ಸ್ವಚ್ಚತೆ ಕಾಪಾಡದ ಹೋಟೆಗೆ ಬೀಗ

ಕೋಲಾರ: ನಗರದ ಕೆಎಸ್​ಆರ್​ಟಿಸಿ ಬಸ್​ ನಿಲ್ದಾಣದಲ್ಲಿನ ಉಡುಪಿ ಶ್ರೀಕೃಷ್ಣ ಬೃಂದಾವನ ಹೋಟಲ್​ ಮೇಲೆ ವಿವಿಧ ಇಲಾಖಾಧಿಕಾರಿಗಳು ಗುರುವಾರ ದಾಳಿ ಮಾಡಿದ್ದು, ಅವ್ಯವಸ್ಥೆಯನ್ನು ಕಂಡು ತಾತ್ಕಲಿಕವಾಗಿ ಬೀಗ ಹಾಕಿದರು.

ಜಿಲ್ಲಾಧಿಕಾರಿ ಸೂಚನೆ ಮೇರೆಗೆ ಆಹಾರ ಸುರಕ್ಷತೆ ಮತ್ತು ಔಷದಿ ಆಡಳಿತ ಇಲಾಖೆ ಅಂಕಿತಾಧಿಕಾರಿ ಡಾ.ರಾಕೇಶ್​, ನಗರಸಭೆ ಪೌರಾಯುಕ್ತ ನವೀನ್​ ಚಂದ್ರ, ಎ್​ಎಸ್​ಎಸ್​ಎಐ ನೋಡಲ್​ ಅಧಿಕಾರಿ ಜಿ.ಪಿ.ಪ್ರತಿಶ್​, ಟಿಎಚ್​ಒ ಡಾ.ನಾರಾಯಸ್ವಾಮಿ ದಾಳಿ ನಡೆಸಿ ಪರಿಶೀಲಿಸಿದರು.

ಜ್ಯೂಸ್​ ಕೌಂಟರ್​, ಅಡುಗೆ ಕೋಣೆ, ಉಗ್ರಾಣ ವೀಸಿದಾಗ ಕೊಳೆತ ತರಕಾರಿ, ಸ್ವಚ್ಚತೆ ಇಲ್ಲದೆ ಇರುವುದು, ಹೋಟೆಲ್​ ಕಾರ್ಮಿಕರಿಗೆ ರಕ್ಷಣೆ ಕಲ್ಪಿಸದೆ ಇರುವುದು ಕಂದು ಬಂದಿತು. ಈ ಹಿಂದೆ ದಾಳಿ ಮಾಡಿದಾಗ ಕಂಡು ಬಂದ ಲೋಪಗಳನ್ನು ಸರಿಪಡಿಸಿಕೊಳ್ಳಲು ಸೂಚಿಸಲಾಗಿತ್ತು. ಆದರೆ ಯಾವುದೇ ಬದಲಾವಣೆ ಮಾಡಿಕೊಂಡಿಲ್ಲ ಎಂದು ಅಧಿಕಾರಿಗಳು ಹೋಟೆಲ್​ ಮಾಲೀಕರನನ್ನು ತರಾಟೆಗೆ ತೆಗೆದುಕೊಂಡರು. ಇನ್ನು ಫ್ರೀಡ್ಜ್​ ತುಕ್ಕು ಹಿಡಿದಿರುವುದನ್ನು ಕಂಡು ಅಧಿಕಾರಿಗಳು ಗರಂ ಆದರು.

ಈ ಹಿಂದೆ ದಾಳಿ ಮಾಡಿ ನೀರಿನ ಮಾದರಿಯನ್ನು ಸಂಗ್ರಹಿಸಿ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು. ಪರೀೆಯ ವರದಿ ಬಂದಿದ್ದು ನೀರು ಕಲುಷಿತವಾಗಿರುವುದು ದೃಢಪಟ್ಟಿದ್ದು, ಆ ಹಿನ್ನಲೆಯಲ್ಲಿ ದಾಳಿ ಮಾಡಿ ಮತ್ತೊಮ್ಮೆ ಅಧಿಕಾರಿಗಳ ತಂಡವು ಪರಿಶೀಲಿಸಿ ಕ್ರಮವಹಿಸಿದೆ.

ಕೋಣೆಗೆಯಲ್ಲಿ ನಿಂತಿದ್ದ ನೀರು, ಇಡ್ಲಿ ಹಾಗೂ ದೋಸೆ ರುಬ್ಬುವ ಗೆಂಡರ್​ ಅಸ್ವಚ್ಛತೆ, ಮೇಲ್ಚಾವಣಿಯ ಬಣ್ಣ ಉದುರಿ ಬೀಳುತ್ತಿರುವುದು, ತುಕ್ಕು ಹಿಡಿದ್ದ ಅಡುಗೆ ಯಂತ್ರಗಳನ್ನು ಕಂಡು ಅಧಿಕಾರಿಗಳ ತಂಡ ಹೋಟೆಲ್​ ಮಾಲೀಕ ಕಿರಣ್​ ಮೇಲೆ ಆಹಾರ ಸುರಕ್ಷತೆ ನಿಯಮ ಪಾಲಿಸಿಲ್ಲ ಎಂಬ ಆರೋಪದಡಿ ಬೀಗ ಜಡಿದಿದ್ದಾರೆ.

* ಎಚ್ಚರಿಕೆ ನೀಡಿಯೂ ಸರಿಪಡಿಸಿಕೊಂಡಿಲ್ಲ

ದಾಳಿಯ ನಂತರ ಆಹಾರ ಸುರಕ್ಷತೆ ಮತ್ತು ಔಷದಿ ಆಡಳಿತ ಇಲಾಖೆ ಅಂಕಿತಾಧಿಕಾರಿ ಡಾ.ರಾಕೇಶ್​ ಮಾತನಾಡಿ, ಈ ಹಿಂದೆ ದಾಳಿ ಮಾಡಿದಾಗ ನ್ಯೂನತೆಗಳು ಕಂಡು ಬಂದಿದ್ದು, ಸರಿಪಡಿಸಿಕೊಳ್ಳಲು ಕಾಲವಕಾಶ ನೀಡಲಾಗಿತ್ತು, ಇದೀಗ ಯಾವುದೇ ಬದಲಾವಣೆ ಮಾಡಿಕೊಂಡಿಲ್ಲ, ಅದ್ದರಿಂದಾಗಿ ತಾತ್ಕಲಿಕವಾಗಿ ಬೀಗ ಹಾಕಲಾಗಿದೆ ಎಂದು ಹೇಳಿದರು.

ಗ್ರಾಹಕರಿಗೆ ಶುದ್ಧ ನೀರು ನೀಡಲು ಉಪಕರಣ ಅಳವಡಿಸದೆ ಇರುವುದು, ಹೋಟೆಲ್​ ನೌಕರರ ವೈಯಕ್ತಿಕ ಸ್ವಚ್ಚತೆ ಸಮರ್ಪಕವಾಗಿಲ್ಲ, ಕೈಗಳಿಗೆ ಗ್ಲೌಸ್​, ಮುಖಕ್ಕೆ ಮಾಸ್ಕ್​, ಟೋಪಿ ನೀಡಿಲ್ಲ. ನೊಣ, ಕೀಟಗಳ ನಿಯಂತ್ರಣಕ್ಕಾಗಿ ಕ್ರಮವಹಿಸಿಲ್ಲ. ಆಹಾರ ತಯಾರು ಮಾಡುವ ಕೊಠಡಿ, ಸಂಗ್ರಹ ಹಾಗೂ ಮಾರಾಟ ಸ್ಥಳದಲ್ಲಿ ಸ್ವಚ್ಚತೆ ಇಲ್ಲದೆ ಇರುವುದು ಕಂಡು ಬಂದಿದೆ ಎಂದು ತಿಳಿಸಿದರು.