ಈ ಪ್ರಮುಖ ರಸ್ತೆ ಬಂದ್ ಆಗಿರುವುದರಿಂದ ಕೆಎಸ್ಆರ್ಟಿಸಿ ಬಸ್ಗಳ ಸಮಯಪಾಲನೆಯಲ್ಲಿ ಭಾರಿ ವ್ಯತ್ಯಾಸ ಆಗಿದೆ. ಟೌನ್ಹಾಲ್ ಬಳಿಯಿಂದ ತಿರುವು ಪಡೆದುಕೊಂಡು ಗಾಂಧಿ ಮೈದಾನ, ರಾಜಾಸೀಟ್, ಹೊಸ ಖಾಸಗಿ ಬಸ್ನಿಲ್ದಾಣ, ಪತ್ರಿಕಾಭವನ, ಎಸ್ಬಿಐ, ಕೊಹಿನೂರು ರಸ್ತೆ ಮಾರ್ಗವಾಗಿ ಸುತ್ತು ಬಳಸಿಕೊಂಡು ಕೆಎಸ್ಆರ್ಟಿಸಿ ಬಸ್ ನಿಲ್ದಾಣಕ್ಕೆ ಬರಬೇಕು. ವಾಪಸ್ ತೆರಳುವಾಗ ಮತ್ತೆ ಇದೇ ಮಾರ್ಗದಲ್ಲಿ ಹೋಗಬೇಕು. ಹೀಗಾಗಿ ಮಂಗಳೂರು ಕಡೆಯಿಂದ ಮಡಿಕೇರಿ ಮಾರ್ಗವಾಗಿ ಮೈಸೂರು, ಬೆಂಗಳೂರು ಭಾಗಕ್ಕೆ ತೆರಳುವ ಮತ್ತು ಮೈಸೂರು, ಬೆಂಗಳೂರು ಭಾಗದಿಂದ ಮಡಿಕೇರಿಗೆ ಬಂದು ಮಂಗಳೂರು ಕಡೆಗೆ ತೆರಳುವ ಬಸ್ಗಳ ಸಮಯದಲ್ಲಿ ಸುಮಾರು 1 ಗಂಟೆಗಳಷ್ಟು ತಡ ಆಗುತ್ತಿದೆ.
