ಸಂತೆ ನಡೆಸಿದರು. ಮಕ್ಕಳು ತಮ್ಮ ತಮ್ಮ ಮನೆಗಳಲ್ಲಿ ಬೆಳೆದ ವಿವಿಧ ತರಕಾರಿ, ಸೋಪ್ಪು, ಗೆಡ್ಡೆ ಗೆಣಸು, ಸೋರೆಕಾಯಿ, ಕುಂಬಳಕಾಯಿ ಮುಂತಾದವುಗಳನ್ನು ತಂದು ಮಾರಾಟ ಮಾಡಿದರು. ಪಪ್ಪಾಯ, ಬಾಳೆಹಣ್ಣು, ಕಲ್ಲಂಗಡಿ ಹಣ್ಣು, ಸೀಬೆಕಾಯಿಗಳಿಗೆ ಬೇಡಿಕೆ ಹೆಚ್ಚಾಗಿತ್ತು. ಇದರ ಜೊತೆಯಲ್ಲಿ ತೆಂಗಿನಕಾಯಿ, ಎಳನೀರುಗಳನ್ನೂ ಮಾರಾಟ ಮಾಡಿದ್ದು ಗಮನ ಸೆಳೆಯಿತು. ತಮ್ಮ ತಮ್ಮ ಮನೆಗಳಲ್ಲೇ ತಯಾರಿಸಿದ ತಿಂಡಿ ತಿನಿಸುಗಳನ್ನು ತಂದಿದ್ದ ಮಕ್ಕಳು ಪಾನಿಪುರಿ, ಬೇಲ್ಪುರಿ, ಚುರಿಮುರಿಗಳನ್ನೂ ಮಾರಾಟ ಮಾಡಿದರು. ಬೇಸಿಗೆ ಕಾಲವಾದ್ದರಿಂದ ಕೆಲವು ಮಕ್ಕಳು ಪಾನಕವನ್ನು ತಾವೇ ತಯಾರಿಸಿ ಮಾರಾಟ ಮಾಡುತ್ತಿದ್ದರು. ಪಾಲಕರು ಮತ್ತು ಸ್ಥಳೀಯರು ಮಕ್ಕಳ ಸಂತೆಗೆ ಬಂದು ಖರೀದಿ ಮಾಡಿದರು. ಮಕ್ಕಳು ಗ್ರಾಹಕರನ್ನು ಕೂಗಿ ಕರೆದು ಪೈಪೋಟಿಯಿಂದ ವಹಿವಾಟು ನಡೆಸಿದ್ದು ವಿಶೇಷವಾಗಿತ್ತು.
