ಶಾಲೆಗಳಲ್ಲಿ ಯಶಸ್ವಿ ಗ್ರಾಮಸಭೆ

ಬಲ್ಯಮುಂಡೂರು ಶಾಲೆಯ ವಿದ್ಯಾರ್ಥಿ ವಿರಾಟ್ ಶಾಲೆಗೆ ಕಾಂಕ್ರೀಟ್ ರಸ್ತೆ ನಿರ್ಮಿಸಿ ಕೊಟ್ಟ ಗ್ರಾಮ ಪಂಚಾಯಿತಿಗೆ ಧನ್ಯವಾದಗಳನ್ನು ತಿಳಿಸಿದರು.

ಮತ್ತೊಬ್ಬ ವಿದ್ಯಾರ್ಥಿ ಮಹೇಶ್ ಶಾಲೆಗೆ ತಡೆಗೋಡೆ ಬೇಡಿಕೆಯ ಬಗ್ಗೆ ಪಂಚಾಯಿತಿ ಅಧ್ಯಕ್ಷರಿಗೆ ಮನವಿ ಪತ್ರ ಸಲ್ಲಿಸಿದರು.

ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ತೂಚಮಕೇರಿ ಮತ್ತು ನಡಿಕೇರಿಯ ವಿದ್ಯಾರ್ಥಿಗಳು ಹಲವು ಬೇಡಿಕೆಯ ಮನವಿ ಪತ್ರ ನೀಡಿದರು.

ಕಾರ್ಯಕ್ರಮದಲ್ಲಿ ನೋಡಲ್ ಅಧಿಕಾರಿಗಳು ಮಕ್ಕಳ ಹಕ್ಕು ಮತ್ತು ರಕ್ಷಣೆಗಳ ಬಗ್ಗೆ ತಿಳಿಸಿದರು.

ನೋಡಲ್ ಅಧಿಕಾರಿ ಸಮಾಜ ಕಲ್ಯಾಣ ಇಲಾಖೆಯ ಸಹಾಯಕ ನಿರ್ದೇಶಕಿ ಆಶಾ, ಗ್ರಾಪಂ ಅಧ್ಯಕ್ಷೆ ದೇಯಂಡ ಜಯಂತಿ, ಮುಖ್ಯ ಶಿಕ್ಷಕರಾದ ಕೆ.ಪಿ.ಪವಿತ್ರಾ, ಸುಬ್ರಮಣಿ, ಎ.ಎನ್.ದಿವ್ಯಾ, ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಸುರೇಶ್, ಕಾರ್ಯದರ್ಶಿ ಸುಶೀಲಾ, ಸಿಆರ್‌ಪಿ ತಿರುನೆಲ್ಲಿಮಡ, ಜೀವನ್, ಹಸೀನಾ, ಮಂಜುಳಾ, ಪದ್ಮಾ, ನಿಶ್ಚಿತ, ನಾಗಿಣಿ, ವಿನುತಾ, ಸುನೋಜಮ್ಮ, ಆಶಾ ಕಾರ್ಯಕರ್ತೆಯರಾದ ಕಾಂಚನಾ, ಭೋಜಮ್ಮ, ರೋಹಿಣಿ, ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕರು ಹಾಜರಿದ್ದರು.