ಕುಶಾಲನಗರದಲ್ಲಿ ಪಿತೃಪಿಂಡ ತರ್ಪಣ ಕಾರ್ಯ

ಕುಶಾಲನಗರ :

ಭೀಮನ ಅಮಾವಾಸ್ಯೆ(ಕರ್ಕಿಡಕ ವಾವ್ ಬಲಿ) ಶುಭ ದಿನದಂದು ಪಿತೃಗಳನ್ನು ಸ್ಮರಿಸಿ ಅವರಿಗೆ ತರ್ಪಣ ಅರ್ಪಿಸುವುದು ಸನಾತನ ಪರಂಪರೆಯ ವಾಡಿಕೆ. ಅದರಂತೆ ಕುಶಾಲನಗರದ ಶ್ರೀ ಅಯ್ಯಪ್ಪ ಸ್ವಾಮಿ ದೇವಾಲಯದ ಸಮೀಪ ಇರುವ ಕಾವೇರಿ ನದಿ ತಟದಲ್ಲಿ ಶ್ರೀ ಮುತ್ತಪ್ಪ ಸ್ವಾಮಿ ಟ್ರಸ್ಟ್, ಎಸ್‌ಎನ್‌ಡಿಪಿ ಕುಶಾಲನಗರ ಶಾಖೆ ಹಾಗೂ ಕೇರಳ ಸಮಾಜದ ಸಂಯುಕ್ತ ಆಶ್ರಯದಲ್ಲಿ 4ನೇ ವರ್ಷದ ಪಿತೃಪಿಂಡ ತರ್ಪಣ ಕಾರ್ಯಕ್ರಮ ಶ್ರದ್ಧಾ-ಭಕ್ತಿಯಿಂದ ಬುಧವಾರ ನೆರವೇರಿತು.

ಧಾರ್ಮಿಕ ಕಾರ್ಯಕ್ರಮಗಳು ಪೂರ್ಣಗೊಂಡ ಬಳಿಕ, ಸಂಘಟಕರು ಹಾಗೂ ಸ್ವಯಂಸೇವಕರು ಕಾವೇರಿ ನದಿ ತೀರದ ಸೋಪಾನಕಟ್ಟೆ ಮತ್ತು ಸುತ್ತಮುತ್ತಲಿನ ಪರಿಸರ ಸ್ವಚ್ಛಗೊಳಿಸುವ ಮೂಲಕ ಪರಿಸರ ಜಾಗೃತಿಯನ್ನೂ ಮೆರೆದರು.