ಕೊಡಗಿನಲ್ಲಿ ಭತ್ತದ ಕೃಷಿ ಉತ್ತುಂಗದಲ್ಲಿ ಇದ್ದ ಸಮಯದಲ್ಲಿ ಇಲ್ಲಿ ಡಿಸೆಂಬರ್ ತಿಂಗಳಿನಲ್ಲಿ ಉತ್ಪಾದನೆ ಆಗುತ್ತಿದ್ದ ಜೇನಿಗೆ ಭಾರಿ ಬೇಡಿಕೆ ಇರುತ್ತಿತ್ತು. ಭತ್ತದ ಹೂವಿನ ಮಕರಂದದಿAದ ತಯಾರಾಗುವ ಈ ಜೇನು ತುಂಬಾ ಗಟ್ಟಿ ಮಾತ್ರವಲ್ಲದೆ ವಿಶೇಷ ರುಚಿ ಹೊಂದಿರುತ್ತದೆ. ಎಷ್ಟು ದೀರ್ಘ ಕಾಲ ಇಟ್ಟರೂ ಕೆಡುವುದಿಲ್ಲ ಎನ್ನುವ ಹೆಗ್ಗಳಿಕೆಯೂ ಇದೆ. ಬ್ರಹ್ಮಗಿರಿ, ಪುಷ್ಪಗಿರಿ ಹಾಗೂ ತಡಿಯಂಡಮೋಳ್ ಬೆಟ್ಟ ಶ್ರೇಣಿಯ ಭಾಗಮಂಡಲ, ತಲಕಾವೇರಿ, ನಾಪೋಕ್ಲು, ಕಕ್ಕಬ್ಬೆ, ಶಾಂತಳ್ಳಿ, ಮುಕ್ಕೋಡ್ಲು ಭಾಗದ ಜೇನು ತುಪ್ಪವೂ ಇದರ ಔಷಧೀಯ ಗುಣ, ಸ್ವಾಧ, ರುಚಿಯಿಂದ ಹೆಸರು ಮಾಡಿದೆ. ಆದರೆ ಈಗಿನ ಮಾರುಕಟ್ಟೆ ತಂತ್ರಕ್ಕೆ ಅನುಗುಣವಾಗಿ ಈ ಜೇನು ತುಪ್ಪ ಬ್ರಾö್ಯಂಡ್ ಆಗದ ಕಾರಣ ಇನ್ನೂ ತೆರೆಮರೆಯಲ್ಲೇ ಉಳಿದುಕೊಂಡಿದೆ. ಪ್ರಧಾನಿ ಮನ್ ಕಿ ಬಾತ್ನಲ್ಲಿ ಉಲ್ಲೇಖವಾದ ತುಮಕೂರು ಮತ್ತು ಪುತ್ತೂರಿನ ಜೇನುಗಳಂತೆ ಕೊಡಗಿನ ಜೇನು ಕೂಡ ಬ್ರಾö್ಯಂಡ್ ಮೂಲಕ ಗುರುತಿಸಿಕೊಂಡರೆ ಸಹಜವಾಗಿ ಮಾರುಕಟ್ಟೆಯಲ್ಲಿ ಬೇಡಿಕೆ ಪಡೆದುಕೊಳ್ಳಲಿದೆ ಎನ್ನುವುದು ಪ್ರಗತಿಪರ ಕೃಷಿಕರ ಮಾತು.
