ಬಾಳೆಲೆ ವಿಎಸ್‌ಎಸ್‌ಎನ್‌ಗೆ ಆಯ್ಕೆ

ಮಡಿಕೇರಿ

ಪೊನ್ನಂಪೇಟೆ ತಾಲೂಕು ಬಾಳೆಲೆ ವ್ಯವಸಾಯೋತ್ಪನ್ನ ಮಾರಾಟ ಮತ್ತು ಪರಿವರ್ತನಾ ಸಹಕಾರ ಸಂಘದ ಅಧ್ಯಕ್ಷರಾಗಿ ಅರಮಣಮಾಡ ಪಿ.ಗಣಪತಿ(ಸುಗುಣ) ಮತ್ತು ಉಪಾಧ್ಯಕ್ಷರಾಗಿ ಮುಕ್ಕಾಟೀರ ಜಾನಕಿ ಕಾವೇರಪ್ಪ (ಪಿ.ಜಿ ಜಾನಕಿ) ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ. ಸಂಸ್ಥೆಯ 2025-2030ರ ಅವಧಿಗೆ ಬುಧವಾರ ನಡೆದ ಆಡಳಿತಮಂಡಳಿಯ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಚುನಾವಣೆಯಲ್ಲಿ ಈ ಆಯ್ಕೆ ನಡೆದಿದೆ.

ಆಡಳಿತ ಮಂಡಳಿ ನಿರ್ದೇಶಕರಾದ ಅಳಮೇಂಗಡ ಸುಬ್ಬಯ್ಯ(ಸುರೇಶ್), ಮಾಪಂಗಡ ಜಿ.ಅಯ್ಯಪ್ಪ(ಸಂಪತ್), ಕಾಯಮಾಡ ರಾಜ, ಬಾಚಮಾಡ ವಿಶು, ಮಂದೇಮಾಡ ಯು.ಗಣಪತಿ (ಬೋಸ್), ಅಡ್ಡೇಂಗಡ ಕೆ.ಕಾವೇರಮ್ಮ, ಕಾಡ್ಯಮಾಡ ಆರ್.ಸುಬ್ಬಯ್ಯ, ಹೆಚ್.ಜಿ ವಿಜಯ, ಎ.ಕೆ ದೇವರಾಜು , ಕೆ.ಡಿ.ಸಿ.ಸಿ ಬ್ಯಾಂಕ್ ನಾಮನಿರ್ದೇಶಕ ಗುಮ್ಮಟೀರ ಕಿಲನ್ ಗಣಪತಿ, ಪ್ರಮುಖರಾದ ಪೋಡಮಾಡ ಸುಕೇಶ್ ಭೀಮಯ್ಯ, ಮುಕ್ಕಾಟೀರ ವಾಸು ಕಾವೇರಪ್ಪ, ಅಡ್ಡೇಂಗಡ ಅಜಯ್ ಕುಶಾಲಪ್ಪ, ಕೊಕ್ಕಲೆಮಾಡ ನಾಣಯ್ಯ ಮತ್ತಿತರರು ಈ ಸಂದರ್ಭ ಇದ್ದರು.