗಿರುವ ಸಂಪನ್ಮೂಲ ಕುರಿತು ವಿಸ್ತ್ರತ ವರದಿ (ಡಿಪಿಆರ್) ತಯಾರಿಸಿ ಸರ್ಕಾರಕ್ಕೆ ಕಳುಹಿಸಲು ಸಿದ್ಧವಾಗಿದೆ.

ಈಗಾಗಲೇ ಗುರುತಿಸಲಾದ ಜಾಗವು ಅರಣ್ಯ ಇಲಾಖೆಗೆ ಸೇರಿದ್ದಾಗಿದ್ದು, ಕೋಲಾರ ತಾಲೂಕಿನ ಮದನಹಳ್ಳಿ ಸಮೀಪ ಪರ್ಯಾಯ ಜಾಗ ಕಲ್ಪಿಸಲಾಗಿದೆ. ಅಲ್ಲದೆ ವೈದ್ಯಕೀಯ ಶಿಕ್ಷಣ ಇಲಾಖೆಯ ಅಧಿಕಾರಿಗಳು, ಕಂದಾಯ, ಆರೋಗ್ಯ, ಲೋಕೋಪಯೋಗಿ ఇలాటియ ಶಾಸಕ ಕೊತ್ತೂರು ಜಿ.ಮಂಜುನಾಥ್, ಎಂಎಲ್ಲಿ ಅನಿಲ್ ಕುಮಾರ್ ಅವರು ಸ್ಥಳ ಪರಿಶೀಲನೆ ನಡೆಸಿದ್ದರು. ಕೂಡಲೇ ವರದಿ ತಯಾರಿಸಿ ಸರ್ಕಾರಕ್ಕೆ ಸಲ್ಲಿಸಿದರೆ ಒತ್ತಡ ತಂದು ಶತಾಯಗತಾಯ ನಿರ್ಮಾಣ ಮಾಡಿಸುವ ಗುರಿ ಹೊಂದಿದ್ದಾರೆ.

ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆಯ ನೀಲ ನಕ್ಷೆಯು ಮೂಲಸೌಕರ್ಯ, ಆಡಳಿತ ವಿಭಾಗ, ಬೋಧನಾ ಬ್ಲಾಕ್, ವಸತಿ ನಿಯಲ, ಪ್ರತ್ಯೇಕ ಕಟ್ಟಡಗಳು, ರಸ್ತೆ, ಚರಂಡಿ ಹೀಗೆ ಏನೇಲ್ಲ ಸೌಲಭ್ಯಗಳು ಒಳಗೊಂಡಿರುತ್ತದೆ ಎಂಬರ ಪಟ್ಟಿ ಸಿದ್ಧಪಡಿಸಲಾಗಿದೆ. ಈಗಾಗಲೇ 400 ಆಸನ ಸಾಮರ್ಥ್ಯದ ಜಿಲ್ಲಾ ಎಸ್‌ಎನ್‌ಆರ್ ಆಸ್ಪತ್ರೆಯಿದ್ದು, ಅನೇಕ ವಿಭಾಗಗಳು ಕಾರ್ಯನಿರ್ವಹಿಸುತ್ತಿವೆ. ಬಾಕಿ ಇರುವ ವಿಭಾಗಗಳನ್ನು ಮೆಡಿಕಲ್ ಕಾಲೇಜು ಶೈಕ್ಷಣಿಕ ವರ್ಷ ಪ್ರಾರಂಭವಾಗುವ ಸಮಯದೊಳಗೆ ಪ್ರಾರಂಭಿಸಲು ಸಿದ್ಧತೆ ಕೈಗೊಳ್ಳಲಾಗಿದೆ. ಜಿಲ್ಲೆಯಲ್ಲಿ ಸ್ಥಾಪನೆ ಮಾಡಲು ಉದ್ದೇಶಿಸಿರುವ ಸರ್ಕಾರಿ ವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ಹೊರ ರೋಗಿಗಳ ವಿಭಾಗ (ಒಪಿಡಿ), ತುರ್ತು ಚಿಕಿತ್ಸಾ ಘಟಕ, ಡಯಾಗೋಸ್ಟಿಕ್ ಬ್ಲಾಕ್, ಶೈಕ್ಷಣಿಕ ಬ್ಲಾಕ್, ಪ್ರಯೋಗಾಲಯಗಳು, ಆಡಳಿತ ವಿಭಾಗ, ವಿದ್ಯಾರ್ಥಿ ನಿಲಯ, ಆಟದ ಮೈದಾನ, ಫಾರೆನ್ಸಿಕ್ ಮೆಡಿಸಿನ್, ಪಥಾಲಜಿ, ಮೈಕ್ರೋಬೈಯಾಲಜಿ, ಬಯೋಕೆಮಿಸ್ಟ್ರಿ, ಫಾರ್ಮಾಲಜಿ, ಅನಾಟೊಮಿ, ಗ್ರಂಥಾಲಯ, ಸಭಾಂಣ, ಬಾಲಕಿ-ಬಾಲಕಿಯರ ವಸತಿ ನಿಲಯ, ಸಭಾಂಗಣ ಹೀಗೆ ಹಲವು ಸೌಲಭ್ಯಗಳನ್ನು ಒಳಗೊಂಡಿದೆ.

ಈ ಮೊದಲು ಜಿಲ್ಲೆಯಲ್ಲಿ ಖಾಸಗಿ ಸಹಭಾಗಿತ್ವದಲ್ಲಿ ಮೆಡಿಕಲ್ ಕಾಲೇಜು ಸ್ಥಾಪನೆಗೆ ಸರ್ಕಾರ ಅನುಮತಿಸಿತು. ಸರ್ಕಾರ ಘೋಷಣೆ ಮಾಡಿದ ದಿನದಿಂದ ಯಾವುದೇ ಸಂಸ್ಥೆಯವರು ಮುಂದೆ ಬರಲಿಲ್ಲ. ಇದಕ್ಕೆ ವಿಪಕ್ಷದವರು ನಾನಾ ರೀತಿ ಟೀಕೆ ಮಾಡಿದ್ದರು. ಹಠ ಬಿಡದ ಜಿಲ್ಲೆಯ ಶಾಸಕರು ಸರ್ಕಾರದ ಮೇಲೆ ಒತ್ತಡ ತಂದು ಸರ್ಕಾರಿ ವೈದ್ಯಕೀಯ ಕಾಲೇಜು ಮಂಜೂರು ಮಾಡಿಸಿದ್ದರು, ಸಿದ್ಧತೆಗಳು ಭರದಿಂದ ಸಾಗುತ್ತಿವೆ. ಇದು ವಿಪಕ್ಷದವರಿಗೆ ಒಂದು ರೀತಿ ತಿರುಗೇಟು ನೀಡಿದಂತಾಗಿದೆ.

ಈಗಾಗಲೇ ಜಾಗ ಗುರುತಿಸಲಾಗಿದ್ದು, ಡಿಪಿಆರ್ ಹಂತದಲ್ಲಿದೆ. ಸರ್ಕಾರದ ಮೇಲೆ ಒತ್ತಡ ತಂದು ಅದಷ್ಟು ಬೇಗ ಕೆಲಸ ಕೈಗೆತ್ತಿಕೊಳ್ಳಲಾಗುವುದು. ಇದಕ್ಕಾಗಿ ಸರ್ಕಾರದಿಂದ ಸಂಪೂರ್ಣ ಸಹಕಾರ ಸಿಕ್ಕಿದೆ.

ಡಿಪಿಆರ್ ಹಂತದಲ್ಲಿದ್ದು, ಕಟ್ಟಡ ವಿನ್ಯಾಸದ ನಕ್ಷೆ ಸಿದ್ಧವಾಗಿದೆ. ಸರ್ಕಾರಿ ಮೆಡಿಕಲ್ ಕಾಲೇಜು ಸ್ಥಾಪನೆಯಾಗಬೇಕು ಎಂಬುದು ಬಹುವರ್ಷಗಳ ಕನಸು. ಇದು ನಮ್ಮ ಸರ್ಕಾರದ ಅವಧಿಯಲ್ಲಿ ಈಡೇರುತ್ತಿರುವುದು ಖುಷಿ ತಂದಿದೆ.