ಬಜೆಟ್​ನಲ್ಲಿ ಜಿಲ್ಲೆಗೆ ದ್ರೋಹ

ಕೋಲಾರ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು 17ನೇ ಭಾರಿ ದಾಖಲೆ ಬಜೆಟ್​ ಮಂಡಿಸಿದ್ದು, ಇದು ಜಿಲ್ಲೆಯ ಪಾಲಿಗೆ ನಿರಾಶದಾಯಕವಾಗಿದೆ ಎಂದು ವಿರೋಧಿಸಿ ಬಿಜೆಪಿ ಕಾರ್ಯತರ್ಕರು ಜನಪ್ರತಿನಿಧಿಗಳ ಮುಖವಾಡ ಧರಿಸಿ ಪ್ರತಿಭಟನೆ ನಡೆಸಿದರು.

ನಗರದ ಸ್ವಾಮಿ ವಿವೇಕಾನಂದ ವೃತ್ತದಲ್ಲಿ ಜಮಾಯಿಸಿದ ಕಾರ್ಯಕರ್ತರು, ಸಚಿವ ಬೈರತಿ ಸುರೇಶ್​ ಸೇರಿದಂತೆ ಶಾಸಕ ಮುಖವಾಡ ಧರಿಸಿ, ಖಾಲಿ ಚೆಂಬು ಹಿಡಿದು ಕಾಂಗ್ರೆಸ್​ ಸರ್ಕಾರದ ವಿರುದ್ಧ ಆಕ್ರೋಶವ್ಯಕ್ತಪಡಿಸಿದರು.

ಬಿಜೆಪಿ ಜಿಲ್ಲಾಧ್ಯಕ್ಷ ಓಂಶಕ್ತಿ ಚಲಪತಿ ಮಾತನಾಡಿ, ಬಜೆಟ್​ಗೂ ಮುಂಚೆ ಜಿಲ್ಲೆಗೆ ಬರಪೂರ ಬಜೆಟ್​ ಕೊಡಿಸುವುದಾಗಿ ಭರವಸೆ ನೀಡುತ್ತಿದ್ದರು, ಆದರೆ ಸರ್ಕಾರವು ಜಿಲ್ಲೆಗೆ ದ್ರೋಹ ಬಗೆದಿದೆ ಎಂದು ದೂರಿದರು.

ಜಿಲ್ಲೆಯಲ್ಲಿ ಕೊತ್ತೂರು ಜಿ.ಮಂಜುನಾಥ್​, ರೂಪಕಲಾ, ಎಸ್​.ಎನ್​.ನಾರಾಯಣಸ್ವಾಮಿ, ಕೆ.ವೈ.ನಂಜೇಗೌಡ ಕಾಂಗ್ರೆಸ್​ನಿಂದ ಶಾಸಕರಾಗಿದ್ದಾರೆ. ಎಂಎಲ್ಸಿಗಳಾದ ಅನಿಲ್​ ಕುಮಾರ್​, ನಜೀರ್​ ಅಹಮದ್​ ಇದ್ದು, ನಿರೀತ ಮಟ್ಟದಲ್ಲಿ ಬಜೆಟ್​ ತರುವಲ್ಲಿ ವಿಲವಾಗಿದ್ದಾರೆ. ಹಿಂದೆ ಲೋಕಸಭಾ ಚುನಾವಣೆ ಸಂದರ್ಭದಲ್ಲಿ ಕೆ.ಎಚ್​.ಮುನಿಯಪ್ಪ ಅವರಿಗೆ ಟಿಕೆಟ್​ ನೀಡುವ ವಿಚಾರದಲ್ಲಿ ರಾಜೀನಾಮೆ ನಾಟಕ ಆಡಿದರು. ಬಜೆಟ್​ ದೊರೆಯದೆ ಇರುವುದಕ್ಕೆ ರಾಜೀನಾಮೆ ನೀಡಿ ಮರು ಚುನಾವಣಗೆ ಬರಲಿ ಎಂದು ಸವಾಲು ಹಾಕಿದರು.

ಬಜೆಟ್​ನಲ್ಲಿ ಜಿಲ್ಲೆಗೆ ಖಾಲಿ ಚೊಂಬ್​ ಸಿಕ್ಕಿದೆ, ಎಪಿಎಂಸಿ ಮಾರುಕಟ್ಟೆಗೆ ಜಾಗ, ರಿಂಗ್​ ರಸ್ತೆ, ಕೆಸಿವ್ಯಾಲಿ ಮೂರನೇ ಹಂತದ ಶುದ್ಧೀಕರಣ ಯೋಜನೆಗಳನ್ನು ಕೈಬಿಡುವ ಮೂಲಕ ಜಿಲ್ಲೆಯ ಜನರಿಗೆ ಕಾಂಗ್ರೆಸ್​ ಸರ್ಕಾರ ದ್ರೋಹ ಮಾಡಿದೆ ಎಂದು ಆಕ್ರೋಶವ್ಯಕ್ತಪಡಿಸಿದರು.

ಕಳೆದ ವರ್ಷ ಪಿಪಿಪಿ ಮಾದರಿಯಲ್ಲಿ ಮೆಡಿಕಲ್​ ಕಾಲೇಜು ಘೋಷಣೆ ಮಾಡಿದ್ದರು, ಇದಕ್ಕೆ ಯಾರು ಮುಂದೆ ಬಾರದ ಹಿನ್ನಲೆಯಲ್ಲಿ ವಿಸತ ವರದಿ ತಯಾರಿಸಿಮಾಡಿದ ನಂತರ ಸ್ಥಾಪನೆ ಮಾಡುವುದಾಗಿ ಹೇಳುತ್ತಿದ್ದಾರೆ. ಇದೆಲ್ಲ ಆಗದ ಕೆಲಸವಾಗಿದ್ದು, ನಿರಾಶದಾಯ ಬಜೆಟ್​ ಸಿಗಬೇಕಾದರೆ ಆಡಳಿತ ರೂಢ ಶಾಕಸರ ವೈಲವ್ಯವೇ ಕಾರಣವಾಗಿದೆ ಎಂದು ಆರೋಪಿಸಿದರು.

ಜಿಲ್ಲೆಯಲ್ಲಿ ಕಳೆದ ವರ್ಷ ಮಾವು ಬೆಲೆ ಕುಸಿತದಿಂದ ಬೆಳೆಗಾರರು ಸಂಕಷ್ಟಕ್ಕೆ ಒಳಗಾಗಿದ್ದರು, ಆಗ ಕೇಂದ್ರ ಸರ್ಕಾರದ ಮಧ್ಯ ಪ್ರವೇಶದಿಂದ ನೆರವು ನೀಡಿದರು. ಈ ಸಮಸ್ಯೆ ಕುರಿತು ಸರ್ಕಾರದ ಗಮನಕ್ಕೆ ಇದ್ದರು ಸಹ ವಿಚಾರವನ್ನು ಪ್ರಸ್ತಾಪ ಮಾಡದೆ ಇರುವುದು ಸರ್ಕಾರದ ಬಂಡತನ ಪ್ರದರ್ಶನ ಆಗಿದೆ ಎಂದು ಕಿಡಿಕಾರಿದರು.

ಪ್ರತಿಭಟನೆಯಲ್ಲಿ ಉಪಾಧ್ಯಕ್ಷ ವಿಜಿಕುಮಾರ್​, ಲಕ್ಷಿ$್ಮನಾರಾಯಣ, ಸಮಾ ಅನಿಲ್​, ಓಹಿಲೇಶ್​, ರಾಜೇಶ್​ ಸಿಂಗ್​ ಮತಿತರರು ಪಾಲ್ಗೊಂಡಿದ್ದರು.