ಪೆರುಂಬಾಡಿ ನಿವಾಸಿ ಸಿಂಧು ಗಾಯಗೊಂಡವರು. ಅಂಗಡಿಯಲ್ಲಿ ಕೆಲಸ ನಿರ್ವಹಿಸಲು ಪೆರುಂಬಾಡಿ ಮನೆಯಿಂದ ಬೇಟೋಳಿ ಗ್ರಾಮದ ರಾಮನಗರಕ್ಕೆ ಬರುವ ಸಂದರ್ಭ ಬೆಳಗ್ಗೆ 9.30ರಲ್ಲಿ ಮೂಲೆ ಅಂಗಡಿ ಸೇತುವೆ ತಲುಪುವ ವೇಳೆ ನದಿ ಮೇಲ್ಬಾಗದಲ್ಲಿ ವಿರಾಜಪೇಟೆ ಕಡೆ ಸಂಚರಿಸುವಾಗ ರಸ್ತೆ ಎಡ ಭಾಗದಲ್ಲಿದ್ದ ಬೃಹತ್ ಗಾತ್ರದ ಮರ ಬುಡ ಸಮೇತ ಸ್ಕೂಟಿ ಚಾಲನೆ ಮಾಡುತ್ತಿದ್ದ ಸಿಂಧು ಮೇಲೆ ಉರುಳಿ ಬಿದ್ದಿದೆ. ಮರದ ರೆಂಬೆಗಳು ಬಲವಾಗಿ ಬಿದ್ದ ಪರಿಣಾಮ ಕಾಲು ಹಾಗೂ ಕೈಗೆ ಗಾಯವಾಗಿದೆ. ತಕ್ಷಣ ವಿರಾಜಪೇಟೆ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ ಪ್ರಥಮ ಚಿಕಿತ್ಸೆ ನೀಡಿ ಮಡಿಕೇರಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಕೂಟರ್ ಜಖಂಗೊಂಡಿದೆ. ಸುಮಾರು 2 ಗಂಟೆಗೂ ಹೆಚ್ಚು ಕಾಲ ಸಂಚಾರ ಸ್ಥಗಿತಗೊಂಡಿತ್ತು. ಗ್ರಾಮಸ್ಥರು ಸೇರಿ ಬೃಹತ್ ಗಾತ್ರದ ಮರ ತೆರವುಗೊಳಿಸಿ ಸಂಚಾರಕ್ಕೆ ಅನುವು ಮಾಡಿ ಕೊಟ್ಟರು.
