ವಡ್ಡರಮಾಡು ಕೆರೆ ಗೇಟ್ ಶಿಥಿಲ

Vaddaramadu lake gate dilapidated

Published on:

03 Nov 2025, 7:18 am

ಪ್ರಮುಖ ಮುಖ್ಯಾಂಶಗಳು

ಕೆರೆದಂಡೆಯಲ್ಲಿ ಬೆಳೆದಿರುವ ಕುರುಚಲು ಕಾಡಿನಿಂದಾಗಿ ವನ್ಯಜೀವಿಗಳ ಹಾವ
ಅಚ್ಚುಕಟ್ಟು ಪ್ರದೇಶ ವ್ಯಾಪ್ತಿಯ ನಿವಾಸಿಗಳಲ್ಲಿ ಆತಂಕ
ಈಡೇರದ ಕೆರೆಯ ಗೇಟ್ ದುರಸ್ತಿ ಭರವಸೆ

ಮಡಿಕೇರಿ:

ಸಂಬAಧಿಸಿದ ಅಧಿಕಾರಿಗಳ ದಿವ್ಯ ನಿರ್ಲಕ್ಷö್ಯದಿಂದ ಪೊನ್ನಂಪೇಟೆ ತಾಲೂಕು ವಡ್ಡರಮಾಡು ಕೆರೆ ಅಚ್ಚುಕಟ್ಟು ಪ್ರದೇಶ ವ್ಯಾಪ್ತಿಯ ನಿವಾಸಿಗಳು ಆತಂಕದಿAದ ದಿನ ದೂಡುವ ವಾತಾವರಣ ನಿರ್ಮಾಣ ಆಗಿದೆ. ಕೆರೆಯ ಗೇಟ್ ದುರಸ್ತಿ ಮಾಡುವ ಭರವಸೆ ಈಡೇರದಿರುವುದು ಒಂದು ಕಡೆಯಾದರೆ, ಕೆರೆದಂಡೆಯಲ್ಲಿ ಬೆಳೆದಿರುವ ಕುರುಚಲು ಕಾಡಿನಿಂದಾಗಿ ವನ್ಯಜೀವಿಗಳ ಹಾವಳಿ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ. ಈ ಬಗ್ಗೆ ದೂರು ಕೊಟ್ಟರೂ ಅಧಿಕಾರಿಗಳು ಸ್ಪಂದಿಸುತ್ತಿಲ್ಲ ಎನ್ನುವುದು ಸ್ಥಳೀಯರ ಆರೋಪ.

1950ರ ಸುಮಾರಿಗೆ ಪೊನ್ನಂಪೇಟೆ ತಾಲೂಕು ವಡ್ಡರಮಾಡು ಕೆರೆ ನಿರ್ಮಾಣ ಆಗಿದೆ ಎನ್ನುವುದು ಸ್ಥಳೀಯರ ಮಾಹಿತಿ. 15 ಎಕರೆ ವಿಸ್ತೀರ್ಣದ ಈ ಕೆರೆ ನಾಗರಹೊಳೆ ರಾಷ್ಟಿçÃಯ ಉದ್ಯಾನದ ಸರಹದ್ದಿನಲ್ಲಿಯೇ ಇದೆ. ಕಳೆದ 75 ವರ್ಷಗಳಿಂದ ಈ ಕೆರೆ ಈ ವ್ಯಾಪ್ತಿಯ ಜನ, ಜಾನುವಾರು, ಕಾಡು ಪ್ರಾಣಿಗಳಿಗೆ ಬೇಸಿಗೆಯಲ್ಲಿ ನೀರುಣಿಸಿ ದಾಹ ತಣಿಸುತ್ತಾ ಬಂದಿದೆ. ನಿಟ್ಟೂರು ವ್ಯಾಪ್ತಿಯ ಸುಮಾರು 200 ಎಕರೆ ಪ್ರದೇಶದ ಭೂಮಿಗೂ ವಡ್ಡರಮಾಡು ಕೆರೆ ಬೇಸಿಗೆಯಲ್ಲಿ ನೀರಿನ ಆಸರೆಯಾಗಿದೆ. ಕೆರೆಯಲ್ಲಿ ಹುಟ್ಟಿಕೊಳ್ಳುವ ನೀರಿನ ಝರಿ ಬಾಳೆಲೆ ಸಮೀಪ ಲಕ್ಷ್ಮಣ ತೀರ್ಥ ನದಿ ಸೇರುತ್ತದೆ.

ವಡ್ಡರಮಾಡು ಕೆರೆಯಿಂದ ಈ ಭಾಗದಲ್ಲಿ ಸಾಕಷ್ಟು ಪ್ರಯೋಜನ ಆಗುತ್ತದೆ. ಕೆರೆಯಲ್ಲಿ ಉತ್ತಮ ನೀರಿದ್ದರೆ ಅಂತರ್ಜಲ ವೃದ್ಧಿಯಾಗಿ ಸುತ್ತಮುತ್ತಲಿನ ಕೊಳವೆ ಬಾವಿ, ತೆರೆದ ಬಾವಿ, ಚಿಕ್ಕ ಪುಟ್ಟ ಕೊಳಗಳಲ್ಲಿ ಯಥೇಚ್ಛ ನೀರು ಸಂಗ್ರಹ ಆಗಿರುವುದು ಕಂಡು ಬರುತ್ತದೆ. ಬೇಸಿಗೆಯಲ್ಲಿ ಈ ವ್ಯಾಪ್ತಿಯ ಬೆಳೆಗಾರರಿಗೆ ಕಾಫಿ, ಕಾಳುಮೆಣಸು, ಅಡಿಕೆ ಕೃಷಿ ಮಾಡಲು ಸಾಕಷ್ಟು ಅನುಕೂಲ ಒದಗಿಸುತ್ತದೆ. ನಾಗರಹೊಳೆ ರಾಷ್ಟಿçÃಯ ಉದ್ಯಾನ ಬದಿಯಲ್ಲಿಯೇ ಈ ಕೆರೆ ಇರುವದರಿಂದ ವನ್ಯ ಪ್ರಾಣಿಗಳಿಗೂ ಬೇಸಿಗೆಯಲ್ಲಿ ದಾಹ ಇಂಗಿಸಲು ಸಹಕರಿಸುತ್ತದೆ. ಹಲವು ಬಗೆಯ ಪಕ್ಷಿ ಸಂಕುಲಕ್ಕೂ ಆಶ್ರಯ ನೀಡುತ್ತಾ ಬಂದಿದೆ.

ಈ ವ್ಯಾಪ್ತಿಯಲ್ಲಿ ಸಾಕಷ್ಟು ಮಹತ್ವ ಪಡೆದುಕೊಂಡಿರುವ ಈ ಕೆರೆ ಸಣ್ಣ ನೀರಾವರಿ ಇಲಾಖೆ ವ್ಯಾಪ್ತಿಗೆ ಬರುತ್ತಿದ್ದು, ಕೆರೆಯ ನಿರ್ವಹಣೆಯಲ್ಲಿ ಅಧಿಕಾರಿಗಳು ಸತತವಾಗಿ ನಿರ್ಲಕ್ಷö್ಯ ವಹಿಸುತ್ತಾ ಬರುತ್ತಿದ್ದಾರೆ ಎಂದು ಸ್ಥಳೀಯರು ಆರೋಪಿಸುತ್ತಾರೆ. ಕೆರೆಯ ಗೇಟ್ ಹಾಳಾಗಿ 3 ವರ್ಷವಾದರೂ ಇನ್ನೂ ದುರಸ್ತಿ ಆಗಿಲ್ಲ. ಸೋರಿಕೆ ಆಗುತ್ತಿರುವ ಕೆರೆಯ ನೀರು ತಡೆಯುವ ಪ್ರಯತ್ನ ನಡೆದಿದ್ದರೂ ಇದೊಂದು ತಾತ್ಕಾಲಿಕ ಕ್ರಮ ಆಗಿರುವುದರಿಂದ ಕಟ್ಟೆ ಒಡೆಯುವ ಭೀತಿಯಲ್ಲಿ ಅಚ್ಚುಕಟ್ಟು ಪ್ರದೇಶದ ನಿವಾಸಿಗಳು ಆತಂಕದಿAದಲೇ ದಿನದೂಡುವಂತಾಗಿದೆ.

ನಾಗರಹೊಳೆ ಕಟ್ಟೆಹಾಡಿಯಲ್ಲಿ ವಾಸ ಮಾಡುವವರು ನಿಟ್ಟೂರು, ಬಾಳೆಲೆೆ ಹಾಗೂ ಶಾಲಾ-ಕಾಲೇಜಿಗೆ ತೆರಳಲು ವಡ್ಡರಮಾಡು ಕೆರೆ ಏರಿಯ ಕಾಲುದಾರಿಯನ್ನು ಬಳಸುತ್ತಿದ್ದರು. ಆದರೆ ನಿರ್ವಹಣೆ ಇಲ್ಲದೆ ಈಗ ಅಲ್ಲಿ ಕುರುಚಲು ಕಾಡು ಬೆಳೆದಿದೆ. ಓಡಾಡಲು ಸಾಧ್ಯವಾಗದ ಪರಿಸ್ಥಿತಿ ನಿರ್ಮಾಣ ಆಗಿದೆ. ಇದೀಗ ಇಲ್ಲಿ ದೊಡ್ಡ ಪ್ರಮಾಣದಲ್ಲಿ ಕುರುಚಲು ಕಾಡು ಬೆಳೆದು ನಿಂತಿರುವುದರಿAದ ಕಾಡು ಪ್ರಾಣಿಗಳ ಆವಾಸಸ್ಥಾನವಾಗಿ ಬದಲಾಗಿದೆ. ಕರಡಿ, ಹುಲಿಗಳು ಇಲ್ಲಿ ಆಶ್ರಯ ಪಡೆದುಕೊಂಡಿರುವುದಾಗಿ ಸ್ಥಳೀಯರು ಹೇಳುತ್ತಾರೆ. ಸೋಮವಾರವಷ್ಟೇ (ಅ.27) ಈ ಕುರುಚಲು ಕಾಡು ಪ್ರದೇಶದಲ್ಲಿ ಕಾಡಾನೆಗಳೂ ಕಾಣಿಸಿಕೊಂಡಿವೆ.

ಕುರುಚಲು ಕಾಡು ತೆರವು ಮಾಡಿಸುವಂತೆ ಅಧಿಕಾರಿಗಳಿಗೆ ಮನವಿ ಮಾಡಿದರೂ ಯಾವುದೇ ಪ್ರಯೋಜನ ಆಗಿಲ್ಲ ಎಂದು ಸ್ಥಳೀಯರು ಹೇಳುತ್ತಿದ್ದಾರೆ. ಈ ವರ್ಷ ಮೂರು ಬಾರಿ ಕುರುಚಲು ಕಾಡು ತೆಗೆಸಲಾಗಿದೆ ಎನ್ನುವ ಮಾಹಿತಿ ಅಧಿಕಾರಿಗಳು ಕೊಡುತ್ತಿದ್ದಾರೆ. ಆದರೆ ಇದು ಸುಳ್ಳು ಎನ್ನುವ ಸ್ಥಳೀಯರು ಕೆರೆ ದಂಡೆ ಮತ್ತು ಸುತ್ತಮುತ್ತಲು ದಟ್ಟವಾಗಿ ಬೆಳೆದಿರುವ ಕುರುಚಲು ಕಾಡು ಅಧಿಕಾರಿಗಳು ಹೇಳುವ ಸುಳ್ಳಿಗೆ ಸಾಕ್ಷಿಯಾಗಿ ನಿಂತಿದೆ ಎಂದು ಹೇಳುತ್ತಾರೆ. ಕಳೆದ ವರ್ಷದಿಂದ ಈಚೆಗೆ ಇಲ್ಲಿ ಸ್ವಚ್ಛತೆಯ ಕೆಲಸವೇ ನಡೆದಿಲ್ಲ ಎನ್ನುವ ಮಾತನ್ನು ಗ್ರಾಮಸ್ಥರು ಹೇಳುತ್ತಿದ್ದಾರೆ.

ಜಿಲ್ಲೆಯಲ್ಲಿ ಈ ವರ್ಷ ಮೇ ತಿಂಗಳಿನಿAದಲೇ ಮಳೆ ಆಗುತ್ತಿದೆ. ಇದರ ಪರಿಣಾಮದಿಂದಾಗಿ ನಿಟ್ಟೂರು ಗ್ರಾ.ಪಂ. ವ್ಯಾಪ್ತಿಯ ವಡ್ಡರಮಾಡು ಕೆರೆ ಕೂಡ ಸಂಪೂರ್ಣ ಭರ್ತಿ ಆಗುವುದರಲ್ಲಿತ್ತು. ಆದರೆ ಗೇಟ್‌ನಲ್ಲಿ ಸೋರುವಿಕೆ ಇರುವುದರಿಂದ ಸಾಮರ್ಥ್ಯದಷ್ಟು ನೀರು ಇಲ್ಲಿ ತುಂಬಿಲ್ಲ. ಎಲ್ಲವೂ ಸರಿ ಇದ್ದರೆ ಈ ಕೆರೆಯಲ್ಲಿ ಸುಮಾರು 25 ಅಡಿಗಳಷ್ಟು ನೀರು ಸಂಗ್ರಹ ಆಗುತ್ತದೆ. ಗೇಟ್‌ನಲ್ಲಿ ಸಮಸ್ಯೆ ಇರುವುದರಿಂದ 7 ಅಡಿಗೆ ಕುಸಿದಿದೆ. ಈ ಸೋರುವಿಕೆಯಿಂದ ಕೆರೆಯ ಕಟ್ಟೆಗೂ ಹಾನಿ ಆಗಬಹದು ಎನ್ನಲಾಗುತ್ತಿದೆ. ಒಂದು ವೇಳೆ ಕಟ್ಟೆ ಒಡೆದುಹೋದರೆ ಅಚ್ಚುಕಟ್ಟು ಪ್ರದೇಶದ ಸುಮಾರು 200 ಎಕರೆ ಪ್ರದೇಶದಲ್ಲಿ ಬೆಳೆದುನಿಂತಿರುವ ಕೃಷಿ ಫಸಲು ನೀರು ಪಾಲಾಗಲಿದೆ.

ಸೋರುತ್ತಿರುವ ಗೇಟ್ ದುರಸ್ತಿಗೂ ಅಧಿಕಾರಿಗಳು ಮುಂದಾಗುತ್ತಿಲ್ಲ ಎನ್ನುತ್ತಾರೆ ಗ್ರಾಮಸ್ಥರು. ಬೇಸಿಗೆ ಸಮಯದಲ್ಲಿ ಸಂಬAಧಿಸಿದ ಇಲಾಖೆ ಗಮನಕ್ಕೆ ತಂದರೂ ಪ್ರಯೋಜನ ಆಗಿರಲಿಲ್ಲ. ಇದೀಗ ಮಳೆಗಾಲ ಇನ್ನು ಮುಂದುವರಿದಿರುವುದರಿAದ ಶಾಶ್ವತ ಪರಿಹಾರ ಕಲ್ಪಿಸುವ ರೀತಿಯಲ್ಲಿ ಕಾಮಗಾರಿ ಅಸಾಧ್ಯವಾಗಿದ್ದು, ಅಚ್ಚುಕಟ್ಟು ಪ್ರದೇಶದ ಬೆಳೆಗಾರರ ಹಿತ ಕಾಪಾಡುವ ನಿಟ್ಟಿನಲ್ಲಿ ಅಧಿಕಾರಿಗಳು ಕ್ರಮವಹಿಸಬೇಕು ಎನ್ನುವ ಆಗ್ರಹ ಸ್ಥಳೀಯರಿಂದ ಕೇಳಿಬರುತ್ತಿದೆ.

ಗೇಟ್ ಹಾಳಾಗಿರುವ ಕಾರಣಕ್ಕೆ ಕಳೆದ 3 ವರ್ಷಗಳಿಂದಲೂ ಮಳೆಗಾಲದಲ್ಲಿ ನೀರು ಸೋರಿಕೆ ಆಗಿ ಹೋಗುತ್ತಿರುವುದರಿಂದ ಬೇಸಿಗೆಯಲ್ಲಿ ಈ ವ್ಯಾಪ್ತಿಯಲ್ಲಿ ಸಮಸ್ಯೆ ಆಗುತ್ತಿದೆ. ಕಳೆದ ಬೇಸಿಗೆಯಲ್ಲಿ ಇದರ ಅನುಭವ ದೊಡ್ಡ ಪ್ರಮಾಣದಲ್ಲಿಯೇ ಆಗಿತ್ತು. ಜಾನುವಾರುಗಳಿಗೆ ಕುಡಿಯುವ ನೀರು ಇರಲಿಲ್ಲ. ವನ್ಯಪ್ರಾಣಿಗಳು ಕೂಡ ಜೀವ ಜಲ ಹುಡುಕುತ್ತಾ ಜನವಸತಿ ಪ್ರದೇಶಗಳ ಕಡೆಗೆ ಬಂದಿದ್ದವು. ಹಾಗಾಗಿ ಈಗ ಸೋರಿಕೆಗೆ ಶಾಶ್ವತವಾಗಿ ಕಡಿವಾಣ ಹಾಕಿದರೆ ಮುಂದಿನ ಬೇಸಿಗೆಗೆ ಕೆರೆಯಲ್ಲಿ ನೀರಿನ ಸಂಗ್ರಹ ಹೆಚ್ಚು ಕಾಣಬಹುದು ಎನ್ನುತ್ತಾರೆ ಸ್ಥಳೀಯರು.

ವಡ್ಡರಮಾಡು ಕೆರೆಗೆ ಕಾಯಕಲ್ಪ ಕಲ್ಪಿಸಲು ಸಣ್ಣ ನೀರಾವರಿ ಇಲಾಖೆ ಮುಂದಾಗಿದ್ದು, ಸುಮಾರು 75 ವರ್ಷದಷ್ಟು ಹಳೆಯ ಕೆರೆ ಗೇಟ್ ಬದಲಾಯಿಸಿ ಹೊಸ ಗೇಟ್ ಅಳವಡಿಸುವದು ಮತ್ತು ಕೆರೆಯಲ್ಲಿ ಸಂಗ್ರಹವಾದ ನೀರು ಸೋರಿ ಹೋಗದಿರಲು ನೂತನ ತಡೆಗೋಡೆ ನಿರ್ಮಾಣ ಕಾಮಗಾರಿಗೆ 1.50 ಕೋಟಿ ರೂ. ವೆಚ್ಚದ ಕ್ರಿಯಾಯೋಜನೆ ಸಿದ್ಧವಾಗಿದೆ ಎಂದು ಕಳೆದ ಜುಲೈನಲ್ಲೇ ಸಣ್ಣ ನೀರಾವರಿ ಇಲಾಖೆಯ ಅಧಿಖಾರಿಗಳು ಮಾಹಿತಿ ನೀಡಿದ್ದರು. ಕಾರ್ಮಿಕರ ಮೂಲಕ ಕೆರೆ ಏರಿ ಸ್ವಚ್ಛಗೊಳಿಸುವ ಕೆಲಸ ನಡೆಸಲಾಗುತ್ತದೆ ಎಂದು ಕೂಡ ಹೇಳಿದ್ದರು. ಆದರೆ ಯಾವ ಕೆಲಸ ಕೂಡ ಇನ್ನೂ ಆರಂಭವಾಗಿಲ್ಲ. ಅಧಿಕಾರಿಗಳು ಸುಳ್ಳು ಹೇಳಿಕೊಂಡು ಗ್ರಾಮಸ್ಥರ ಮೂಗಿಗೆ ತುಪ್ಪ ಸವರುವ ಕೆಲಸ ಮಾಡುತ್ತಿದ್ದಾರೆ ಎನ್ನುವ ಆರೋಪ ವ್ಯಕ್ತವಾಗುತ್ತಿದೆ.

ವಡ್ಡರಮಾಡು ಕೆರೆಯನ್ನು ಸಣ್ಣ ನೀರಾವರಿ ಇಲಾಖೆಯವರು ಸಂಪೂರ್ಣ ನಿರ್ಲಕ್ಷö್ಯ ಮಾಡಿದ್ದಾರೆ. ಕೆರೆ ಏರಿ ಮೇಲೆ ಬೆಳೆದಿರುವ ಕುರುಚಲು ಕಾಡು ತೆರವು ಮಾಡುವಂತೆ ಮನವಿ ಮಾಡಿದರೂ ಅದಕ್ಕೆ ಸ್ಪಂದಿಸುತ್ತಿಲ್ಲ. ಅಲ್ಲಿ ಈಗ ದಟ್ಟ ಕಾಡು ಬೆಳೆದು ಕಾಡು ಪ್ರಾಣಿಗಳಿಗೆ ವಾಸ ಸ್ಥಾನ ನಿರ್ಮಾಣ ಆಗಿದೆ. ಕರಡಿ, ಹುಲಿಗಳಿ ಅಲ್ಲಿ ತಿರುಗಾಡುತ್ತಿವೆ. ಸೋಮವಾರ ಕಾಡಾನೆಗಳೂ ಬಂದಿವೆ. ಕಳೆದ 3 ವರ್ಷಗಳಿಂದ ಗೇಟ್ ಕೂಡ ಸೋರುತ್ತಿದೆ. ಇದರಿಂದ ಕಟ್ಟೆ ಒಡೆದು ಹೋಗಬಹುದು. ನಮಗೆ ಇಲ್ಲಿರಲು ಭಯ ಆಗುತ್ತಿದೆ. ಮಾಹಿತಿ ಕೇಳಿದರೆ ಅಧಿಕಾರಿಗಳು ಬರೇ ಸುಳ್ಳು ಹೇಳುತ್ತಿದ್ದಾರೆ.

ವಡ್ಡರಮಾಡು ಕೆರೆ ಗೇಟ್ ಹಾಳಾಗಿರುವುದು ಗಮನಕ್ಕೆ ಬಂದ ಕೂಡಲೇ ತಾತ್ಕಾಲಿಕವಾಗಿ ದುರಸ್ತಿ ಮಾಡಿ ನೀರು ನಿಲ್ಲುವಂತೆ ಮಾಡಲಾಗಿದೆ. ಉಳಿದಂತೆ ಮಳೆಗಾಲ ಮುಗಿದು ಕೆರೆಯಲ್ಲಿ ನೀರು ಕಡಿಮೆ ಆದ ನಂತರ ಶಾಶ್ವತ ಕಾಮಗಾರಿ ನಡೆಸಿ ಗೇಟ್ ದುರಸ್ತಿ ಮಾಡÀಲಾಗುವುದು. ಕೆರೆ ಏರಿ ಮೇಲಿನ ಕುರುಚಲು ಕಾಡನ್ನು ಆಗಾಗ್ಗೆ ತೆರವು ಮಾಡಲಾಗುತ್ತಿರುತ್ತದೆ. ಅಲ್ಲಿ ಆಗಾಗ್ಗೆ ಕುರುಚಲು ಕಾಡು ಬರುತ್ತಲೇ ಇರುತ್ತದೆ. ಈ ವರ್ಷ ಅಲ್ಲಿ ಮೂರು ಬಾರಿ ಕಾಡು ಕಡಿಸಲಾಗಿದೆ. ಮತ್ತೆ ಕೂಡ ತೆರವು ಮಾಡಲಾಗುವುದು.

Lake