ಕೊಡಗು ಗೌಡ ಯುವ ವೇದಿಕೆಗೆ ನೂತನ ಪದಾಧಿಕಾರಿಗಳ ಆಯ್ಕೆ

ಜಿಲ್ಲೆಯ ಪ್ರತಿಷ್ಠಿತ ಕೊಡಗು ಗೌಡ ಯುವ ವೇದಿಕೆ ಅಧ್ಯಕ್ಷರಾಗಿ ಬಾಳಾಡಿ ಮನೋಜ್ ಕುಮಾರ್ ಆಯ್ಕೆ ಆಗಿದ್ದಾರೆ. ಶುಕ್ರವಾರ ಮಡಿಕೇರಿಯ ಗೌಡ ಸಮಾಜದ ಯುವ ವೇದಿಕೆ ಕಚೇರಿಯಲ್ಲಿ ನಡೆದ ಚುನಾವಣಾ ಪ್ರಕ್ರಿಯೆಯಲ್ಲಿ ಈ ಆಯ್ಕೆ ನಡೆದಿದೆ.

ಪ್ರಧಾನ ಕಾರ್ಯದರ್ಶಿಯಾಗಿ ಪುದಿಯನೆರವನ ರಿಷೀತ್ ಮತ್ತು ಕೆದಂಬಾಡಿ ಕಾಂಚನ ಗೌಡ, ಉಪಾಧ್ಯಕ್ಷರಾಗಿ ಎಡಿಕೇರಿ ಪ್ರಸನ್ನ ಮತ್ತು ಪರಿಚನ ಸತೀಶ್,ಸಹಕಾರ್ಯದರ್ಶಿಯಾಗಿ ಕವನ್ ಕೊತ್ತೋಳಿ, ಮೂವನ ಭರತ್ ಹಾಗೂ ಪರಿಚನ ಸೋನಿ, ಕೋಶಧಿಕಾರಿಯಾಗಿ ನವೀನ್ ದೇರಳ, ಕ್ರೀಡಾ ಸಮಿತಿ ಸಂಚಾಲಕರಾಗಿ ಕುಟ್ಟನ ಪ್ರಶಾಂತ್, ಸಾಂಸ್ಕೃತಿಕ ಸಮಿತಿಗೆ ಕುಕ್ಕೆರ ಲಕ್ಷ್ಮಣ್, ಆಹಾರ ಸಮಿತಿಗೆ ಕೊಂಬಾರನ ರಂಜು ಹಾಗೂ ಪೈಕೆರ ಗಗನ್, ವೇದಿಕೆ ಹಾಗೂ ಅಲಂಕಾರ ಸಮಿತಿ ಕುಂಡ್ಯನ ಚರಣ್, ಪ್ರಚಾರ ಸಮಿತಿಗೆ ಲೋಹಿತ್ ಮಾಗುಲುಮನೆ ಮತ್ತು ವಿನೋದ್ ಮೂಡಗದ್ದೆ, ಶಿಸ್ತು ಸಮಿತಿಗೆ ಪೊಕ್ಕಳಂಡ್ರ ಮನೋಜ್ ಹಾಗೂ ಪಟ್ಟಡ ದೀಪಕ್, ಗೌರವ ಸಲಹೆಗಾರರಾಗಿ ಕಟ್ಟೆಮನೆ ಸೋನಾಜಿತ್ ಮತ್ತು ಕೊಂಬನ ಪ್ರವೀಣ್ ಆಯ್ಕೆ ಆದರು.

ನಿರ್ದೆಶಕರಾಗಿ ಕಟ್ಟೆಮನೆ ರೋಷನ್, ಕೋಚನ ದಿಶಾಂತ್, ಪುಜಾರಿರ ಸುಮನ್, ಕಲ್ಲುಮುಟ್ಲು ಅನುದೀಪ್, ಸೋಹಾನ್ ಪೊಯ್ಯಕಂಡಿ, ಲೋಹಿತ್ ಜೈನಿರಾ, ಮಿತ್ರ ಪೂಜಾರಿ, ಕಿರ್ತನ್ ಮೂವನ, ನಾಮನಿರ್ದೇಶಿತ ಕಾಯಂ ನಿರ್ದೇಶಕರಾಗಿ ಕೋಡಿ ಅಭಿಲಾಷ್ ಅವರನ್ನ ಆಯ್ಕೆ ಮಾಡಲಾಯಿತು. ಗೌರವ ಅಧ್ಯಕ್ಷರುಗಳಾದ ಪೈಕೇರ ಮನೋಹರ್, ಪೊನ್ನಚ್ಚನ ಮಧು ಹಾಗೂ ಸೋನಾಜಿತ್ ನೇತೃತ್ವದಲ್ಲಿ ಚುನಾವಣೆ ನಡೆಯಿತು. ಮೂರು ವರ್ಷಗಳಿಂದ ಅಧಿಕಾರದ ಚುಕ್ಕಾಣಿ ಹಿಡಿದ್ದಿದ್ದ ಪಾಣತ್ತಲೆ ಜಗದೀಶ್ ನೂತನ ಆಡಳಿತ ಮಂಡಳಿಗೆ ಅಧಿಕಾರ ಹಸ್ತಾಂತರಿಸಿದರು.

ಇದಕ್ಕೂ ಮೊದಲು ಕೊಡಗು ಗೌಡ ಯುವ ವೇದಿಕೆಯ 2025-26ನೇ ಸಾಲಿನ ವಾರ್ಷಿಕ ಮಹಾ ಸಭೆ ಅಧ್ಯಕ್ಷ ಪಾಣತ್ತಲೆ ಜಗದೀಶ್ ನೇತೃದಲ್ಲಿ ನಡೆಯಿತು. ಈ ಸಂದರ್ಭ ಮಾತನಾಡಿದ ಅವರು ನಮ್ಮ ಆಡಳಿತ ಮಂಡಳಿಯ ಅವಧಿಯಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮ, ಕ್ರೀಡೆ ಸೇರಿದಂತೆ ಸಮುದಾಯದ ಅಭಿವೃದ್ಧಿಗೆ ಸಹಕಾರಿಯಾಗುವ ಕಾರ್ಯಕ್ರಮ ನಡೆಸಲಾಯಿತು. ಗೌಡ ಯುವ ವೇದಿಕೆಯ ಬೆಳವಣಿಗೆಗೆ ಎಲ್ಲರ ಸಹಕಾರವೂ ಅಗತ್ಯ. ಎಲ್ಲರೂ ಒಗ್ಗೂಡಿಕೊಂಡು ಯುವ ವೇದಿಕೆಯನ್ನ ಮುನ್ನಡೆಸಬೇಕು ಎಂದರು.

ಉಪಾಧ್ಯಕ್ಷ ರೀಷಿತ್ ಮಾದಯ್ಯ ಮಾತನಾಡಿ ನಾವುಗಳು ಕೇವಲ ಕ್ರಿಕೆಟ್ ಮಾತ್ರವಲ್ಲದೆ ಇತರೆ ಆಟೋಟಗಳ ಬಗ್ಗೆ ಕೂಡ ಕಾರ್ಯಕ್ರಮ ಮಾಡುವ ಚಿಂತನೆ ಇದೆ. ಮುಂದಿನ ದಿನಗಳಲ್ಲಿ ಒಲಿಂಪಿಕ್ಸ್ ರೀತಿಯ ಕ್ರೀಡಾಕೂಟ ಮಾಡುವ ಆಲೋಚನೆ ನಡೆದಿದ್ದು ಅರೆಭಾಷಿಕ ಸಮುದಾಯದಲ್ಲಿನ ಕ್ರೀಡಾ ಪ್ರತಿಭೆಗಳನ್ನ ಹೊರ ತರುವ ಕಾರ್ಯಕ್ರಮ ನಡೆಯಲಿದೆ. ಮುಂದಿನ ದಿನದಲ್ಲಿ ಕ್ರೀಡಾಕೂಟವನ್ನ ನಗರದಲ್ಲಿ ನಡೆಸಿದರೆ ಮತ್ತೊಂದು ಪಂದ್ಯಾವಳಿಯನ್ನು ಹಳ್ಳಿಯಲ್ಲಿ ನಡೆಸುವ ಆಲೋಚನೆ ಇದ್ದು ಸಮುದಾಯದ ಎಲ್ಲರ ಸಹಕಾರವು ಅಗತ್ಯ ಎಂದು ಹೇಳಿದರು.

ಕೊಡಗು ಗೌಡ ಯುವ ವೇದಿಕೆಯ ಪದಾಧಿಕಾರಿಗಳು ಈ ಸಂದರ್ಭ ಇದ್ದರು.

===