ಸೇನೆಗೆ ಸೇರುವ ಆಕಾಂಕ್ಷಿಗಳ ಜತೆಯಲ್ಲಿ ಕುಶಾಲನಗರದ ಸರ್ಕಾರಿ ಜೂನಿಯರ್ ಕಾಲೇಜು ಮೈದಾನದಲ್ಲಿ ಅಮೆ ಜನಾರ್ದನ ಪ್ರತಿನಿತ್ಯವೂ ದೇಹಕ್ಕೆ ಶಕ್ತಿ ತುಂಬುವ ಹಲವು ರೀತಿಯ ವ್ಯಾಯಾಮಗಳನ್ನು ಮಾಡುತ್ತಾರೆ. ಮತ್ತು ಮುಖ್ಯ ರಸ್ತೆಗಳಲ್ಲಿ ದಿನವೂ ಬೆಳಗ್ಗೆ ಓಡುತ್ತಾರೆ. ಸೇನಾ ನೇಮಕಾತಿ ರ್ಯಾಲಿ ಇರುವ ಬಗ್ಗೆ ಪತ್ರಿಕೆಗಳಲ್ಲಿ ಪ್ರಕಟಣೆ ಹೊರಬಿದ್ದ ಕೂಡಲೇ ಹೆಚ್ಚಿನ ಪ್ರಮಾಣದಲ್ಲಿ ದೈಹಿಕ ತರಬೇತಿ ಕೊಡಲಾರಂಭಿಸುತ್ತಾರೆ. ದೇಹದಾರ್ಢ್ಯತೆ ಹೆಚ್ಚಿಸುವುದಕ್ಕೆ ಸಂಬAಧಿಸಿದAತೆ ಕುಶಾಲನಗರದ ಜಿಎಂಪಿ ಶಾಲೆ, ಕೂಡಿಗೆಯ ಕೊಡಗು ಕ್ರೀಡಾ ಶಾಲೆಯ ಮೈದಾನದಲ್ಲಿ 2 ಕಿ.ಮೀ. ಓಟ, ಲಾಂಗ್ ಜಂಪ್, ಪುಷ್ಅಪ್, ಪಥಸಂಚಲನ, ಯೋಗ ಹಾಗೂ ಧ್ಯಾನ ಮಾಡಿಸಲಾಗುತ್ತದೆ. ದೇಶಭಕ್ತಿ, ಶಿಸ್ತಿನ ಬಗ್ಗೆ ಪಾಠವೂ ಇರುತ್ತದೆ.
