ನಾಳೆ, ನಾಡಿದ್ದು ಶ್ರೀ ಸಬ್ಬಮ್ಮ ದೇವರ ಸುಗ್ಗಿ ಉತ್ಸವ

ಏ.7ರಿಂದ ಸುಗ್ಗಿ ಉತ್ಸವ ಪ್ರಾರಂಭವಾಗಿದ್ದು, ಪುಷ್ಪಗಿರಿ ಬೆಟ್ಟಕ್ಕೆ ತೆರಳಿ ಮಳೆ ಕರೆಯುವ ಅಚರಣೆಯೊಂದಿಗೆ ಪ್ರಸಕ್ತ ಸಾಲಿನ ಸುಗ್ಗಿಗೆ ಚಾಲನೆ ನೀಡಲಾಗಿದೆ. ನಂತರ ಬೀರೇದೇವರ ಪೂಜೆ, ಗುಮ್ಮನ ಮಾರಿ ಪೂಜೆ, ಅಂಗಳ ಶುಚಿತ್ವ ಹಾಗೂ ಬಾವಿಗದ್ದೆ ಊಟ, ಊರೊಡೆಯನ ಪೂಜೆ, ಔತಣಮಕ್ಕಿ ಪೂಜೆ ಮತ್ತು ಅಗ್ನಿ ಕೊಂಡ ಹಾಯುವುದು, ತೆಂಗಿನ ಕಾಯಿಗೆ ಗುಂಡು ಹೊಡೆಯುವ ಪೂಜಾ ವಿಧಿವಿಧಾನಗಳು ನೆರವೇರಿವೆ.

ಏ.23ರಂದು ಬೆಳಗ್ಗೆ 6.30ರಿಂದ ದೇವರ ಗಂಗಾ ಸ್ನಾನ, ಮುಡಿ ಹರಕೆ ಒಪ್ಪಿಸುವುದು, ಬೀದಿ ರಾಜಾಂಗಣದಲ್ಲಿ ದೇವರ ಮೆರವಣಿಗೆ, ಸನ್ನಿಧಿ ಪ್ರವೇಶ ಕಾರ್ಯಗಳು ನಡೆಯಲಿವೆ. ಏ.24ರಂದು ಸಾವಿರಾರು ಭಕ್ತಾದಿಗಳ ಸಮ್ಮುಖದಲ್ಲಿ ದೊಡ್ಡ ಸುಗ್ಗಿ ನಡೆಯಲಿದೆ ಎಂದು ಡಿ.ಎನ್.ರಾಜಗೋಪಾಲ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.