ಪಾಲಿಬೆಟ್ಟದಲ್ಲಿ ಬರಿಗಾಲಿನ ಮ್ಯಾರಥಾನ್

ಬಾಲಿವುಡ್ ನಟ ಹಾಗೂ ನಿರ್ಮಾಪಕ ಮಿಲಿಂದ್ ಸೋಮನ್ ಮ್ಯಾರಥಾನ್ ಉದ್ಘಾಟಿಸಿ ಮಾತನಾಡಿ, ದೇಶದ ವಿವಿಧ ಭಾಗಗಳ ನೂರಾರು ಜನರು ಮ್ಯಾರಥಾನ್‌ನಲ್ಲಿ ಪಾಲ್ಗೊಳ್ಳುವ ಮೂಲಕ ಪರಿಸರ, ಆರೋಗ್ಯ ಕಾಳಜಿಯ ಜಾಗೃತಿ ಮೂಡಿಸಲು ಮುಂದಾಗಿದ್ದಾರೆ. ಆರೋಗ್ಯವಂತ ಸಮಾಜ ನಿರ್ಮಾಣ ಮಾಡಲು ಮ್ಯಾರಥಾನ್ ಸಹಕಾರಿಯಾಗಿದ್ದು, ಎಲ್ಲರೂ ನಡಿಗೆ ವ್ಯಾಯಾಮದ ಮೂಲಕ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು ಎಂದು ಕಿವಿಮಾತು ಹೇಳಿದರು

ಅಮೆರಿಕ, ಸಿಂಗಾಪುರ್, ಕೇರಳ, ತಮಿಳುನಾಡು, ದೆಹಲಿ, ಮುಂಬೈ ಹಾಗೂ ರಾಜ್ಯದ ವಿವಿಧ ಜಿಲ್ಲೆಯಿಂದ ಕ್ರೀಡಾಪಟುಗಳು ಉತ್ಸಾಹದಿಂದ ಪಾಲ್ಗೊಂಡಿದ್ದರು. 42 ಕಿ.ಮೀ. ಬರಿಗಾಲು ಮ್ಯಾರಥಾನ್ ಸ್ಪರ್ಧೆಯ ಪುರುಷರ ವಿಭಾಗದಲ್ಲಿ ಗಣಪತಿ ಯಲ್ಲಪ ಚಾಂಪಿಯನ್ ಪಟ್ಟ ಗಳಿಸಿ ನಗದು ಹಾಗೂ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡರು, ದ್ವಿತೀಯ ಬಹುಮಾನವನ್ನು ರಂಗಣ್ಣ ನೈಕರ ಪಡೆದರು.

21ಕಿ.ಮೀ. ಪುರುಷರ ವಿಭಾಗದಲ್ಲಿ ಗೌತಮ್, ದ್ವಿತೀಯ ಸ್ಥಾನವನ್ನು ನಿತಿನ್ ಕುಮಾರ್ ಹಾಗೂ ಮಹಿಳಾ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಮೀರಾ ಪಡೆದುಕೊಂಡರು.

10 ಕಿ.ಮೀ. ಪುರುಷರ ವಿಭಾದಲ್ಲಿ ಸುದೀಪ್ ಪೂಜಾರಿ, ದ್ವಿತೀಯ ಬಹುಮಾನ, ಪ್ರವೀಣ್ ಜೋಗಲೇಕಾರ್, ಮಹಿಳೆಯರ ವಿಭಾಗದಲ್ಲಿ ಪ್ರಥಮ ಬಹುಮಾನವನ್ನು ದೀಪ, ದ್ವಿತೀಯ ಬಹುಮಾನ ನಯನ ಶೆಟ್ಟಿ ಪಡೆದರು.

5 ಕಿ.ಮೀ. ಪುರುಷ ವಿಭಾಗದಲ್ಲಿ ಸುಂದರೇಶನ್ ಪ್ರಥಮ ಬಹುಮಾನ, ಮದನ್ ದ್ವಿತೀಯ ಬಹುಮಾನ ಹಾಗೂ ಮಹಿಳಾ ವಿಭಾಗದ ಪ್ರಥಮ ಬಹುಮಾನ ನಯನ ಮಂದಣ್ಣ, ದ್ವಿತೀಯ ತರ ಗಣಪತಿ ಪಡೆದರು. ಕಾರ್ಯಕ್ರಮದಲ್ಲಿ ಚೆಪ್ಪುಡಿರ ನಿಕ್ಕಿ ಪೊನ್ನಪ್ಪ, ವಿದ್ಯಾದರ್ಶ, ಪಾಲಿಬೆಟ್ಟ ಸುಬೈರ್ ಮತ್ತಿತರರು ಹಾಜರಿದ್ದರು.

ಪ್ರತಿ ವರ್ಷದಂತೆ ಈ ವರ್ಷ ಜೀರೋ ಪ್ಲಾಸ್ಟಿಕ್ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಈ ನಿಟ್ಟಿನಲ್ಲಿ ಮ್ಯಾರಥಾನ್‌ನಲ್ಲಿ ಭಾಗವಹಿಸಿದವರಿಗೆ ತೆಂಗಿನ ಚಿಪ್ಪಿನಲ್ಲಿ ನೀರನ್ನು ನೀಡಲಾಯಿತು. ಧ್ವನಿವರ್ಧಕಗಳಿಲ್ಲದೆ ಮತ್ತು ವಿದ್ಯುತ್ ಬಳಸದೆ ‘ವಲ್ಲಗ’ ಎಂದು ಕರೆಯಲ್ಪಡುವ ಜಾನಪದ ಸಂಗೀತದೊಂದಿಗೆ ಅಭ್ಯಾಸ ಆರಂಭಿಸಿದ್ದು ವಿಶೇಷವಾಗಿತ್ತು.