ಮಲೆನಾಡಿನಲ್ಲೂ ಮಳೆಯ ಕೊರತೆ

ಕೇಂದ್ರ ಸರ್ಕಾರದ ಬರಪೀಡಿರ ಪ್ರದೇಶಗಳ ಮಾನದಂಡ -2020 ರ ಪ್ರಕಾರ ಬರಪೀಡಿತ ತಾಲೂಕು ಎಂದು ಘೋಷಿಸಲು ಹಲವು ಟ್ರಿಗರ್ ಪಾಯಿಂಟುಗಳ ಅವಶ್ಯವಿದೆ. ಟ್ರಿಗರ್ 1ರಲ್ಲಿ 3 ಅಥವಾ ಅದಕ್ಕಿಂತ ಹೆಚ್ಚಿನ ವಾರಗಳಲ್ಲಿ ಮಳೆಯಾಗದಿದ್ದರೆ- ಡ್ರೈ ಸೈಲ್ ವೀಕ್ಸ್ ಎಂದು ಕರೆಯಲಾಗುತ್ತದೆ. ಟ್ರಿಗರ್ 2ರಲ್ಲಿ ಬಿತ್ತನೆಯ ಪ್ರಮಾಣ, ಬಿತ್ತಿದ ಬೆಳೆಗಳ ಸ್ಥಿತಿಗತಿ, ಮಣ್ಣಿನ ತೇವಾಂಶ, ಅಂತರ್ಜಲದ ಪ್ರಮಾಣ, ಕೆರೆಕಟ್ಟೆಗಳಲ್ಲಿ, ಅಣೆಕಟ್ಟುಗಳಲ್ಲಿನ ನೀರಿನ ಪ್ರಮಾಣ ಇತ್ಯಾದಿಗಳು ಸೇರುತ್ತವೆ. ಈ ಎರಡೂ ಅಂಶಗಳನ್ನು ಆಧರಿಸಿ 134 ತಾಲ್ಲೂಕುಗಳು ಟ್ರಿಗರ್ - 1 ಪ್ರಕಾರ ಅರ್ಹತೆ ಪಡೆದಿವೆ.

— ಡಾ. ಜಿ. ಪರಮೇಶ್ವರ, ಉಪಮುಖ್ಯಮಂತ್ರಿ

ಸೋಮವಾರಪೇಟೆ ಸ್ಟೋರಿಗೆ ಹೆಚ್ಚುವರಿ ಕೋಟ್ ಬಳಸಿಕೊಳ್ಳಿ: ಸೋಮವಾರಪೇಟೆ ತಾಲೂಕು ಸಾಧಾರಣ ಬರಪೀಡಿತ ಘೋಷಣೆ ಸರಿಯಾಗಿದೆ. ಆದರೂ ಹೋಬಳಿವಾರ ಯಾವ ರೀತಿಯ ಬರ ಇದೆ ಎಂದು ಪರಿಶೀಲನೆ ಮಾಡಬೇಕಿದೆ. ಕಾಫಿ ಹೂ ಕಟ್ಟಲು ಮಳೆ ಸರಿಯಾಗಿ ಬರಲಿಲ್ಲ, ಕೆಲವೆಡೆ ಬತ್ತದ ಗದ್ದೆ ನಾಟಿ ಮಾಡಲು ಮಳೆ ಬಂದಿದೆ ಕೆಲವೆಡೆ ಮಳೆ ಸರಿಯಾಗಿ ಬಾರದೆ ಆಕಾಶದೆಡೆ ನೋಡುತ್ತಿದ್ದಾರೆ. ಈ ಘೋಷಣೆಯಿಂದ ನಿಜವಾದ ಪರಿಹಾರ ಪಡೆಯಬೇಕಾದವರಿಗೆ ವಂಚನೆ ಆಗದಿರಲಿ.

— ಎಸ್.ಎಂ. ಉಮಾಶಂಕರ್, ಕಾಫಿ ಬೆಳೆಗಾರರು ಸಿಡಿಗಳಲೆ

ವಿಮೆಗೆ ಸಂಬAಧಿಸಿದAತೆ ಕೊಡಗು ಜಿಲ್ಲೆಯಲ್ಲಿ ಅತಿ ಹೆಚ್ಚು ಅರ್ಜಿಗಳು ಅಂದರೆ 353 ಅರ್ಜಿಗಳು ಸೋಮವಾರಪೇಟೆ ತಾಲೂಕಿನಲ್ಲಿ ಸಲ್ಲಿಕೆಯಾಗಿವೆ. ಅತಿ ಹೆಚ್ಚು ವಿಮೆ ಮಾಡಿಸಿದ ಪ್ರದೇಶ ಅಂದರೆ 127.45 ಹೆಕ್ಟೇರ್ ಪ್ರದೇಶದೊಂದಿಗೆ ಮೊದಲ ಸ್ಥಾನದಲ್ಲಿದೆ. ಸಾಮಾನ್ಯವಾಗಿ ಸುಮಾರು 5,300 ಹೆಕ್ಟೇರ್ ಪ್ರದೇಶದಲ್ಲಿ ಭತ್ತ ಬೆಳೆಯಲಾಗುತ್ತದೆ. ಈ ವರ್ಷ 2,300 ಹೆಕ್ಟೇರ್ ಪ್ರದೇಶದಲ್ಲಿ ಸದ್ಯ ನಾಟಿ ಕಾರ್ಯ ನಡೆದಿದೆ. ಬಿತ್ತನೆ ಮತ್ತು ನಾಟಿ ಕಾರ್ಯ ಇನ್ನೂ ಮುಂದುವರಿದಿದ್ದು ಈ ಪ್ರದೇಶ ಮತ್ತಷ್ಟು ಹೆಚ್ಚಳ ಆಗುವ ಸಾಧ್ಯತೆ ಇದೆ. ಸದ್ಯದ ಮಟ್ಟಿಗೆ ಮಳೆ ಕೊರತೆ ಕಾರಣದಿಂದ ಬೆಳೆ ನಷ್ಟ ಆದ ಬಗ್ಗೆ ಮಾಹಿತಿ ಇಲ್ಲ ಎಂದು ಸೋಮವಾರಪೇಟೆ ತಾಲೂಕು ಸಹಾಯಕ ಕೃಷಿ ನಿರ್ದೇಶಕ ವೀರಣ್ಣ ತಿಳಿಸಿದ್ದಾರೆ.