ಪಥ ಸಂಚಲನದಲ್ಲಿ ಟುಲಿಪ್ ತಂಡ ಪ್ರಥಮ

ಪಥ ಸಂಚಲನದ ಪ್ರಥಮ ಸ್ಥಾನವನ್ನು ಟುಲಿಪ್ ತಂಡ, ದ್ವಿತೀಯ ಸ್ಥಾನವನ್ನು ಡಪೋಡಿಲ್ಸ್, ತೃತೀಯ ಸ್ಥಾನವನ್ನು ಬ್ಲೂ ಬೆಲ್ಸ್ ತಂಡ ಪಡೆಯಿತು.

ಕ್ರೀಡಾ ತರಬೇತುದಾರ ಅಂತೋಣಿ ಡಿಸೋಜ ಮಾತನಾಡಿ, ಪ್ರಾಥಮಿಕ ಹಂತದಲ್ಲೇ ಮಕ್ಕಳ ಕ್ರೀಡಾ ಪ್ರತಿಭೆಯನ್ನು ಗುರುತಿಸಿ ಪ್ರೋತ್ಸಾಹ ನೀಡಬೇಕು. ಶಿಸ್ತು, ಶ್ರದ್ಧೆ, ಸಂಯಮ, ಸಮಯ ಪ್ರಜ್ಞೆ, ಸತತ ಅಭ್ಯಾಸದಿಂದ ಪ್ರತಿಭಾವಂತ ಕ್ರೀಡಾಪಟುವಾಗಿ ಬೆಳೆಯಬಹುದು ಎಂದು ಹೇಳಿದರು.

ಕ್ರೀಡಾ ಜಿಲ್ಲೆಯಾದ ಕೊಡಗಿನಿಂದ 14 ಹಾಕಿ ಒಲಿಂಪಿಯನ್ನರು, ಇಬ್ಬರು ಅಥ್ಲೆಟಿಕ್ ಒಲಿಂಪಿಯನ್ನರು ದೇಶಕ್ಕೆ ಕೀರ್ತಿ ತಂದಿದ್ದಾರೆ. ಅದರಲ್ಲೂ ಒಲಿಂಪಿಯನ್ ಅರ್ಜುನ್ ಹಾಲಪ್ಪ ಒ.ಎಲ್.ವಿ.ಶಾಲೆಯ ಹಳೆಯ ವಿದ್ಯಾರ್ಥಿ ಎಂಬುದೇ ಶಾಲೆಗೆ ಹೆಮ್ಮೆ ಎಂದು ಹೇಳಿದರು. ಮುಖ್ಯ ಶಿಕ್ಷಕಿ ಸಿಸ್ಟರ್ ನಿರ್ಮಲಾ, ಆಡೆಲೇಡ್ ಡಿಸೋಜ, ಆಸೆಸ್ಟ್ ಡಿಸೋಜ, ದೈಹಿಕ ಶಿಕ್ಷಣ ಶಿಕ್ಷಕರಾದ ಮೋಹನ್, ಯುವರಂಜನ್, ಶಿಕ್ಷಕಿಯರಾದ ರೀಟಾ ಲೋಬೊ, ಮೇರಿಟಾ ಜಾನ್ ಪಿಂಟೊ ಇದ್ದರು.

ಕ್ರೀಡಾ ಪಟುಗಳಿಗೆ 100, 200 ಮೀಟರ್ ಓಟ, ಹಗ್ಗ ಜಗ್ಗಾಟ, ಕಬಡ್ಡಿ, ಖೋಖೋ ಮತ್ತು ವಿವಿಧ ಸ್ಪರ್ಧೆಗಳು ನಡೆದವು.